కొత్తిమీర కాడలతో షుగర్, క్యాన్సర్స్‌ని దూరం పెట్టొచ్చు

కొత్తిమీర కాడలు కూడా ఆకుల్లానే ఆహారానికి రుచి, సువాసనని జోడించడం కంటే ఎన్నో అద్భుత ప్రయోజనాలనిస్తాయి. కాబట్టి, వీటిని అస్సలు పారేయొద్దు. వీటి తింటే ఎన్నో పోషకాలు అందుతాయి.

కొత్తిమీరలో ఆస్కార్బిక్ ఆమ్లం, ముఖ్య నూనెలు ఎక్కువగా ఉంటాయి. ఇందులో క్రిమిసంహారక, డీటాక్స్, యాంటీ ఆక్సిడెంట్ గుణాలు ఉన్నాయి. అందుకే, వీటిని ఎలా అయినా మనం తీసుకోవాలి. వీటిని పారేసే బదులు, వీటితో సూప్, రసం, చట్నీ చేసుకుని తీసుకుంటే చాలా లాభాలు ఉంటాయి. చాలా ప్రదేశాల్లో ఈ కాడల్ని వంటల్లో వాడతారు కూడా.

బ్లడ్ షుగర్ తగ్గేందుకు

కొత్తిమీర రక్తంలో చక్కెర స్థాయిలను అదుపు చేస్తుంది. కాబట్టి, డయాబెటిస్ ప్రమాదాన్ని తగ్గుతుంది. వీటిని రెగ్యులర్‌గా మనం సూప్, రసం, చట్నీల్లా చేసి తీసుకోవడం వల్ల ఇందులోని ఉత్తేజిత ఎంజైమ్స్ బ్లడ్ గ్లూకోజ్ లెవల్స్‌ని తగ్గిస్తాయి. ఈ కాడల్ని చట్నీల్లో వాడడం వల్ల రుచి పెరగడమే కాకుండా ఈ లాభాలన్నీ కూడా ఉంటాయి.

ఎముకల ఆరోగ్యానికి

కొత్తిమీరలో కాల్షియం, పాస్ఫరస్, మెగ్నీషియం వంటి ఖనిజాలు ఉన్నాయి. ఇవి ఎముక సాంద్రతని పెంచుతాయి. కీళ్ల నొప్పుల నుండి కాపాతాయి. బలమైన ఎముకలు కావాలంటే కొత్తిమీర ఆకుల్ని, కాడల్ని కచ్చితంగా తినండి.

ఇమ్యూనిటీ పెరిగేందుకు

యాంటీ ఆక్సిడెంట్స్ ఇందులో పుష్కలంగా ఉంటాయి. దీనిని తీసుకోవడం వల్ల సెల్యులార్ నష్టం తగ్గుతుంది. ఇది రోగ నిరోధక శక్తిని పెంచే, న్యూరోప్రొటెక్టివ్, యాంటీ క్యాన్సర్ ప్రభావాలని కలిగి ఉంది. కొత్తిమీరలో మైక్రోబయల్ గుణాలు ఉన్నాయి. అవన్నీ అంటువ్యాధులతో కూడా పోరాడి ఆ సమస్యలు దూరమయ్యేందుకు హెల్ప్ చేస్తాయి.

జీర్ణక్రియకి

జీర్ణ రసాలు, ఎంజైమ్స్‌ని ప్రేరేపించడానికి కొత్తిమీర పనిచేస్తుంది. దీని వల్ల జీర్ణ సమస్యలు తగ్గుతాయి. ఇది మాత్రమే కాదు. కొత్తిమీర ఉబ్బరాన్ని తగ్గిస్తుంది. ప్రేగు కదలికల్ని నియంత్రిస్తుంది. వీటిని తీసుకోవడం వల్ల కడుపు నిండినట్లుగా ఉండి అతిగా తినరు. ప్రేగులు ఆరోగ్యంగా ఉంటాయి.

క్యాన్సర్‌కి వ్యతిరేకంగా

కొత్తిమీరలో యాంటీ క్యాన్సర్ గుణాలు పుష్కలంగా ఉంటాయి. ఓ నివేదిక ప్రకారం, కొత్తిమీరలానే కాడల్లోనూ క్యాన్సర్ నిరోధక గుణాలు ఉన్నాయి. వీటిని తీసుకోవడం వల్ల ఒత్తిడి వల్ల కలిగే కణాల నష్టాన్ని తగ్గిస్తుంది.

నోటి ఆరోగ్యం

కొత్తిమీర కాడల్లో సిట్రోనెల్లోల్ పుష్కలంగా ఉంటుంది. ఇది మన బాడీలో సూక్ష్మజీవుల పెరుగుదలతో పోరాడేందుకు, అల్సర్స‌కి ట్రీట్‌మెంట్ చేయడానికి సాయపడే గొప్ప క్రిమినాశక మందు. కొత్తిమీర సారాలను టూత్‌పేస్ట్‌లో వాడతారని, అందుకే, ఇది నోటి దుర్వాసనని తగ్గిస్తుందని చెబుతున్నారు.

చర్మం డీటాక్స్

కొత్తిమీర ఆకులు, కాడల్లోని శోథ నిరోధక, యాంటీ ఆక్సిడెంట్ గుణాలు మొటిమలతో పోరాడేందు, బాడీని డీటాక్స్ చేయడానికి, తామర వంటి చర్మ సమస్యలతో పోరాడేందుకు హెల్ప్ చేస్తాయి.

ఎలా తీసుకోవచ్చు

కొత్తిమీర కాడల్ని పారేయకుండా వీటితో రసం, సూప్, చట్నీ వంటివి చేసుకుని తీసుకోవచ్చు. దీని వల్ల పోషకాలన్నీ కూడా కడుపులోకి చేరతాయి. ఈ కాడల్ని శుభ్రం చేసి నీటిలో వేసి మరిగించి ఆ నీటిని తాగితే కూడా మంచిది.