టీలో పంచదార బదులు ఇదొక్కటి కలిపి నెల రోజులు తాగితే చాలు.. ఈ సమస్యలన్నీ మాయం.

చాలా మంది ఇళ్లల్లో టీ తాగుతుంటారు. అయితే, టీలో చక్కెర ఎక్కువగా వాడుతుంటారు. అయితే, చక్కెర వినియోగం వల్ల చాలా ఆరోగ్య సమస్యలు ఎదుర్కొవాల్సి ఉంటుంది. శరీరంలో చక్కెర ఎక్కువైతే.. రక్తంలో షుగర్ లెవల్స్ పెరిగే ప్రమాదముంది. అంతేకాకుండా డయాబెటిస్, నీరసం, అలసట వంటి సమస్యలు ఎదుర్కోనే అవకాశం ఉంది. అందుకే టీలో చక్కెర వినియోగాన్ని తగ్గించాలి. అయితే, టీలో చక్కెర తగ్గించడం వల్ల రుచి తగ్గుతుందని దిగులు చెందుతున్నారా..? రుచి తగ్గకుండా ఆరోగ్యానికి మేలు చేసే బెల్లాన్ని టీలో కలిపి తాగితే మంచిదంటున్నారు ఆయుర్వేద నిపుణులు.

బెల్లం టీ ఆరోగ్యానికి ఎంతో మేలు చేస్తుంది. ఐరన్, పొటాషియం, మెగ్నీషియం, కాల్షియం, ఫాస్పరస్ వంటి పోషకాలు బెల్లంలో సమృద్ధిగా ఉన్నాయి. చలికాలంలో బెల్లం తినడం వల్ల ఆరోగ్య ప్రయోజనాలు రెట్టింపు అవుతాయి. శరీరానికి వెచ్చదనం ఇచ్చి.. వ్యాధులతో పోరాడటంలో బెల్లం సాయపడుతుంది. బెల్లం టీతో గుండె ఆరోగ్యానికి మేలు జరుగుతుంది. అంతేకాకుండా బోలెడు ప్రయోజనాలు ఉన్నాయి. అవేంటో ఇక్కడ తెలుసుకుందాం.

జీర్ణక్రియ మెరగవుతుంది..

బెల్లం జీర్ణక్రియను మెరుగుపరచడంలో సహాయపడుతుంది. ఇది ప్రేగుల పనితీరును క్రమబద్ధీకరిస్తుంది. మలబద్ధకం వంటి సమస్యల తగ్గిస్తుంది. బెల్లం టీ తాగడం వల్ల పొట్ట ఆరోగ్యానికి మేలు జరుగుతుందని నిపుణులు చెబుతున్నారు. చలికాలంలో జీవక్రియ మందగిస్తుంది. అలాంటి పరిస్థితుల్లో బెల్లం టీ బెస్ట్ ఆప్షన్ అంటున్నారు ఎక్స్‌పర్ట్స్.

తక్షణ శక్తి..

బెల్లం సహజ చక్కెరను కలిగి ఉంటుంది. ఇది శరీరానికి తాజాదనాన్ని, తక్షణ శక్తిని ఇస్తుంది. ఈ టీ తాగడం వల్ల శరీరంలో ఎనర్జీ మెయింటెయిన్ అవుతుంది. సహజ చక్కెర ఆరోగ్యానికి హాని కలిగించదు. పరిమిత పరిమాణంలో బెల్లం తినడం వల్ల ఎటువంటి హాని జరగదు. చక్కెర టీకి బదులు బెల్లం టీ తాగడం వల్ల అలసట, నీరసం తగ్గిపోతాయని నిపుణులు అంటున్నారు.

రక్తహీనత సమస్యకు చెక్..

బెల్లంలో ఐరన్ ఎక్కువగా ఉంటుంది. ఇది రక్తహీనత సమస్యను తగ్గించడంలో సాయపడుతుంది. బెల్లం శరీరంలో హిమోగ్లోబిన్ స్థాయిల్ని పెంచుతాయి. బెల్లం టీ ముఖ్యంగా మహిళలకు మేలు చేస్తుంది. ఇది రక్తహీనత సమస్యను దూరం చేస్తుంది. అందుకే బెల్లం టీ రోజూ తాగితే మంచిదంటున్నారు.

రోగనిరోధక శక్తి బలపడుతుంది..

బెల్లంలో యాంటీఆక్సిడెంట్లు ఉంటాయి. ఇవి శరీరాన్ని ఇన్ఫెక్షన్లు, వ్యాధుల నుంచి కాపాడతాయి. బెల్లం టీ తాగడం వల్ల ఇమ్యూనిటీ పవర్ పెరుగుతుంది. దీంతో.. వ్యాధుల్ని తట్టుకునే శక్తి శరీరానికి వస్తుంది. చలికాలంలో బెస్ట్ ఇమ్యూనిటీ బూస్టర్ బెల్లం. ఇది జలుబు, దగ్గు వంటి సీజనల్ వ్యాధుల ప్రమాదాన్ని తగ్గిస్తుంది.

బరువు తగ్గడంలో సహాయం..

బెల్లం టీలో కేలరీలు తక్కువగా ఉంటాయి. అందుకే బెల్లం టీని రోజూ తాగడం వల్ల బరువును నియంత్రణలో ఉంచుకోవచ్చు. బెల్లం బరువును తగ్గించడంలో సాయపడుతుంది. బెల్లం అందించే శక్తి అధిక బరువు తగ్గడంలో తోడ్పడుతుందని నిపుణులు చెబుతున్నారు.

ఒత్తిడి దూరం..

ఈ రోజుల్లో చాలా మంది ఆఫీస్ వర్క్, లైఫ్‌స్టైల్ వల్ల ఒత్తిడి ఎక్కువ ఫీల్ అవుతున్నారు. ఇలాంటి వారికి బెల్లం టీ సూపర్ ఆప్షన్. బెల్లం శరీరంలో సెరోటోనిన్, ఎండార్ఫిన్ హార్మోన్ల స్థాయిల్ని పెంచుతుంది. ఇది మానసిక స్థితిని మెరుగుపరుస్తుంది. దీంతో.. మానసిక ఒత్తిడి తగ్గుతుంది.

చర్మం, జుట్టుకు కూడా మేలు..

బెల్లం టీ చర్మం, జుట్టుకు కూడా మేలు చేస్తుంది. ఇందులో ఉండే విటమిన్లు, మినరల్స్ చర్మంతో పాటు జుట్టు ఆరోగాన్ని మెరుగుపరుస్తాయి. చర్మం మిలమిలా మెరిసిపోవడానికి ప్రతి రోజూ బెల్లం టీ తాగండి. నెలరోజుల పాటు బెల్లం టీ తాగితే మంచి ఫలితాలు ఉంటాయని నిపుణులు చెబుతున్నారు.