మెంతులతో తెల్ల జుట్టును నల్లగా మార్చుకోవచ్చు

వెంట్రుకలు నల్లబడటానికి హెన్నా వాడకం శాశ్వత పరిష్కారం కానప్పటికీ, జుట్టు యొక్క తెల్లదనాన్ని కొంతకాలం దాస్తుంది. అయితే, మనలో చాలా మంది హెన్నా వేసి వేసి విసిగి చెంది ఉంటారు. ఈ రోజుల్లో చాలా మందికి తెల్ల జట్టు ప్రధాన సమస్యగా మారింది. ముప్పై ఏళ్లు నిండక ముందే తలంతా తెల్ల వెంట్రుకలతో కనిపించే వారు చాలా మంది ఉన్నారు. కొందరు ఈ సమస్య గురించి అంతక పట్టించుకోరు. మరికొందరు మాత్రం సీరియస్‌గా ఉంటారు. హెన్నా, హెయిర్ డై, మార్కెట్‌లో దొరికే వివిధ ప్రొడక్ట్స్‌ వాడి తెల్ల జుట్టు కాస్తా నల్లగా మార్చుకుంటున్నారు. వెంట్రుకలు నల్లబడటానికి హెన్నా వాడకం శాశ్వత పరిష్కారం కానప్పటికీ, జుట్టు యొక్క తెల్లదనాన్ని కొంతకాలం దాస్తుంది. అయితే, మనలో చాలా మంది హెన్నా వేసి వేసి విసిగి చెంది ఉంటారు. అయితే, కొన్ని సహజ చిట్కాల ద్వారా తెల్ల జుట్టును నల్లగా మార్చుకోవచ్చని ఆయుర్వేద నిపుణులు అంటున్నారు. ఆ చిట్కాలేంటో ఇక్కడ తెలుసుకుందాం.

ఉసిరి, మెంతుల మిశ్రమం

ఉసిరిలో విటమిన్ సి, యాంటీ ఆక్సిడెంట్లు, అవసరమైన కొవ్వు ఆమ్లాలు, వివిధ పోషకాలు మెండుగా ఉంటాయి. ఇవి జుట్టుకు పోషణ, బలోపేతం చేయడంలో కీలక పాత్ర పోషిస్తాయి. ఆయుర్వేద నిపుణుల ప్రకారం జుట్టు రాలే సమస్యను తగ్గించడంలో ఉసిరి ఎంతో మేలు చేస్తుంది. జుట్టు రాలడాన్ని తగ్గించడమే కాకుండా.. వెంట్రుకలు తెల్లబడకుండా ఉసిరి మెరుగ్గా పనిచేస్తుందని ఆయుర్వేద నిపుణులు అంటున్నారు. అదే విధంగా మెంతులు జుట్టు ఆరోగ్యానికి మేలు చేస్తాయి. మెంతుల్లో ప్రోటీన్, నికోటనిక్ యాసిడ్ ఉంటాయి. ఇవి జుట్టుకు అవసరమైన పోషణ ఇస్తాయి. అంతేకాకుండా జుట్టుకు బలాన్ని ఇవ్వడమే కాకుండా తెల్ల జుట్టును నల్లగా మారుస్తాయి. ఈ రెండింటిని ఎలా వాడాలో తెలుసుకుందాం.

ఎలా తయారు చేసుకోవాలి?

ఈ మిశ్రమాన్ని తయారుచేసుకోవడం కోసం రెండు ఉసిరికాయలను తీసుకోండి. వీటిని రసంలా చేసుకోండి. ఆ తర్వాత మెంతుల్ని తీసుకోని వాటిని దోరగా వేయించి.. పొడిలా చేసుకోండి. ఇప్పుడు ఒక టీ స్పూన్ మెంతుల పొడిని తీసుకుని ఉసిరి రసంలో కలపండి. ఈ రెండింటిని బాగా మిక్స్ చేయండి. ఆ తర్వాత ఈ మిశ్రమానికి ఒక చెంచా కొబ్బరి లేదా బాదం నూనె కలపండి. ఆ తర్వాత ఈ మిశ్రమాన్ని బాగా వేడి చేసి చల్లబర్చండి. ఈ మిశ్రమాన్ని తెల్ల జుట్టుకు డైలా ఉపయోగించవచ్చు.

ఎన్ని సార్లు ఉపయోగించాలి?

ఈ ప్రత్యేక మిశ్రమాన్ని వారానికి రెండుసార్లు ఉపయోగించవచ్చు. ఇది జుట్టుకు అవసరమైన పోషణను అందిస్తుంది. జుట్టు అకాల బూడిద రంగులోకి మారడం సహజంగా ఆగిపోతుంది. ఈ ప్రత్యేక మిశ్రమాన్ని జుట్టుకు ఒక గంట పాటు అప్లై చేసి అలాగే ఉంచండి. ఆ తర్వాత తేలికపాటి షాంపూతో తలస్నానం చేయండి. వారానికి రెండు సార్లు వాడటం వల్ల తెల్ల జుట్టు క్రమేపి నల్లగా మారుతుంది.

బాదం, ఉసిరి నూనె

బాదం, ఉసిరి రెండూ జుట్టుకు చాలా మంచి పోషకాలు. ఇందుకోసం ఒక చెంచా బాదం నూనె, ఒక చెంచా ఉసిరి నూనె కలిపి తేలికగా వేడి చేయండి. ఇప్పుడు ఈ మిశ్రమాన్ని జుట్టుకు మొత్తానికి అప్లై చేయండి. ముప్పై నుంచి నలబై నిమిషాల పాటు అలాగే ఉంచి.. ఆ తర్వాత తలస్నానం చేయండి. ఈ రెమెడీని వారానికి 2-3 సార్లు వాడండి. దీంతో తెల్ల జుట్టు నల్లగా మారుతుంది.

బాదం, మెంతులతో కలిపి మాస్క్

బాదం పప్పు, మెంతుల్ని తీసుకుని వాటిని మెత్తగా రుబ్బుకోవాలి. రుబ్బుకుని మెత్తగా పేస్ట్ చేయండి. తరువాత జుట్టుకు అప్లై చేసి 30 నిమిషాల తర్వాత నీటితో శుభ్రం చేసుకోవాలి. ఇది జుట్టును మృదువుగా, మెరిసేలా చేస్తుంది. ఇది చుండ్రు, జుట్టు రాలడం వంటి సమస్యలను వదిలించుకోవడానికి కూడా సాయపడుతుంది. తెల్ల జుట్టును నల్లగా మార్చడంలో తోడ్పడుతుంది. ఇది వారానికి రెండు నుంచి మూడు సార్లు అప్లై చేస్తే మంచి ఫలితాలుంటాయి.