హాని చేసే కొలెస్ట్రాల్‌ని కరిగించే అల్లం, వీటిని తీసుకునే విధానం ఏంటో తెలుసా

వంటింట్లో దొరికే మసాలాలు, సుగంధ ద్రవ్యాలు తీసుకోవడం వల్ల చెడు కొలెస్ట్రాల్ సులభంగా క్లియర్ అవుతుంది. అలాంటి వాటిలో అల్లం ఒకటి. అల్లం వాడకం వల్ల శరీరంలో చెడు కొలెస్ట్రాల్ చాలా వరకు తగ్గుతుంది. కొలెస్ట్రాల్ సమస్యకు చెక్ పెట్టడానికి అల్లాన్ని ఎలా 

అనారోగ్యకరమైన ఆహారం, ప్రాసెస్ చేసిన ఫుడ్స్ తీసుకోవడం వల్ల అనేక ఆరోగ్య సమస్యలు వస్తున్నాయి. అందులో ప్రధానంగా చెడు కొలెస్ట్రాల్ సమస్య ఒకటి. ఈ రోజుల్లో చాలా మంది అధిక కొలెస్ట్రాల్ సమస్యతో బాధపడుతున్నారు. శరీరంలో చెడు కొలెస్ట్రాల్ స్థాయిలు పెరిగితే ఆరోగ్యానికి ముప్పు. దీని కారణంగా, గుండె జబ్బులు వచ్చే ప్రమాదం క్రమంగా పెరుగుతుంది. ఇది శరీరంలోని రక్త ప్రసరణను గణనీయంగా ప్రభావితం చేస్తుంది. రక్తప్రసరణను నెమ్మదిగా మారుస్తుంది. దీంతో.. గుండె రక్తాన్ని పంప్ చేయడం కష్టమవుతుంది. ఈ కారణంగా గుండెపోటు, స్ట్రోక్ వంటి ప్రమాదకర పరిస్థితులు వచ్చే అవకాశాలు పెరుగుతాయి.

హెల్దీ లైఫ్‌స్టైల్, సరైన ఆహారం తీసుకోవడం వల్ల గుండె ఆరోగ్యంగా ఉండటంతో పాటు.. చెడు కొలెస్ట్రాల్ స్థాయిలు తగ్గుతాయి. అంతేకాకుండా కొన్ని ఇంటి చిట్కాలు కూడా ప్రభావవంతంగా పనిచేస్తాయి. వంటింట్లో దొరికే మసాలాలు, సుగంధ ద్రవ్యాలు తీసుకోవడం వల్ల చెడు కొలెస్ట్రాల్ సులభంగా క్లియర్ అవుతుంది. అలాంటి వాటిలో అల్లం ఒకటి. అల్లం వాడకం వల్ల శరీరంలో చెడు కొలెస్ట్రాల్ చాలా వరకు తగ్గుతుంది. కొలెస్ట్రాల్ సమస్యకు చెక్ పెట్టడానికి అల్లాన్ని ఎలా వాడాలో ఇక్కడ తెలుసుకుందాం.

అల్లంతో మేలు

​అల్లం ఆరోగ్యానికి చాలా మేలు చేస్తుంది. అయితే, దీని రుచి వల్ల చాలా మంది తినడానికి ఇష్టపడరు. అయితే, శరీరానికి చేసే ప్రయోజనాలు బోలెడు. అల్లం వల్ల ఇమ్యూనిటీ పవర్ పెరుగుతుంది. జీర్ణశక్తి మెరగవుతుంది. అల్లం రోజూ తీసుకోవడం వల్ల కండరాలు నొప్పులు తాగుతాయి.ఉదయాన్ని టీలో అల్లం కలుపుకుని తింటే అనారోగ్యం దరిచేరదు. అల్లాన్ని పచ్చిగా నమిలినా సరే లేదా తేనెతో కలిపి తిన్నా, జ్యూస్‌లా చేసుకుని తాగినా మంచిదే. ఇక, చెడు కొలెస్ట్రాల్ తగ్గించడంలో అల్లాన్ని ఎలా తీసుకోవాలో చుద్దాం.

అల్లాన్ని ఎలా తీసుకోవాలి?

