అనుమానిత ఐఎస్ఐ ఏజెంట్ అరెస్ట్
national | Suryaa Desk | Published : Wed, Mar 13, 2019, 01:40 PM
న్యూఢిల్లీ : రాజస్థాన్లోని జైసల్మేర్లో అనుమానిత ఐఎస్ఐ ఏజెంట్ను పోలీసులు అరెస్టు చేశారు. అదుపులోకి తీసుకున్న ఐఎస్ఐ ఏజెంట్ను జైసల్మేర్కు చెందిన నవాబ్ ఖాన్(36) అలియాస్ నబియాగా గుర్తించారు పోలీసులు. 22 రోజుల పాటు పాకిస్థాన్లో నవాబ్ ఖాన్ ఉగ్రవాదుల సమక్షంలో శిక్షణ తీసుకున్నట్లు సమాచారం. అయితే నవాబ్.. గత ఏడాది కాలం నుంచి సరిహద్దులో భారత ఆర్మీ కదలికలను, ఇతర సమాచారాన్ని ఎప్పటికప్పుడు పాకిస్థాన్లోని ఐఎస్ఐకు చేరవేసినట్లు తెలుస్తోంది. కస్టడీలోకి తీసుకున్న నవాబ్ను పోలీసులు విచారిస్తున్నారు.
అయితే గతేడాది మతపరమైన ఓ కార్యక్రమానికి నవాబ్ తన తల్లిదండ్రులతో కలిసి పాకిస్థాన్కు వెళ్లాడు. ఈ సమయంలోనే నవాబ్ ఐఎస్ఐ సభ్యులతో పాకిస్థాన్లోని ఓ హోటల్లో సమావేశమయ్యాడు. ఐఎస్ఐ సభ్యులను కలిపించేందుకు నవాబ్కు ఆయన బంధువు సహాయం చేశారు. ఆ తర్వాత 22 రోజుల పాటు అక్కడ శిక్షణ తీసుకుని ఇండియాకు చేరుకున్న నవాబ్.. భారత ఆర్మీ కదలికలను ఎప్పటికప్పుడు ప్రత్యేకమైన కోడ్ భాషలో మొబైల్ ఫోన్ ద్వారా ఐఎస్ఐకు చేరవేశాడు.
|
|