లెఫ్టినెంట్ వినయ్కి సెల్యూట్ చేస్తూ భార్య తుది వీడ్కోలు.. భావోద్వేగ వీడియో
national | Suryaa Desk | Published : Wed, Apr 23, 2025, 08:03 PM
వారికి 6 రోజుల కిందటే పెళ్లి జరిగింది. ఆ వెంటనే హనీమూన్ కోసం పహల్గాం వెళ్లారు. తమ జీవితంలో మధుర క్షణాలను మరింత మధురంగా గడుపుదాం అనుకున్నారు. ఇంతలో ఊహించనివిధంగా టెర్రరిస్టులు దాడి చేశారు. జమ్మూ కాశ్మీర్లో ఉగ్రవాదుల దాడిలో మృతి చెందిన లెఫ్టినెంట్ వినయ్ నర్వాల్ విషాద గాథ ఇది. ఆయనకు సతీమణి హిమాన్షి తుది వీడ్కోలు పలికారు. ఆమె కంటతడి పెట్టుకున్న తీరు అందరినీ కలిచివేస్తోంది. భర్త మృతదేహం చెంతన హిమాన్షి దిగాలుగా కూర్చొని ఉన్న ఫోటో ఇప్పటికే ఇంటర్నెట్ను షేక్ చేస్తోంది. భారత్ ఈ గాయాన్ని కొన్నేళ్లపాటు గుర్తుంచుకుంటుంది. ముష్కరులకు తగిన గుణపాఠం చెప్పాలని డిమాండ్ వినిపిస్తోంది. తాము భేల్ పూరీ తింటుంటే, ఉగ్రవాదులు ఒక్కసారిగా కాల్పులు జరిపి తన భర్తను చంపేశారంటూ హిమాన్షి కంటతడి పెట్టుకున్నారు. 26 ఏళ్ల వినయ్ నెర్వాల్.. రెండేళ్ల కిందట ఇండియన్ నేవీలో చేరారు. ఆయన స్వస్థలం హర్యానాలోని కర్నాల్. ‘నా భర్త గర్వపడేలా చేస్తాం..’ అంటూ హిమాన్షి సెల్యూట్ చేసి, వీడ్కోలు పలికారు.
|
|