నేను చంద్రబాబు అంత మంచోడ్ని కాదు.. జేసీ దివాకర్ రెడ్డి
Andhra Pradesh Telugu | Suryaa Desk | Published : Sat, Nov 30, 2024, 07:20 PM
తాను చంద్రబాబు అంత మంచోడ్ని కాదన్నారు టీడీపీ సీనియర్ నేత, తాడిపత్రి మున్సిపల్ చైర్మన్ జేసీ ప్రభాకర్ రెడ్డి. వైఎస్సార్‌సీపీ నేత, అనంతపురం మాజీ ఎమ్మెల్యే అనంత వెంకట్రామిరెడ్డిపై మండిపడ్డారు. రాష్ట్ర అభివృద్ధి కోసం ముఖ్యమంత్రి చంద్రబాబు .. కోపం, తాపం, రోషం ఉన్నా.. పక్కన పెట్టారని జేసీ అన్నారు. తాను చంద్రబాబు అంత మంచివాడిని కాదని, కోపం, తాపం, రోషం ఉన్నాయని.. అలాగే కొట్టడం కూడా తెలుసు అంటూ హెచ్చరించారు. గత ప్రభుత్వంలో టీడీపీ కార్యకర్తలను దారుణంగా వేధించారని జేసీ మండిపడ్డారు. ప్రస్తుతం టీడీపీ కార్యకర్తలు నిరుత్సాహంగా ఉన్నారని, ఎమ్మెల్యేలు, నాయకులు బయటకు రావాలన్నారు.సీఎం చంద్రబాబు, మంత్రి నారా లోకేష్, డిప్యూటీ సీఎం పవన్ కల్యాణ్‌ను విమర్శిస్తే ఇంటికొచ్చి చెప్పుతో కొడతానంటూ హెచ్చరించారు. మాజీ ఎమ్మెల్యే అనంత వెంకట్రామిరెడ్డి ఇంటి పక్కన ఉన్న ఐటీఐ కళాశాల భూమిని కబ్జా చేసి గేటు పెట్టాడని ఆరోపించారు. డిసెంబర్ 4, 5 తేదీల్లో ఆ ఇంటికి వెళ్లి గేట్లు పగలగొడతామన్నారు.
|
|