ఐపీఎల్లో 200 సిక్సర్లు కొట్టిన కేఎల్ రాహుల్,,,ఈ ఫీట్ సాధించిన భారత ప్లేయర్
sports | Suryaa Desk | Published : Sat, Apr 19, 2025, 11:34 PM
ఇండియన్ ప్రీమియర్ లీగ్లో ఢిల్లీ క్యాపిటల్స్ ప్లేయర్ కేఎల్ రాహుల్ చరిత్ర సృష్టించాడు. నరేంద్ర మోదీ స్టేడియం వేదికగా గుజరాత్ టైటాన్స్తో జరిగిన మ్యాచులో అరుదైన ఫీట్ సాధించాడు. ఐపీఎల్ చరిత్రలో అత్యంత వేగంగా 200 సిక్స్లు బాదిన భారత బ్యాటర్గా నిలిచాడు. ఓవరాల్గా ఈ జాబితాలో మూడో ప్లేసులో నిలిచాడు. గుజరాత్ టైటాన్స్తో మ్యాచ్లో మహమ్మద్ సిరాజ్ బౌలింగ్లో లాంగాన్ మీదుగా భారీ సిక్స్ కొట్టిన రాహుల్.. ఈ క్లబ్లో చేరిపోయాడు.
కాగా కేఎల్ రాహుల్ తన 129వ ఐపీఎల్ ఇన్నింగ్స్లో 200 సిక్సర్ల మార్కును దాటాడు. ఈ జాబితాలో రాహుల్ కంటే ముందు.. వెస్టిండీస్ విధ్వంసకర ప్లేయర్ క్రిస్ గేల్ ఉన్నాడు. గేల్ కేవలం 69 ఇన్నింగ్స్లలోనే ఈ ఫీట్ సాధించాడు. ఆ తర్వాత స్థానంలో మరో విండీస్ స్టార్ ప్లేయర్ ఆండ్రూ రస్సెల్ నిలిచాడు. అతడు 97 ఇన్నింగ్స్లలో ఈ ఫీట్ సాధించాడు.
అతి తక్కువ ఐపీఎల్ ఇన్నింగ్స్లలో 200 సిక్సర్లు కొట్టిన ప్లేయర్లు ఎవరంటే..
*క్రిస్ గేల్ - (69 ఇన్నింగ్స్లు)
*ఆండ్రూ రస్సెల్ - (97 ఇన్నింగ్స్లు)
*కేఎల్ రాహుల్ - (129 ఇన్నింగ్స్లు)
*ఏబీ డివిలియర్స్ - (137 ఇన్నింగ్స్లు)
*డేవిడ్ వార్నర్ - (148 ఇన్నింగ్స్లు)
*కీరన్ పొలార్డ్ - (150 ఇన్నింగ్స్లు)
ఇక ఐపీఎల్లో అత్యధిక సిక్సర్లు కొట్టిన జాబితాలో 11వ స్థానంలో నిలిచాడు. ఇందులోనూ క్రిస్గేల్దే హవా కొనసాగుతోంది. అతడు 357 సిక్సర్లు బాదాడు. రెండో ప్లేసులో రోహిత్ శర్మ, మూడో ప్లేసులో విరాట్ కోహ్లీ ఉన్నారు.
ఐపీఎల్లో అత్యధిక సిక్సులు కొట్టిన క్రికెటర్లు వీళ్లే..
*క్రిస్ గేల్ - 357 సిక్స్లు
*రోహిత్ శర్మ- 286 సిక్స్లు
*విరాట్ కోహ్లీ - 282 సిక్స్లు
*ఎంఎస్ ధోనీ - 260 సిక్స్లు
*ఏబీ డివిలియర్స్ - 251 సిక్స్లు
*డేవిడ్ వార్నర్ - 236 సిక్స్లు
*కీరన్ పొలార్డ్ - 223 సిక్స్లు
*సంజూ శాంసన్ - 216 సిక్స్లు
*ఆండ్రీ రసెల్ - 212 సిక్స్లు
*సురేశ్ రైనా - 213 సిక్స్లు
*కేఎల్ రాహుల్ - 200 సిక్స్లు
|
|