పుచ్చకాయ నిల్వచేస్తె ఏమవుతుందో తెలుసుకోండి....?

వేసవికాలం అనగానే గుర్తొచ్చేది పుచ్చకాయ.  కొంతమంది పుచ్చకాయను పూర్తిగా తినకుండా.. కొంత భాగాన్ని ఫ్రిజ్‌లో దాచుకుంటారు. ఇలా రిఫ్రిజిరేటర్‌లో నిల్వ చేసిన పుచ్చకాయ తినడం వల్ల ఆరోగ్యానికి ప్రమాదం అంటున్నారు పుచ్చకాయలో విటమిన్లు ఎ, బి, సి, పొటాషియం, లైకోపీన్, బీటా కెరోటిన్ వంటి అనేక పోషకాలు పుష్కలంగా ఉంటాయి. ఇవి శరీరానికి చాలా మేలు చేస్తాయి. ఇందులోని లైకోపీన్ అనే యాంటీఆక్సిడెంట్ శరీర రోగనిరోధక శక్తిని పెంచడానికి సహాయపడుతుంది. కానీ పుచ్చకాయను కోసిన తర్వాత రిఫ్రిజిరేటర్‌లో ఉంచితే, దానిలోని కీలక పోషకాలైన లైకోపీన్, విటమిన్లు ఎ, సి తగ్గుతాయని నిపుణులు అంటున్నారు. పుచ్చకాయలో 90% కంటే ఎక్కువ నీరు ఉంటుంది. దీనిని కోసిన వెంటనే తినడం శరీరానికి చాలా మంచిది. అయితే దీనిని కట్ చేసిన తర్వాత ఫ్రిజ్‌లో ఉంచితే అందులోని తేమ బ్యాక్టీరియా పెరగడానికి కారణమవుతుంది. దీనివల్ల ఫుడ్ పాయిజనింగ్ అయ్యే అవకాశం ఉంది. చిన్నపిల్లలు, వృద్ధులు ఇలాంటి రిఫ్రిజిరేటెడ్ పండ్లు తినకుండా ఉండటం మంచిది. రిఫ్రిజిరేటర్‌లో నిల్వ చేసిన పుచ్చకాయ తినడం వల్ల కొన్ని గంటల్లోనే కడుపు నొప్పి, వాంతులు, విరేచనాలు వచ్చే అవకాశం ఉంది.

పుచ్చకాయలో సహజ శీతలీకరణ లక్షణాలు ఉంటాయి. అందుకే వేసవిలో దీనిని తరచుగా తింటారు. కానీ ఫ్రిజ్‌లో ఉంచిన పుచ్చకాయ ఇంకా చల్లగా ఉంటుంది. కొంతమందికి దీన్ని తిన్న వెంటనే దగ్గు, జలుబు, గొంతు సమస్యలు వస్తాయి. ముఖ్యంగా రాత్రిపూట చల్లటి పుచ్చకాయ తినడం వల్ల జీర్ణక్రియ మందగించడమే కాకుండా, అజీర్ణ సమస్యలు కూడా వస్తాయి. అలాగే, ఇందులో నీటి శాతం ఎక్కువగా ఉండటం వల్ల, తరచుగా మూత్ర విసర్జన చేయాల్సి రావచ్చు. ఇది నిద్రకు భంగం కలిగిస్తుంది. అందువల్ల ఉదయం లేదా మధ్యాహ్నం పుచ్చకాయ తినడం మంచిది. పుచ్చకాయను కోసిన వెంటనే తినడం మంచిది. మీరు దానిని ఫ్రిజ్‌లో ఉంచవలసి వస్తే, రంధ్రాలు ఉన్న మూతతో కప్పండి. ఇది పండ్లలో అదనపు తేమ పేరుకుపోకుండా నిరోధిస్తుంది. బ్యాక్టీరియా పెరగకుండా నిరోధిస్తుంది. నిపుణుల అభిప్రాయం ప్రకారం పుచ్చకాయను కోసిన 2-3 గంటలలోపు తినడం మంచిది. ఆరోగ్య నిపుణులు రాత్రిపూట పుచ్చకాయ తినమని సిఫార్సు చేయరు. ఎందుకంటే రాత్రిపూట జీర్ణక్రియ మందగిస్తే, అది కడుపు ఉబ్బరానికి కారణమవుతుంది.