సీఎం రేఖా గుప్తా వద్దే హోం, ఫైనాన్స్,,,,ఢిల్లీ మంత్రులకు శాఖల కేటాయింపు
national | Suryaa Desk | Published : Thu, Feb 20, 2025, 09:46 PM
27 ఏళ్ల తర్వాత తిరిగి ఢిల్లీలో బీజేపీ ప్రభుత్వం కొలువుదీరింది. గురువారం ఢిల్లీలోని రామ్లీలా మైదానంలో ఢిల్లీ ముఖ్యమంత్రిగా రేఖా గుప్తా ప్రమాణ స్వీకారం చేశారు. ఆమె ఢిల్లీకి తొమ్మిదో ముఖ్యమంత్రి. ఈ కార్యక్రమానికి ప్రధానమంత్రి నరేంద్ర మోదీ.. కేంద్రమంత్రులు జేపీ నడ్డా, అమిత్ షా సహా ఎన్డీఏ పాలిత రాష్ట్రాల ముఖ్యమంత్రులు, బీజేపీ కీలక నేతలు హాజరయ్యారు. ఇక రేఖా గుప్తా సీఎంగా.. మరో ఆరుగురు ఎమ్మెల్యేలు మంత్రులుగా ప్రమాణం చేశారు. పర్వేష్ సాహిబ్ సింగ్ వర్మ, కపిల్ మిశ్రా, ఆశిష్ సూద్, మంజీందర్ సింగ్ సిర్సా, పంకజ్ కుమార్ సింగ్, రవీందర్ ఇంద్రజ్లకు శాఖలు కేటాయించారు.
ఢిల్లీ మంత్రివర్గం-నియోజకవర్గాలు-శాఖలు
రేఖా గుప్తా (ముఖ్యమంత్రి) (షాలిమార్ బాగ్ ఎమ్మెల్యే) - హోం, ఆర్థిక, సేవలు, నిఘా, ప్రణాళిక శాఖ
పర్వేష్ సాహిబ్ సింగ్ వర్మ (ఉప ముఖ్యమంత్రి) (న్యూఢిల్లీ ఎమ్మెల్యే) - విద్య, ప్రజాపనులు, రవాణా శాఖ
మంజీందర్ సింగ్ సిర్సా (రాజౌరీ గార్డెన్ ఎమ్మెల్యే) - ఆరోగ్యం, పట్టణాభివృద్ధి, పరిశ్రమలు శాఖ
రవీంద్ర కుమార్ ఇంద్రాజ్ (భావన ఎమ్మెల్యే) - సాంఘిక సంక్షేమం, ఎస్సీ, ఎస్టీ వ్యవహారాలు, కార్మిక శాఖ
కపిల్ మిశ్రా (కారవాల్ నగర్ ఎమ్మెల్యే) - నీరు, పర్యాటకం, సంస్కృతి శాఖ
ఆశిష్ సూద్ (జనకపురి ఎమ్మెల్యే) - రెవెన్యూ, పర్యావరణం, ఆహారం మరియు పౌర సరఫరాల శాఖ
పంకజ్ కుమార్ సింగ్ (వికాస్పురి ఎమ్మెల్యే) - చట్టం, శాసనసభ వ్యవహారాలు, గృహ నిర్మాణ శాఖ
|
|