ఉల్లిరసంలో వీటిని కలిపి రాస్తే జుట్టు రాలడం తగ్గడమే కాదు.. ఒత్తుగా అందంగా పెరుగుతుంది

​ఉల్లిపాయ రసంలో జుట్టు ఆరోగ్యాన్ని కాపాడే గుణాలు ఉన్నాయి. ఇది తలపై వచ్చే ఫంగల్ ఇన్ఫెక్షన్స్‌తో పోరాడుతుంది. బ్యాక్టీరియల్ ఇన్ఫెక్షన్స్‌ని దూరం చేస్తుంది. దీంతో తల వెంట్రుకలు రాలకుండా కాపాడుతుంది. దీనిని రాయడం వల్ల కెరాటిన్ ఆరోగ్యంగా ఉంటుంది. జుట్టు చిట్లిపోవడానికి , బలహీనమవ్వడానికి కెరాటిన్ ముఖ్య కారణం. ఇది డై సల్ఫైడ్ అనే మూలకం ద్వారా ఆరోగ్యంగా ఉంటుంది. ఉల్లిపాయలు డై సల్ఫైడ్‌ని సరిచేస్తాయి. ఇది కెరాటిన్ పొరని ఆరోగ్యంగా ఉంచుతుంది. ఉల్లిపాయలోని సల్ఫర్ ఈ ప్రయోజనాన్ని అందిస్తాయి.

ఉల్లిరసం ఎలా పనిచేస్తుంది?

ఉల్లిరసంలో సల్ఫర్ ఉంటుంది. ఇది కొల్లాజెన్ ప్రొడక్షన్, జుట్టుని పెంచుతుంది. ఇందులోని యాంటీ ఆక్సిడెంట్స్ జుట్టు తెల్లబడడాన్ని తగ్గించి జుట్టు రాలకుండా చూస్తుంది. రెగ్యులర్‌గా రాస్తే మంచి రిజల్ట్ ఉంటుంది.

డ్రై హెయిర్‌కు చెక్‌ పెట్టే.. కర్పూరం మాస్క్‌

ఎలా వాడాలి..

దీనిని వాడడం కూడా తేలికే.. చిన్న ఉల్లిపాయ లేదా మీ జుట్టుకి సరిపోయే పరిమాణంలో ఉన్న ఉల్లిపాయని తీసుకోండి. దీనిని మెత్తగా గ్రైండ్ చేయాలి. ఇందులో నీరు పోసి మొత్తం పిండుకోవాలి. దీనిని తల మొత్తం అప్లై చేయాలి. కొందరికి ఉల్లిపాయ రసం రాస్తే దురద వస్తుంది. కాసేపు అలానే ఉండి తర్వాత క్లీన్ చేసుకోవాలి. దీనిని షాంపూతో క్లీన్ చేయాల్సిన అవసరం లేదు. నీటితోనే క్లీన్ చేయాలి. ఇది సహజమైన క్లెన్సింగ్ ఏజెంట్. ఇలా వారానికి రెండు, మూడు సార్లు చేయడం మంచిది.

జుట్టు డ్రైగా ఉంటే..

మీ జుట్టు డ్రైగా ఉంటే ఉల్లిపాయ రసంలో దానికి సమాన పరిమాణంలో కొబ్బరి నూనె కలపండి. దీనిని తలకి రాసి అప్లై చేయాలి. ఆముదం రాసినా మంచిదే. రెగ్యులర్‌గా రాస్తే ఫంగల్ ఇన్ఫెక్షన్స్ వంటివి దూరమవుతాయి. దీనిని అప్లై చేసి 20 నిమిషాల పాటు అలానే ఉంచి క్లీన్ చేసుకోవాలి. ఇది స్కాల్ప్, జుట్టుకి కూడా రాయాలి. పిల్లలకి కూడా దీనిని వాడొచ్చు. అయితే, దీనిని రెగ్యులర్‌గా వాడితే జుట్టు రాలడం తగ్గి ఒత్తుగా పెరుగుతుంది.

హెయిర్ మాస్క్..

ఉల్లిరసంతో మాస్క్ కూడా ప్రిపేర్ చేయొచ్చు. దీనికోసం ఉల్లిపాయ రసంలో కొద్దిగా అలోవెరా జెల్ వేసి బాగా కలపండి. ఇందులో మీకు నచ్చిన ఏదైనా ఆయిల్ వేసి కలపండి. తర్వాత జుట్టుకి దీనిని అప్లై చేసి అరగంట పాటు ఉండండి. తర్వాత నీటితో క్లీన్ చేసుకుంటే మంచి రిజల్ట్ ఉంటుంది.

షాంపూ..

సాధారణంగా ఈ ఉల్లిరసంతో షాంపూ కూడా చేయొచ్చు. దీనికోసం ఉల్లిపాయ ముక్కల్ని, మందారపువ్వు రెక్కల్ని, అలొవెరా, కొన్ని మెంతుల్ని నీటిలో వేసి బాగా మారిగించండి. తర్వాత దీనిని బాగా మెత్తగా చేసి జుట్టుకి అప్లై చేయండి.

చుండ్రు తగ్గేందుకు..

ఉల్లిపాయ రసాన్ని కొబ్బరి నూనె, నిమ్మరసంతో కలపండి. దీనిని జుట్టుకి అప్లై చేసి రాయండి. దీంతో ఇన్ఫెక్షన్, దురద తగ్గుతుంది. చుండ్రు కూడా దూరమవుతుంది. రెగ్యులర్‌గా రాస్తే మీకే రిజల్ట్ కనిపిస్తుంది.