ట్రెండింగ్
ప్రజా సేవకి రాజకీయాలతో పనిలేదు
Andhra Pradesh Telugu | Suryaa Desk | Published : Tue, Feb 18, 2025, 09:50 AM
రాజకీయాల నుంచి తప్పుకుంటున్నట్టు తాను గత ఏడాది జూన్ పదో తేదీన ప్రకటించానని, ఆ నిర్ణయంలో ఎటువంటి మార్పు లేదని మాజీ ఎంపీ కేశినేని శ్రీనివా్స(నాని) తెలిపారు. ఈ మేరకు సోమవారం ఆయన ఒక ప్రకటన విడుదల చేశారు. మీడియాలో తాను పార్టీ మారుతున్నట్లు వచ్చిన కథనంలో వాస్తవం లేదన్నారు. ప్రజలకు సేవ చేయాలంటే రాజకీయాల్లో ఉండాల్సిన అవసరం లేదని తాను హృదయపూర్వకంగా నమ్ముతున్నానని తెలిపారు. విజయవాడ పార్లమెంట్ నియోజకవర్గ ప్రజల సంక్షేమం కోసం తాను నిరంత రం కృషి చేస్తానన్నారు. ప్రజాసేవ జీవిత నిబద్ధత అని, కుల, మత, రాజకీయాలకు అతీతంగా ఉంటుందని పేర్కొన్నారు. తన రాజకీయ పునరాగమనంపై నిరాధారమైన వార్తలు వచ్చినా వాటిని పట్టించుకోవద్దని పేర్కొన్నారు. తన ప్రయాణంలో సహకరించిన ప్రతి ఒక్కరికీ కేశినేని నాని కృతజ్ఞతలు తెలిపారు.
|
|