ఒంట్లోని కొలెస్ట్రాల్ని కరిగించి బరువు, షుగర్ని తగ్గించే బ్లాక్రైస్
Health beauty | Suryaa Desk | Published : Thu, Mar 06, 2025, 10:41 PM
బ్లాక్ రైస్ చూడ్డానికి నల్లగా ఉండే ఈ బియ్యాన్ని తినడానికి అంతగా ఇష్టపడరు. కానీ, వీటిని తినడం వల్ల బాడీకి ఎన్నో లాబాలు ఉన్నాయి. అవేంటో తెలుసుకోండి. బ్లాక్ రైస్కి ఆంథోసైనిన్ అనే వర్ణద్రవ్యం నుండి నలుపు రంగు వస్తుంది. దీనిలో ఎక్కువగా యాంటీ ఆక్సిడెంట్ గుణాలు ఉంటాయి. సాధారణంగా చాలా మంది వైట్ రైస్ తినేవారు. కానీ, వీటిని తినడం వల్ల సమస్యలొస్తాయని కొంతమంది వైట్ రైస్ బదులు బ్రౌన్ రైస్, రెడ్ రైస్ అంటూ తినడం మొదలుపెట్టారు. ఇక వైట్రైస్ కంటే బ్లాక్ రైస్లో ఎన్నో అద్భుత గుణాలు ఉంటాయి. ఈ బ్లాక్ రైస్లో ప్రోటీన్, విటమిన్స్, ఫ్యాట్, కార్బోహైడ్రేట్స్, ఫైబర్, ఐరన్, ఎన్నో ఖనిజాలు ఉంటాయి. ఇవి ఇమ్యూనిటీని స్ట్రాంగ్ చేస్తుంది. దీంతో బాడీ వీక్ అవ్వదు. ఈ బ్లాక్ రైస్లో యాంటీ ఆక్సిడెంట్ గుణాలు ఎక్కువగా ఉంటాయి. ఇవి బాడీ నుండి టాక్సిన్స్ని దూరం చేస్తాయి. దీంతో పాటు ఆరోగ్య సంబంధిత సమస్యలకి కారణమవుతుంది. వీటిని తినడం వల్ల ఏయే లాభాలున్నాయో తెలుసుకోండి.
గుండె ఆరోగ్యం
బ్లాక్ రైస్లో యాంటీ ఆక్సిడెంట్స్ ఉంటాయి. ఇవి గుండె ఆరోగ్యాన్ని కాపాడతాయి. ఇందులోని ఫ్లేవనాయిడ్స్ గుండె సమస్యల నుంచి వచ్చే మరణాలని తగ్గిస్తాయి. నల్లబియ్యంలోని ఆంథోసైనిన్స్ కొలెస్ట్రాల్, ట్రైగ్లిజరైడ్ స్థాయిలను మెరుగ్గా చేస్తాయి. వీటిని తీసుకోవడం వల్ల మంచి కొలెస్ట్రాల్ స్థాయిలు మెరుగయ్యాయని , చెడు కొలెస్ట్రాల్ స్థాయిలు తగ్గాయని తేలింది. కాబట్టి, ఈ బియ్యం తినడం వల్ల గుండె సమస్యల నుండి మనల్ని మనం కాపాడుకోవచ్చు.
యాంటీ క్యాన్సర్ గుణాలు
నల్లబియ్యంలోని ఆంథోసైనిన్స్ కూడా క్యాన్సర్ నిరోధక లక్షణాలని కలిగి ఉంటాయి. వీటిని తీసుకోవడం వల్ల కొలొరెక్టల్ క్యాన్సర్ వచ్చే ప్రమాదం తగ్గుతుంది. అదే విధంగా, బ్లాక్ రైస్లోని ఆంథోసైనిన్స్ మానవ రొమ్ము క్యాన్సర్ కణాల సంఖ్యని తగ్గించాయని వాటి పెరుగుదల, వ్యాప్తి సామర్థ్యాన్ని తగ్గించాయని అధ్యయనాలు చెబుతున్నాయి. అయితే, కొన్ని రకాల క్యాన్సర్ ప్రమాదాన్ని తగ్గించేందుకు బ్లాక్ రైస్ హెల్ప్ చేస్తాయన్న విషయం గురించి మరికొన్ని పరిశోధనలు అవసరం.