అల్లంతో చెడు కొలెస్ట్రాల్ స్థాయిల్ని శరీరంలో తగ్గించుకోవచ్చు. ఇందుకోసం.. ముందుగా అల్లాన్ని చిన్న చిన్న ముక్కలుగా కట్ చేసుకోండి. ఆ తర్వాత దీన్ని పేస్టులా చేసుకోండి. ఆ తర్వాత గ్లాసు నీటిలో 1-2 స్పూన్ల అల్లం పేస్ట్ కలపండి. ఈ నీటిని కవర్ చేసి రాత్రంతా అలాగే ఉంచండి. తర్వాత ఈ నీటిని మరిగించి మరుసటి రోజు తాగాలి. జింజర్ లెమన్ వాటర్ కూడా కొలెస్ట్రాల్ స్థాయిలు తగ్గుతాయి. ఇందుకోసం అల్లం ముక్కల్ని తీసుకోండి. ఆ తర్వాత నీటిలో అల్లం ముక్కల్ని ఉడకబెట్టండి. తర్వాత ఫిల్టర్ చేసి గ్లాస్‌లోకి తీసుకోండి. ఇప్పుడు నీటిలో సగం నిమ్మకాయను పిండుకోండి. ఈ నీటిని తాగడం వల్ల సిరల్లో పేరుకుపోయిన కొలెస్ట్రాల్ కరిగిపోతుంది.

అల్లం, బెల్లం

శరీరంలో పెరుగుతున్న కొలెస్ట్రాల్ స్థాయిల్ని తగ్గించాలనుకుంటే పచ్చి అల్లాన్ని బెల్లంతో కలిపి తినాలంటున్నారు నిపుణులు. ఈ రెండింటిని కలిపి తీసుకోవడం వల్ల శరీరంలో కొలెస్ట్రాల్ స్థాయిల్ని చాలా వరకు తగ్గించుకోవచ్చు. ఇందుకోసం పచ్చి అల్లాన్ని తురుము పట్టుకోండి. ఆ తర్వాత బెల్లాన్ని మెత్తగా పొడిగా చేసి.. అల్లం తురుములో కలపండి. బాగా కలిపిన తర్వాత తినండి. ఇది తినడానికి చాలా రుచిగా ఉంటుంది. ఆరోగ్యానికి మేలు చేయడంతో శరీరంలో కొలెస్ట్రాల్ స్థాయిల్ని తగ్గిస్తుంది.

పచ్చి అల్లాన్ని నమలండి

కొలెస్ట్రాల్ తగ్గాలంటే పచ్చి అల్లం బెస్ట్ ఆప్షన్. పచ్చి అల్లాన్ని నమిలితే శరీరంలో పేరుకుపోయిన చెడు కొలెస్ట్రాల్ స్థాయిల్ని తగ్గించుకోవచ్చు. ఇలా తినడం వల్ల గుండె ఆరోగ్యం కూడా మెరుగుపడుతుంది. ఉదయాన్నే ఖాళీ కడుపుతో ఓ రెండు చిన్న ముక్కల్ని నమలండి. అల్లంలోని సారం లోపలికి పోయి ట్రైగ్లిజరైడ్స్ స్థాయిల్ని తగ్గిస్తుంది. కావాలంటే గోరువెచ్చని నీటితో కూడా కలిపి తీసుకోవచ్చు. ఇది కొలెస్ట్రాల్‌ను ఎఫెక్టివ్‌గా తగ్గించగలదు.

అల్లం కొలెస్ట్రాల్‌ని ఎలా తగ్గిస్తుంది?

అల్లంలో ఉండే లక్షణాలు శరీరంలోని చెడు కొలెస్ట్రాల్, ట్రైగ్లిజరైడ్స్ స్థాయిలను తగ్గించడంలో ప్రభావవంతంగా ఉంటుందని 2014లో ప్రచురించబడిన ఓ అధ్యయనం చెబుతుంది. అదే సమయంలో, ఇది ఎల్డిఎల్ కొలెస్ట్రాల్ స్థాయిలను తగ్గించగలదని, హెచ్డీఎల్ కొలెస్ట్రాల్‌ను పెంచుతుందని 2008 అధ్యయనంలో ఉంది. వాస్తవానికి, అల్లంలో జింజెరాల్స్ అనే సమ్మేళనాలు ఉన్నాయి. ఇవి శరీరంలోని కొలెస్ట్రాల్ స్థాయిలను తగ్గించడంలో ప్రభావవంతంగా ఉంటాయి. శరీరంలో పెరుగుతున్న కొలెస్ట్రాల్ స్థాయిని తగ్గించాలనుకుంటే, అల్లంను క్రమం తప్పకుండా తినండి. దీనివల్ల ఎంతో ప్రయోజనం ఉంటుంది.