బిర్యానీ కంటే పులావ్ ఆరోగ్యకరమా, రెండింటి మధ్య తేడా ఏంటి

ఇదివరకటి రోజుల్లో అయితే ఎప్పుడోసారి ఇంట్లో లేదంటే ఏదైనా ఫంక్షన్‌కి వెళ్తేగానీ బిర్యానీ తినేవారు. కానీ, ఇప్పుడు అలా కాదు. చాలా మందికి బిర్యానీ అనేది కామన్ ఫుడ్ అయిపోయింది. వారానికోసారి, బోర్ కొట్టినప్పుడు ఓసారి, ఎవరింటికైనా వెళ్తే బిర్యానీ, మన ఇంటికి ఎవరైనా వస్తే బిర్యానీ, ఉదయం ఓ సారి మిగిలితే దాంతోనే సర్దేయడానికి మరోసారి ఇలా టైమ్, రోజు అంటూ తేడా లేకుండా బిర్యానీలు తెగ లాగించేస్తున్నారు. దీని వల్ల చాలా సమస్యలొస్తాయి. బరువు పెరగడం దగ్గర్నుంచీ, బీపి, షుగర్స్ పెరిగే వరకూ చాలానే సమస్యలొస్తాయి. అలా కాకుండా మరి ఏం చేయాలో తెలుసుకోండి.

వెజిటేబుల్ పులావ్

పులావ్ కూడా బిర్యానీకి ఈక్వెల్‌గానే ఉంటుంది. టేస్ట్‌లో కూడా అలానే ఉంటుంది. కానీ, ఇందులో కాస్తా మసాలాలు, ఇతర పదార్థాలు తక్కువగా ఉంటాయి. కాబట్టి బిర్యానీ అంత ఘాటుగా ఉండదు. టేస్ట్‌లో మాత్రం ఏ మాత్రం రాజీ పడాల్సిన అవసరం లేదు. చాలా బాగుంటుంది. వెజిటేబుల్ పులావ్ చేసుకోవచ్చు. దీనికోసం మనకి ఇష్టమైన కూరగాయలన్నింటిని వేసి పులావ్ వేయొచ్చు. దీంతో మనకి చక్కగా ఫైబర్, ఇతర పోషకాలు అందుతాయి.

జీరా రైస్

ఇది కూడా రెగ్యులర్‌గా చేసే రైస్ కంటే ఫ్లేవర్‌ఫుల్‌‌గా ఉంటుంది. ఈ రైస్ చాలా హెల్దీ కూడా త్వరగా జీర్ణమవుతుంది. దీనికి బెస్ట్ కాంబినేషన్‌గా మీరు పప్పు, రైతా ట్రై చేయొచ్చు. చాలా టేస్టీగా ఉంటుంది. పైగా చేయడం కూడా చాలా ఈజీనే. జీలకర్ర ఎలాంటి లాభాలనిస్తుందో ప్రత్యేకంగా చెప్పాల్సిన అవసరం లేదు. ​

బిసిబెల్లా బాత్

ఇది చూడ్డానికి పొంగల్‌గా ఉంటుంది. కానీ, అంత మైల్డ్ ఫ్లేవర్ కాకుండా మంచి క్రంచీ అండ్ మసాలా ఫ్లేవర్స్‌తో చాలా బాగుంటుంది. పైగా దీంతో ఓ బెనిఫిట్ ఉంటుంది. అదేంటంటే సెపరేట్‌గా మనం కర్రీ చేయాల్సిన అవసరం లేదు. దీనినే చక్కగా తినేయొచ్చు. అంత బాగుంటుంది. రెండు రెండు వంటలు చేయాల్సిన అవసరం లేదు.

నాన్‌వెజ్ ఐటెమ్స్

మీరు నాన్‌వెజ్‌కి వెళ్లాలనుకుంటే అందులో కూడా మీకు చాలానే ఆప్షన్స్ ఉన్నాయి. అవేంటంటే​

మటన్ తెహ్రి ఇది మీట్‌తో కలిపి మంచి మసాలా పదార్థాలను కలిపి చేస్తారు. దీని వల్ల మసాలా ఫ్లేవర్ రైస్‌తో కలిపి చాలా ఫ్లేవర్‌ఫుల్‌గా ఉంటుంది. అదే విధంగా, మీట్ బ్రోథ్‌తో కూడా మంచి పులావ్ చేసి కూడా ఎంజాయ్ చేయొచ్చు. ఇక్కడ కీ పాయింట్ ఏంటంటే మీరు మీట్, నాన్‌వెజ్‌తో కలిపి చేయొచ్చు.

అదే తేడా

బిర్యానీ, పులావ్ సేమ్ టేస్ట్ ఉంటుంది కదా.. పులావ్ ఎందుకు లైట్‌గా అనిపిస్తుందంటే చేసే విధానం, కలిపే మసలాలా పదార్థాలలో చాలా తేడా ఉంటుంది. పులావ్‌ని కాస్తా పొడవైన బియ్యంతో చేస్తే, బిర్యానీని పర్టిక్యులర్‌గా బాస్మతితోనే చేస్తారు. పులావ్‌ని మనం కూరగాయలు అవన్నీ వేసి ఉడికిస్తే.. బిర్యానీని మాత్రం అందులో వేసే పదార్థాలను మారినేట్ చేసి లేయర్ లేయర్‌గా కలిపి దమ్ చేసి ఉడికిస్తారు. పులావ్‌ కాస్తా మైల్డ్ టేస్ట్ ఉంటే బిర్యానీ మాత్రం ఘాటుగా ఉంటంది. బిర్యానీలో వేసే పదార్థాలు ఘాటు ఎక్కువగా ఉంటాయి.