సీనియర్లకు ఇదే బెస్ట్ ఆప్షన్.. 8.55 శాతం వడ్డీ

 రిజర్వ్ బ్యాంక్ ఆఫ్ ఇండియా ఇటీవలే కీలక పాలసీ రేట్లను తగ్గించింది. దీంతో బ్యాంకులు ఫిక్స్‌డ్ డిపాజిట్ల వడ్డీ రేట్లను తగ్గిస్తున్నాయి. వరుస పెట్టి బ్యాంకులు వడ్డీ రేట్లు కోత పెడుతున్నాయి. స్పెషల్ డిపాజిట్ల వడ్డీ రేట్లలోనూ కోత పెడుతున్నాయి. ఇలాంటి పరిస్థితుల్లో సీనియర్ సిటిజన్లకు అధిక వడ్డీ అందుస్తున్నాయి కొన్ని బ్యాంకులు. అందులో ఒకటి ఉజ్జీవన్ స్మాల్ ఫైనాన్స్ బ్యాంక్  రూ.3 కోట్ల లోపు ఉండే ఫిక్స్‌డ్ డిపాజిట్లపై వడ్డీ రేట్లను 20 బేసిస్ పాయింట్ల మేర తగ్గించింది. అలాగే సేవింగ్స్ అకౌంట్ల వడ్డీ రేట్లనూ తగ్గించింది. సవరించిన కొత్త వడ్డీ రేట్లను ఏప్రిల్ 24, 2025 నుంచే అమలులోకి తీసుకొచ్చింది.

ఉజ్జీవన్ స్మాల్ ఫైనాన్స్ బ్యాంకులో ప్రస్తుతం జనరల్ కస్టమర్లకు 18 నెలల టెన్యూర్ బ్యాంక్ డిపాజిట్లు పైన అత్యధిక వడ్డీ రేటు 8.05 శాతం మేర కల్పిస్తోంది. అలాగే సీనియర్ సిటిజన్లకు ప్రస్తుతం 8.55 శాతం మేర వడ్డీ అందిస్తోంది. మరోవైపు.. ఉజ్జీవన్ స్మాల్ ఫైనాన్స్ బ్యాంకు 12 నెలల నుంచి 18 నెలలలోపు డిపాజిట్లపై వడ్డీ రేటును 8.10 శాతం నుంచి 7.90 శాతానికి తగ్గించింది. అలాగే 18 నెలల టెన్యూర్ డిపాజిట్లపై వడ్డీ రేటును 20 బేసిస్ పాయింట్లు తగ్గించడంతో 8.25 శాతం నుంచి 8.05 శాతానికి తగ్గించింది.

రూ.5 లక్షలు జమ చేస్తే ఎంతొస్తుంది?

ఉజ్జీవన్ స్మాల్ ఫైనాన్స్ బ్యాంకులో ప్రస్తుతం 18 నెలల టెన్యూర్ డిపాజిట్లకు గరిష్ఠ వడ్డీ రేటు ఆఫర్ చేస్తోంది. జనరల్ కస్టమర్లకు గరిష్ఠంగా 8.05 శాతం వడ్డీ ఇస్తోంది. వీళ్లు ఇందులో రూ.5 లక్షలు జమ చేసినట్లయితే మెచ్యూరిటీ తర్వాత చూస్తే అసలూ వడ్డీ కలిపి రూ. 5,57,800 వరకు అందుతాయి. ఇక సీనియర్ సిటిజన్లకు అయితే వడ్డీరేటు 8.55 శాతం అందుతుంది. దీని ప్రకారం చూసుకుంటే మెచ్యూరిటీ తర్వాత చేతికి అసలూ వడ్డీ మొత్తం రూ. 5,61,400 వరకు వస్తాయి.

ప్రస్తుతం బ్యాంకులు ఫిక్స్‌డ్ డిపాజిట్ల వడ్డీ రేట్లను తగ్గిస్తున్న సంగతి తెలిసిందే. ఇలాంటి సమయంలో ఏ బ్యాంకులో మంచి వడ్డీ రేటు ఇస్తున్నారో తెలుసుకుని డిపాజిట్ చేయడం చాలా ముఖ్యం. సాధారణంగానే జనరల్ కస్టమర్లతో పోలిస్తే సీనియర్ సిటిజన్లకు 50 బేసిస్ పాయింట్ల అదనపు వడ్డీ లభిస్తుంది.