కంటి ఆరోగ్యానికి
నల్లబియ్యంలో ఎక్కువగా లుటీన్, జియాక్సంతిన్స్లు ఉంటాయి. ఇవి కంటి ఆరోగ్యాన్ని కాపాడే రెండు రకాల కెరోటినాయిడ్ష్. ఈ సమ్మేళనాలు యాంటీ ఆక్సిడెంట్స్గా పనిచేస్తాయి. మీ కళ్లని ఫ్రీ హానికరమైన ఫ్రీ రాడికల్స్ నుండి కాపాడేందుకు హెల్ప్ చేస్తాయి. ముఖ్యంగా, ప్రమాదకరమైన నీలికాంతి తరంగాలను ఫిల్టర్ చేసి రెటీనాని కాపాడేందుకుందు సాయపడతాయి. ఈ బియ్యం తీసుకోవడం వల్ల ఇందులోని యాంటీ ఆక్సిడెంట్స్ కంటి సమస్యల్ని దూరం చేసి ఆరోగ్యాన్ని కాపాడతాయి.
బరువు తగ్గేందుకు
బ్లాక్ రైస్లో ప్రోటీన్, ఫైబర్లు ఎక్కువగా ఉంటాయి. ఇవి రెండు కూడా ఆకలిని తగ్గించి కడుపు నిండిన భావనని పెంచుతాయి దీంతో బరువు తగ్గడానికి హెల్ప్ అవుతుంది. పరిశోధనల ప్రకారం బ్లాక్రైస్లోని ఆంథోసైనిన్స్ కొవ్వు శాతాన్ని తగ్గించి బరువుని తగ్గిస్తాయి. వీటిని బ్రౌన్రైస్తో కలిపి తీసుకున్నప్పుడు బరువు తగ్గడం ఈజీ అవుతుంది. కొన్ని పరిశోధనల ప్రకారం రోజు వైట్ రైస్ బదులు బ్లాక్ రైస్ తిన్నవారు ఎక్కువ బరువు తగ్గారు. కొలెస్ట్రాల్ని తగ్గించుకున్నారు.
షుగర్ లెవల్స్
బ్లాక్ రైస్ తినడం వల్ల ఇందులోని ఆంథోసైనిన్స్ టైప్ 2 డయాబెటిస్ ఉన్నవారిలో రక్తంలోని చక్కెర శాతాన్ని తగ్గిస్తాయని అధ్యయనాలు చెబుతున్నాయి. అంతేకాకుండా వీటిలోని గుణాలు నాన్ ఆల్కహాల్ ఫ్యాటీ లివర్ సమస్యని కూడా తగ్గిస్తుందని ఎలుకలపై జరిగిన ఓ అధ్యయనంలో తేలింది.
ఎలా వండాలంటే
ఈ రైస్ ఎలా వండాలో చాలా మందికి తెలియదు. అన్ని బియ్యంలానే దీనిని కూడా వండాలి. దీనికోసం మరీ ఎక్కువగా కష్టపడాల్సిన అవసరం లేదు. అవసరమనుకుంటే ముందుగా నానబెట్టడండి. దీంతో త్వరగా ఉడికిపోతాయి. ఉడికిన తర్వాత మంటని తగ్గించి మూత ఉంచి అలానే ఉంచండి. వడ్డించే ముందు మెత్తగా అయ్యేందుకు ఫోర్క్ వాడండి. దీంతో త్వరగా మెత్తగా అవుతుంది రైస్.
|
|