ప్రూనే పండుతో కడుపు మొత్తం ఖాళీ అవుతుంది

ప్రతిరోజు ఉదయాన్నే మలవిసర్జన సరిగ్గా చేయకపోతే రోజంతా ఏ పనిని శ్రద్దగా చేయలేం. వారానికి మూడు కంటే తక్కువసార్లు మలవిసర్జన జరిగితే మీకు మలబద్ధకం సమస్య ఉన్నట్లే. ఈ సమస్యని దూరం చేయడంలో ఫైబర్ ఎక్కువగా ఉండే ఫుడ్స్ తీసుకుంటే హెల్ప్ అవుతుంది. అందుకోసం పండ్లు, హోల్ గ్రెయిన్స్, చిక్కుళ్లు, కూరగాయలు, ఫైబర్ వంటివి తీసుకోవచ్చు. వీటి వల్ల ప్రేగు కదలికలు సరిగ్గా ఉంటాయి. ప్రూనే ఫ్రూట్స్ కూడా తీసుకోవచ్చు. వీటిని ఎండిన రేగు పండ్లు అంటారు. ఇందులో ఫైబర్ ఎక్కువగా ఉంటుంది. దీని కారణంగా మలబద్ధకం చాలా వరకూ హెల్ప్ అవుతుంది.

ప్రూనేతో లాభాలు

​ప్రూన్స్ పండ్లలో ఫైబర్ ఎక్కువగా ఉంటుంది. దీని వల్ల మలబద్ధకం తగ్గడమే కాకుండా, ప్రేగు ఆరోగ్యం మెరుగ్గా మారుతుంది. వందగ్రాముల ఎండిన రేగు పండ్లలో 7. 1 గ్రాముల ఫైబర్ ఉంటుంది.

ఈ పండ్లలో సోర్బిటాల్ కూడా ఉంటుంది. ఇది ఓ రకమైన కార్బహైడ్రేట్. ప్రేగుల్లోకి నీటిని లాగి మలాన్ని మృదువుగా చేసి మలవిసర్జన సాఫీగా జరిగేలా చేస్తుంది. ఈ పండులో ఫినోలిక్ సమ్మేళనాలు కూడా ఉన్నాయి. ముఖ్యంగా నియోక్లోరోజెనిక్, క్లోరోజెనిక్ యాసిడ్స్ ఉంటాయి. యాంటీ ఆక్సిడెంట్స్‌గా పనిచేసే ఈ సమ్మేళనాలు ప్రేగుల్ని ఉత్తేజపరుస్తాయి. జీర్ణక్రియని మెరుగ్గా చేస్తాయి.

ఎలా తినాలి

ఈ పండ్లు మనకి తాజాగా దొరుకుతాయి. డ్రైగా కూడా తొరుకుతాయి. వీటిని తీసుకోవడం వల్ల ఫైబర్ పెరుగుతుంది.

వీటిని రాత్రంతా గోరువెచ్చని నీటిలో నానబెట్టాలి. దాంతో అవి సాఫ్ట్‌గా మారతాయి. ఈజీగా జీర్ణమవుతాయి.

ప్రూనే జ్యూస్

కొన్నిసార్లు నేరుగా తినాలనిపించదు. అలాంటప్పుడు ఈ పండ్లని జ్యూస్‌లా చేసి తాగొచ్చు. మలబద్ధకం ఉన్నవారికి ఈ జ్యూస్ బెస్ట్.

ఈ జ్యూస్ తాగడం వల్ల కడుపు సమస్యలు తగ్గుతాయని పరిశోధకులు చెబుతున్నారు.

ఈ డ్రై ఫ్రూట్స్‌ని పెరుగు, పాలతో కలిపి స్మూతీస్‌లా చేసి తాగొచ్చు.

హోల్ గ్రెయిన్స్ తీసుకున్నప్పుడు ప్రూన్స్ కలిపి తీసుకోవచ్చు.

ప్యూరీలా చేసి తీసుకోవచ్చు.

ఎప్పుడు తీసుకోవాలి

మీరు ఈపండ్లని ఎప్పుడైనా తీసుకోవచ్చు. కానీ, ఉదయం తీసుకుంటే మలబద్ధకం సమస్య చాలా వరకూ తగ్గుతుంది. ఇది జీర్ణ వ్యవస్థలో ఫైబర్‌ని ప్రాసెస్ చేయడానికి అనుమతిస్తుంది. ప్రేగు కదలికల్ని ప్రోత్సహిస్తుంది.

ఎన్ని తీసుకోవాలి

ఇది చాలా అంశాలపై ఆధారపడి ఉంటుంది. సాధారణంగా పెద్దవారికి 4 నుంచి 5 అంటే సుమారు 30 గ్రాములు తీసుకుంటే ప్రేగు కదిలికలు బాగుంటాయి.

పిల్లలకైతే 1 లేదా 2 సరిపోతాయి. ​

ప్రెగ్నెన్సీ టైమ్‌లో

ప్రెగ్నెన్సీ టైమ్‌లో మలబద్ధకానికి ఎండిన రేగు పండ్లు మంచి నివారణ. హార్మోన్స్ చేంజెస్, ఐరన్ సప్లిమెంట్స్ కారణంగా చాలా మందికి మలవిసర్జన కష్టంగా ఉంటుంది. అయితే, వీటిలోని ఫైబర్ జీర్ణక్రియని మెరుగ్గా చేస్తాయి. డాక్టర్ సలహాతో ఈ పండ్లని ప్రెగ్నెంట్స్ రోజుకి 3, 4 తినొచ్చు.

సైడ్ ఎఫెక్ట్స్

డ్రై ప్రూన్స్‌లో సార్బిటాల్ ఉంటుంది. ఇది ప్రేగు కదలికల్ని కంట్రోల్ చేస్తుంది. ఎక్కువగా తీసుకుంటే ప్రేగుల్లోకి ఎక్కువగా నీరు ప్రవహిస్తుంది. ఫలితంగా విరోచనాలు అవుతాయి.

వీటితో పాటు ఫైబర్ ఫుడ్స్ ఎక్కువగా తినడం వల్ల గ్యాస్, అసిడిటీ వస్తుంది.

ఇందులోని సహజ చక్కెర బరువు పెరగడానికి కారణమవుతుంది.

వీటిని భోజనంతో కలిపి తినొచ్చు. జ్యూస్ తాగడం, పెరుగు, పాలతో కలిపి స్మూతీల్లా చేసి తాగొచ్చు.

కొన్ని సమస్యలు ఉన్నాయి. కాబట్టి, తీసుకునే ముందు డాక్టర్ సలహాతో తీసుకోవడం, ఎంత పరిమాణంలో తీసుకోవాలని తెలుసుకుని తీసుకోవడం మంచిది.