కలోంజి సీడ్స్‌తో బరువు తగ్గడమే కాదు, షుగర్ లెవల్స్ కంట్రోల్ చేసుకోవచ్చు

ఇటీవల కాలంలో బరువు తగ్గడమనేది చాలా మంది గోల్. బిజీలైఫ్, అనారోగ్యకరమైన ఆహారపు అలవాట్లు కారణంగా బాడీలో కొలెస్ట్రాల్ పేరుకుపోతుంది. ఆ తర్వాత దానిని తగ్గించడం కష్టమవుతుంది. అయితే, బరువుని తగ్గించడానికి ఎన్నో రకాల డైట్స్ ఫాలో అయి జిమ్‌లో కష్టపడినా అంతగా రిజల్ట్ ఉండదు. అలాంటప్పుడు ఏ టిప్స్ ఫాలో అయితే త్వరగా బరువు తగ్గుతారు. బాడీ డీటాక్స్ అవుతుంది. ఇది తెలుసుకోవాలి.

ఇక కలోంజి సీడ్స్‌ని వాడినా కూడా చాలా వరకూ బరువు తగ్గుతారు. జీవక్రియ మెరుగ్గా మారి అదనపు కొవ్వు స్పీడ్‌గా తగ్గుతుంది. కలోంజిని సరైన పరిమాణంలో సరైన పద్ధతిలో తీసుకుంటే బరువు తగ్గడం ఈజీ అవుతుంది. దీనిని వాడడం వల్ల ఎలాంటి సైడ్ ఎఫెక్ట్స్ కూడా ఉండవు.

కలోంజి

ఆయుర్వేదం ప్రకారం కలోంజిలో ఎన్నో ప్రత్యేక గుణాలు ఉన్నాయి. దీనిని వంటల్లో ఎక్కువగా వాడతారు. వీటిలో యాంటీ ఆక్సిడెంట్స్, యాంటీ ఇన్‌ఫ్లమేటరీ గుణాలతో పాటు డీటాక్సీఫైయింగ్ గుణాలు ఉన్నాయి. ఇవి జీవక్రియని స్పీడప్ చేస్తాయి. ఇది బాడీలో పేరుకుపోయిన కొలెస్ట్రాల్‌ స్పీడ్‌గా కరిగిస్తుంది. బరువు తగ్గడానికి హెల్ప్ అవుతుంది. వీటిని రెగ్యులర్‌గా తీసుకుంటే కడుపు మొత్తం క్లీన్ అవుతుంది. జీర్ణవ్యవస్థ కూడా మెరుగ్గా మారుతుంది.

ఎప్పుడు తీసుకోవాలి

ఉదయాన్నే కలోంజీ సీడ్స్ తీసుకుంటే మెరుగైన ఫలితాలు ఉంటాయి. వీటిని రాత్రంతా నీటిలో నానబెట్టి, ఉదయాన్నే ఆ నీటిని తాగాలి. కావాలనుకుంటే కలోంజి పొడిని గోరువెచ్చని నీటిలో వేసి కొద్దిగా తేనె వేసి కలిపి తాగాలి. దీని వల్ల కడుపు మొత్తం క్లియర్ అవుతుంది. ఆకలి తగ్గుతుంది. జీవక్రియ మెరుగ్గా మారి బరువు తగ్గుతారు.

బరువు తగ్గేందుకు ఇంకేం చేయాలి

బరువు తగ్గేందుకు కలోంజిని తీసుకుంటే మాత్రమే సరిపోదు.

బ్యాలెన్స్డ్ డైట్ ఫాలో అవ్వాలి.

సరిపడా నిద్ర

ఎక్సర్‌సైజ్ సరిగా చేయాలి.

ఫైబర్ ఫుడ్ తీసుకోవాలి.

నీరు ఎక్కువగా తీసుకోవాలి.

ఒత్తిడిని తగ్గించుకోవాలి.

ఇవన్నీ ఫాలో అవుతూ కలోంజి సీడ్స్ తీసుకుంటే చాలా వరకూ మంచి రిజల్ట్ ఉంటుంది.

కలోంజి సీడ్స్‌తో లాభాలు

కలోంజి సీడ్స్‌ని తీసుకుంటే బరువు తగ్గుతారు.

దీని వల్ల ఇమ్యూనిటీ బలంగా మారుతుంది

రక్తంలో షుగర్ లెవల్స్ కంట్రోల్ అవుతాయి.

శ్వాసకోశ సమస్యలు తగ్గుతాయి.

ఆర్థరైటిస్, అలెర్జీ వంటి సమస్యలు కూడా తగ్గుతాయి.

వీటిని తీసుకోవడం వల్ల చాలా సమస్యలు దూరమవుతాయి.

జుట్టు, చర్మానికి చాలా మంచిది. ​

తీసుకునే ముందు

కలోంజి సీడ్స్ మంచివే అయినప్పటికీ, ఎక్కువగా తీసుకోవద్దు. గర్భిణీలు, బ్లడ్ ప్రెజర్, షుగర్‌కి మెడిసిన్ వాడే వారు డాక్టర్ సలహా లేకుండా తీసుకోవద్దు. రోజుకి 2 గ్రాముల లోపు మాత్రమే ఈ గింజల్ని తీసుకోవాలి. అధికంగా తీసుకుంటే వాంతులు, తలనొప్పి, కడుపు నొప్పి వస్తుంది. అందువల్ల, తక్కువ పరిమాణంలో తీసుకోవాలి. గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.