ఎల్ఎస్జీ మ్యాచ్ నుంచి సంజూ శాంసన్ అవుట్
sports | Suryaa Desk | Published : Sat, Apr 19, 2025, 11:32 PM
అనుకున్నట్లే జరిగింది. రాజస్థాన్ రాయల్స్ కెప్టెన్ సంజూ శాంసన్.. లక్నో సూపర్ జెయింట్స్తో మ్యాచ్కు దూరమయ్యాడు. ఢిల్లీ క్యాపిటల్స్తో జరిగిన గత మ్యాచ్లో గాయం కారణంగా సంజూ శాంసన్.. రిటైర్ట్ హర్ట్గా వెనుదిరిగాడు. ఆ తర్వాత మ్యాచ్ సూపర్ ఓవర్ వరకూ దారి తీసినా.. అతడు మాత్రం బ్యాటింగ్ చేయలేదు. గాయం ఇంకా పూర్తిగా మానకపోవడంతో అతడు లక్నో సూపర్ జెయింట్స్తో జరుగుతున్న మ్యాచ్కు దూరమయ్యాడు. రియాన్ పరాగ్.. రాజస్థాన్ రాయల్స్ కెప్టెన్గా వ్యవహరిస్తున్నాడు.
జైపూర్ వేదికగా జరుగుతున్న ఈ మ్యాచ్లో టాస్ గెలిచిన లక్నో సూపర్ జెయింట్స్ కెప్టెన్ రిషభ్ పంత్.. తొలుత బ్యాటింగ్ ఎంచుకున్నాడు. పిచ్ పరిస్థితుల దృష్ట్యా ఈ నిర్ణయం తీసుకున్నట్లు అతడు వెల్లడించాడు. ఇక ఆకాశ్ దీప్ స్థానంలో ప్రిన్స్ను జట్టులోకి తీసుకున్నట్లు చెప్పాడు. అటు రాజస్థాన్ రాయల్స్ కూడా 14 ఏళ్ల వైభవ్ సూర్యవంశీని.. ఇంపాక్ట్ సబ్స్టిట్యూట్ ప్లేయర్ల జాబితాలో చేర్చింది.
ఇండియన్ ప్రీమియర్ లీగ్లో రాజస్థాన్ రాయల్స్, లక్నో సూపర్ జెయింట్స్ జట్ల మధ్య ఐదు మ్యాచ్లు జరిగాయి. ఇందులో రాజస్థాన్ రాయల్స్ నాలుగు మ్యాచ్లలో గెలుపొందింది. లక్నో సూపర్ జెయింట్స్ కేవలం ఒకే మ్యాచ్లో విజయం సాధించింది. ప్రస్తుత మ్యాచ్కు వేదికైన జైపూర్లో ఈ రెండు జట్ల మధ్య 2 మ్యాచ్లు జరిగితే చెరొక దాంట్లో విజయం సాధించాయి.
తుది జట్లు..
రాజస్థాన్ రాయల్స్:
యశస్వి జైశ్వాల్, శుభమ్ దూబే, రియాన్ పరాగ్ (కెప్టెన్), నితీష్ రాణా, ధృవ్ జురెల్ (వికెట్ కీపర్), షిమ్రాన్ హిట్మెయర్, వానిందు హసరంగ, జోఫ్రా ఆర్చర్, మహేశ్ తీక్షణ, సందీప్ శర్మ, తుషార్ దేశ్పాండే
ఇంపాక్ట్ సబ్స్: వైభవ్ సూర్యవంశీ, యుధ్వీర్ సింగ్ చరక్, ఆకాష్ మధ్వల్, కుమార్ కార్తికేయ, కునాల్ సింగ్ రాథోడ్
లక్నో సూపర్ జెయింట్స్:
ఎయిడెన్ మార్క్రమ్, మిచెల్ మార్ష్, నికోలస్ పూరన్, రిషభ్ పంత్ (వికెట్ కీపర్/ కెప్టెన్), డేవిడ్ మిల్లర్, అబ్దుల్ సమద్, రవి బిష్ణోయ్, శార్దూల్ ఠాకూర్, ప్రిన్స్ యాదవ్, దిగ్వేష్ సింగ్ రాఠీ, అవేష్ ఖాన్
ఇంపాక్ట్ సబ్స్: ఆయుష్ బదోని, మయాంక్ యాదవ్, షాబాజ్ అహ్మద్, మాథ్యూ బ్రీట్జ్కే, హిమ్మత్ సింగ్
|
|