టీ20 క్రికెట్‌లో 12,000 రన్స్ పూర్తి చేసుకున్న రోహిత్,,,సన్ రైజర్స్‌తో మ్యాచులో హాఫ్ సెంచరీతో రికార్డు

టీమిండియా కెప్టెన్ రోహిత్ శర్మ.. ఫామ్‌లోకి వచ్చేశాడు. ఐపీఎల్ 2025 తొలి అర్ధభాగంలో పేలవ ప్రదర్శన చేసిన హిట్‌మ్యాన్.. ఆ తర్వాత వరుసగా రెండు హాఫ్ సెంచరీలు చేశాడు. దీంతో టీ20 క్రికెట్‌లో 12 వేల పరుగులు పూర్తి చేసిన రెండో భారత క్రికెటర్‌గా నిలిచాడు. ఈ క్రమంలోనే వేగవంతంగా ఈ ఫీట్ సాధించిన.. ఐదో ప్లేయర్‌గా నిలిచాడు. రోహిత్ శర్మ 443 ఇన్నింగ్స్‌లలో ఈ ఫీట్ సాధించిన ప్లేయర్‌గా చరిత్ర సృష్టించాడు.

బుధవారం సన్ రైజర్స్ హైదరాబాద్, ముంబై ఇండియన్స్ జట్ల మధ్య మ్యాచ్ జరిగింది.ఈ మ్యాచులో తొలుత బ్యాటింగ్ చేసిన సన్ రైజర్స్.. 8 వికెట్ల నష్టానికి 143 రన్స్ చేసింది. ఆ తర్వాత ఛేజింగ్‌కు దిగిన ముంబై.. రోహిత్ శర్మ హాఫ్ సెంచరీతో రాణించడంతో 15.4 ఓవర్లలో 3 వికెట్లు కోల్పోయి లక్ష్యాన్ని ఛేదించింది. రోహిత్ శర్మ.. 46 బంతుల్లో 70 రన్స్ స్కోరు చేశాడు. ఈ క్రమంలోనే పలు రికార్డులను బద్దలు కొట్టాడు. టీ20 క్రికెట్‌లో 12,000 పరుగులను పూర్తి చేసుకున్నాడు. ప్రపంచ క్రికెట్‌లో ఈ ఫీట్ సాధించిన తొమ్మిదో బ్యాటర్‌గా హిట్‌మ్యాన్ నిలిచాడు.

అత్యంత వేగంగా 12వేల టీ20 రన్స్ స్కోరు చేసిన బ్యాటర్లు..

క్రిస్ గేల్ (345 ఇన్నింగ్స్‌లు)

విరాట్ కోహ్లీ (360 ఇన్నింగ్స్‌లు)

డేవిడ్ వార్నర్ (368 ఇన్నింగ్స్‌లు)

అలెక్స్ హేల్స్ (432 ఇన్నింగ్స్‌లు)

రోహిత్ శర్మ (443 ఇన్నింగ్స్‌లు)

షోయబ్ మాలిక్ (451 ఇన్నింగ్స్‌లు)

టీ20 క్రికెట్‌లో అత్యధిక రన్స్ చేసిన ప్లేయర్లు..

క్రిస్ గేల్ - 14,562 రన్స్

అలెక్స్ హేల్స్ - 13,610 రన్స్

షోయబ్ మాలిక్ - 13,571 రన్స్

కీరన్ పొలార్డ్ - 13,537 రన్స్

విరాట్ కోహ్లీ - 13,208 రన్స్

డేవిడ్ వార్నర్ - 13,019 రన్స్

జోస్ బట్లర్ - 12,469 రన్స్

వీరంతా రోహిత్ శర్మ కంటే ముందు ఉన్నారు.

ఇక ఐపీఎల్‌లో అత్యధిక పరుగులు చేసిన రెండో ఆటగాడిగా కూడా రోహిత్ ఉన్నాడు. ఐపీఎల్‌లో రోహిత్ శర్మ 6,856 రన్స్ స్కోరు చేశాడు. ఈ జాబితాలో విరాట్ కోహ్లీ.. విరాట్ కోహ్లీ (8,326) అగ్రస్థానంలో ఉన్నాడు.