బరువు తగ్గాలనుకొనే వారు ఈ కూరగాయలు తినాలి

బరువు తగ్గాలంటే కొన్ని ఆహారాల్ని డైట్‌లో చేర్చుకుంటే మరికొన్ని ఫుడ్స్‌కి దూరంగా ఉండాలి. ఇక, చాలా మంది బరువు తగ్గడానికి ఆహారంలో కూరగాయల్ని చేర్చుకుంటారు. ఎందుకంటే వాటిలో తక్కువ కేలరీలు, ఎక్కువ పోషకాలు ఉంటాయి. ఈ రోజుల్లో చాలా మంది అధిక బరువు, ఊబకాయం సమస్యలతో బాధపడుతున్నారు. ఒక వ్యక్తి ఆహారపు అలవాట్లు, చెడు జీవనశైలి అతని ఆరోగ్యంపై ప్రత్యక్ష ప్రభావాన్ని చూపుతాయి. ఆహారపు అలవాట్ల కారణంగా అధిక బరువు, బెల్లీ ఫ్యాట్ సమస్యలతో బాధపడుతున్నారు. అయితే, బరువు తగ్గడానికి చాలా మంది నానా ప్రయత్నాలు చేస్తున్నారు. కొందరు ఆహారంలో మార్పులు చేసుకుంటే.. మరికొందరు జిమ్‌లు చుట్టూ తిరుగుతున్నారు. అయితే, బరువు తగ్గడానికి ఆహారం ఎంతో కీలకం.

బరువు తగ్గాలంటే కొన్ని ఆహారాల్ని డైట్‌లో చేర్చుకుంటే మరికొన్ని ఫుడ్స్‌కి దూరంగా ఉండాలి. ఇక, చాలా మంది బరువు తగ్గడానికి ఆహారంలో కూరగాయల్ని చేర్చుకుంటారు. ఎందుకంటే వాటిలో తక్కువ కేలరీలు, ఎక్కువ పోషకాలు ఉంటాయి. అయితే, కొన్ని కూరగాయలు మాత్రం బరువు తగ్గించకపోగా.. వెయిట్ పెరిగేలా చేస్తాయి. బరువు తగ్గడానికి ప్రయత్నిస్తుంటే కొన్ని కూరగాయల్ని ఎట్టి పరిస్థితుల్లో కూడా తినకూడదు. ఆ కూరగాయలేంటో ఇక్కడ తెలుసుకుందాం.

బంగాళదుంప

​బంగాళాదుంప ప్రతి ఇంట్లో విరివిగా వాడే కూరగాయ. ఇందులో అధిక మొత్తంలో కార్బోహైడ్రేట్లు ఉంటాయి. ఇది శరీరంలో శక్తి స్థాయిని పెంచుతుంది. అయితే, మీరు బరువు తగ్గడానికి ప్రయత్నిస్తుంటే, బంగాళాదుంపలను పరిమిత పరిమాణంలో తినాలి. బంగాళాదుంపలలో అధిక మొత్తంలో స్టార్చ్ ఉంటుంది. ఇది బరువు పెరగడానికి కారణమవుతుంది. అంతేకాకుండా వేయించిన బంగాళదుంపలు లేదా ఫ్రెంచ్ ఫ్రైస్ వంటి వాటి జోలికి పోకూడదంటున్నారు నిపుణులు.

బఠానీ

​బఠానీలు ఒక పోషకమైన కూరగాయ. ఇందులో ప్రోటీన్, ఫైబర్ అధికంగా ఉంటాయి. అయితే, ఇందులో చాలా కార్బోహైడ్రేట్లు కూడా ఉంటాయి. ఇవి బరువు పెరగడానికి కారణమవుతాయి. బరువు తగ్గడానికి మీరు డైట్ ఫాలో అవుతుంటే బఠానీలు తినే విషయంలో జాగ్రత్తగా ఉండాలి. వీటిని ఎక్కువ పరిమాణంలో తినడం వల్ల కేలరీల సంఖ్య పెరుగుతుంది. దీంతో బరువు పెరుగుతారు.

చిలగడదుంప

​చిలగడదుంపలో విటమిన్ ఎ, ఫైబర్, యాంటీఆక్సిడెంట్లు ఉంటాయి. ఇవి ఆరోగ్యానికి ఎంతో మేలు చేస్తాయి. అయితే, ఇందులో అధిక మొత్తంలో కార్బోహైడ్రేట్లు, చక్కెర కూడా ఉంటాయి. మీరు బరువు తగ్గడానికి ప్రయత్నిస్తుంటే, చిలగడదుంపలను పరిమిత పరిమాణంలో తినాలి. ఎక్కువ మొత్తంలో తినడం వల్ల కేలరీల తీసుకోవడం పెరుగుతుంది. దీంతో బరువు పెరిగే ప్రమాదముంది.

మొక్కజొన్న

మొక్కజొన్న.. దీనిని చాలా మంది ఇష్టంగా తింటుంటారు. చాలా మంది ఉడకబెట్టి లేదా కాల్చుకుని తినడానికి ఇష్టపడతారు. అయితే, ఇందులో కార్బోహైడ్రేట్లు, కేలరీలు అధికంగా ఉంటాయి. మీరు బరువు తగ్గాలని ప్రయత్నిస్తుంటే తక్కువ మోతాదులో మొక్కజొన్నను తీసుకోవాలి. ఎక్కువ మోతాదులో మొక్కజొన్న తింటే బరువు పెరిగే అవకాశం ఉందంటున్నారు నిపుణులు.

చామ దుంప

చాలా మంది చామ దుంపను ఇష్టంగా తింటుంటారు. అయితే, చామ దుంపలో అధిక పిండి పదార్థం కలిగిన కూరగాయ. దీనిని తినడం వల్ల బరువు పెరగవచ్చు. బరువు తగ్గడానికి ప్రయత్నించేవారు చామ దుంపను పరిమిత పరిమాణంలో తీసుకోవాలి. అంతేకాకుండా నెయ్యిలో వేయించిన చామ దుంప తినడం అంత మంచిది కాదు.

ఉల్లిపాయ

ఉల్లిపాయలను చాలా కూరగాయలలో రుచిని పెంచడానికి ఉపయోగిస్తారు. అయితే, ఉల్లిపాయలో అధిక మొత్తంలో కార్బోహైడ్రేట్లు, చక్కెర ఉంటాయి. బరువు తగ్గాలనుకునేవారు ఉల్లిపాయలు తక్కువగా తినాలి. ఫ్రైడ్ ఆనియన్స్ ఎక్కువ తింటే బరువు పెరిగే అవకాశం ఉంది. అందుకే వేయించిన ఉల్లిపాయలకు దూరంగా ఉండాలి.