చంద్రబాబు జన్మదిన వేడుకల్లో అపశృతి, యూత్ నాయకుడు మృతి
Andhra Pradesh Telugu | Suryaa Desk | Published : Sun, Apr 20, 2025, 05:07 PM
తెలుగు రాష్ట్రాల్లో టీడీపీ జాతీయ అధ్యక్షుడు, ఏపీ సీఎం నారా చంద్రబాబు నాయుడు 75వ జన్మదిన వేడుకలను ఆ పార్టీ శ్రేణులు, ఆయన అభిమానులు ఘనంగా నిర్వహిస్తున్నారు. అయితే ఈ వేడుకల్లో అపశృతి చోటు చేసుకుంది. ఉమ్మడి కర్నూలు జిల్లాలోని ఆలూరులో సీఎం చంద్రబాబు జన్మదినం సందర్భంగా ఆదివారం స్థానికంగా భారీ ర్యాలీ నిర్వహించారు. ఈ ర్యాలీలో టీడీపీ జిల్లా యూత్ అధికార ప్రతినిధి బోయ సురేంద్ర పాల్గొన్నారు. ఆయనకు తీవ్ర గుండెపోటు రావడంతో.. ర్యాలీలో ఒక్కసారిగా కుప్ప కూలిపోయారు. దీంతో పార్టీలోని సహచరులు వెంటనే స్పందించి.. ఆయన్ని స్థానిక ఆసుపత్రికి తరలించారు. అప్పటికే బోయ సురేంద్ర మరణించారని వైద్యులు వెల్లడించారు. దీంతో స్థానిక శ్రేణుల్లో తీవ్ర విషాదం నెలకొంది. పార్టీ కార్యక్రమాల్లో చాలా చురుగ్గా పాల్గొనే బోయ సురేంద్ర ఒక్కసారిగా.. అది కూడా అంతా ఇలా ఫుల్ జోష్లో ఉండగా మృతి చెందడంతో వారంతా తీవ్ర విషాదంలో మునిగిపోయారు.
|
|