19న ఢిల్లీ సీఎం అభ్యర్థి ఖరారు !
national | Suryaa Desk | Published : Mon, Feb 17, 2025, 11:28 AM
ఢిల్లీ సీఎం అభ్యర్థి ఎవరో మరో రెండు రోజుల్లో తేలనుంది. బీజేపీ శాసనసభాపక్ష సమావేశం సోమవారం జరగనుంది. ఈనెల 8న ఎన్నికల ఫలితాలు వెలువడినప్పటికీ, 10 రోజులు పూర్తయినా ముఖ్యమంత్రి ఎవరు అనే అంశంపై ఇప్పటికీ కమలం స్పష్టత ఇవ్వలేదు. ఈ కారణంగా రాజకీయ వర్గాల్లో అనేక ఊహాగానాలు చెలరేగుతున్నాయి. ఇప్పటివరకు అందిన సమాచారం మేరకు, బీజేపీ శాసనసభా పక్ష సమావేశం ఈనెల 19న నిర్వహించనున్నట్లు తెలుస్తోంది. అదే రోజు సీఎం అభ్యర్థిని ఎంపిక చేసి, 20వ తేదీన కొత్త సీఎం ప్రమాణ స్వీకారం చేసే అవకాశముందని సమాచారం. ఇదివరకు సీఎం ప్రమాణ స్వీకారం ఇవాళ లేదా రేపట్లో ఉంటుందని ఊహాగానాలు వచ్చినప్పటికీ, తాజా పరిణామాల ప్రకారం ఈ ప్రక్రియ మరికొన్ని రోజులు కొనసాగనున్నట్లు పార్టీ వర్గాలు పేర్కొంటున్నాయి. ఈ పరిణామాల నేపథ్యంలో ఢిల్లీలో కొత్త ముఖ్యమంత్రి పగ్గాలు ఎవరి చేతికి వెళ్తాయన్నదానిపై రాజకీయ వర్గాల్లో ఆసక్తి నెలకొంది.
|
|