ట్రెండింగ్
విశాఖలో బెట్టింగ్ బాధితుడై మరో యువకుడు బలి
Andhra Pradesh Telugu | Suryaa Desk | Published : Fri, May 02, 2025, 02:40 PM
బెట్టింగ్ యాప్స్కు బానిసైన ఓ యువకుడు ఆత్మహత్య చేసుకున్న ఘటన విశాఖపట్నంలో చోటుచేసుకుంది. స్థానికంగా నివసించే పవన్ అనే యువకుడు బెట్టింగ్లో మునిగిపోయి భారీ అప్పులు చేశాడు. అప్పులు ఇచ్చిన వారి నుంచి ఒత్తిడి పెరగడంతో తీవ్ర మనస్తాపానికి గురైన పవన్, ఇంట్లో ఎవరూ లేని సమయంలో ఉరివేసుకుని జీవనానికి అంతం పలికాడు.
ఈ ఘటనతో పవన్ కుటుంబ సభ్యులు శోకసంద్రంలో మునిగారు. సమాచారం అందుకున్న పోలీసులు సంఘటనా స్థలానికి చేరుకుని కేసు నమోదు చేశారు. ప్రస్తుతం ఈ ఘటనపై దర్యాప్తు జరుపుతున్నారు. బెట్టింగ్ యాప్స్కు యువత బలవుతున్న నేపథ్యంలో, ఈ సమస్యపై అవగాహన కల్పించాల్సిన అవసరం ఉందని స్థానికులు అభిప్రాయపడుతున్నారు. మరిన్ని వివరాలు తెలియాల్సి ఉంది.
|
|