బంగారం ధర భారీగా తగ్గింది.. రేట్లు ఇవే.

మన దేశ ప్రజలకు బంగారం అంటే ఎంతో ఇష్టం. ముఖ్యంగా మహిళల్లో పసిడిపై మక్కువ ఎక్కువ. బంగారం ఆభరణాలు ధరించేందుకు ఇష్టపడతారు. కొత్త కొత్త డిజైన్లలో బంగారు నగరు ధరించాలని కలలుగంటుంటారు. అందుకోసం ఎప్పటికప్పుడు బంగారం కొంటుంటారు. దీంతో దేశీయంగా పసిడికి ఏడాది పొడవునా గిరాకీ ఉంటుంది. ప్రతి సంవత్సరం మన దేశంలోకి టన్నుల కొద్ది బంగారం దిగుమతి అవుతుంటుంది. అయితే, ఈ ఏడాది ప్రారంభం నుంచి బంగారం ధరలు విపరీతంగా పెరుగుతున్నాయి. ముఖ్యంగా అమెరికా అధ్యక్షుడు డొనాల్డ్ ట్రంప్ తీసుకుంటున్న నిర్ణయాలు బంగారం ధరలు భారీగా పెరిగేందుకు కారణమవుతున్నాయి. దీంతో తులం బంగారం ఇటీవలే లక్ష మార్క్ దాటింది. అయితే, ఆ తర్వాత వరుసగా తగ్గుతూ వస్తోంది. క్రితం రోజు వరకు బంగారం ధర భారీగా తగ్గింది. ఇవాళ స్థిరంగా ఉంది. ఈ క్రమంలో మే 4వ తేదీన హైదరాబాద్ మార్కెట్లో బంగారం రేట్లు తెలుసుకుందాం.

గ్లోబల్ మార్కెట్లో గోల్డ్ రేట్లు..

అంతర్జాతీయ మార్కెట్లోనూ బంగారం ధరలు దిగివస్తున్నాయి. ప్రస్తుతం స్పాట్ గోల్డ్ రేటు ఔన్సుకు 3241 డాలర్ల వద్ద ఉండగా.. స్పాట్ సిల్వర్ రేటు ఒక ఔన్సుకు చూస్తే 32.02 డాలర్ల వద్ద అమ్ముడవుతోంది. మరోవైపు.. ఇండియన్ రూపాయి మారకం విలువ కాస్త తగ్గి ప్రస్తుతం డాలర్‌తో పోలిస్తే రూ.84.608 వద్ద అమ్ముడవుతోంది.

హైదరాబాద్‌లో బంగారం ధరలు..

హైదరాబాద్ మార్కెట్లో బంగారం ధరలు గత నాలుగైదు రోజుల నుంచి వరుసగా తగ్గుతూ వస్తున్నాయి. తులం పసిడి ఏకంగా రూ. 2500 మేర తగ్గింది. ఇవాళ అదే రేటు వద్ద స్థిరంగా ఉంది. కొనుగోలుదారులకు ఇదే మంచి అవకాశం. ప్రస్తుతం 24 క్యారెట్ల బంగారం రేటు 10 గ్రాములకు రూ.95,510 వద్ద ఉంది. అలాగే 24 క్యారెట్ల ఆభరణాల గోల్డ్ రేటు ఏ మార్పు లేకుండా రూ.87 వేల 550 వద్ద ఉంది.

స్థిరంగానే వెండి రేటు..

బంగారంతో పాటుగా వెండి రేటు సైతం స్థిరంగానే ఉంది. అయితే క్రితం రోజు కిలో వెండి రేటు రూ.2000 మేర పెరిగిన సంగతి తెలిసిందే. దీంతో మళ్లీ రికార్డ్ గరిష్ఠాల వైపు పరుగులు పెడుతున్నట్లు తెలుస్తోంది. ఈ క్రమంలో హైదరాబాద్ మార్కెట్లో కిలో వెండి రేటు ఇవాళ రూ. 1,09,000 వద్ద అమ్ముడవుతోంది.

ఈ కథనంలో పేర్కొన్న బంగారం, వెండి ధరలు మే 4వ తేదీ ఆదివారం రోజు ఉదయం 7 గంటల సమయంలో ఉన్నవి. అయితే, మధ్యాహ్నానికి బంగారం ధరలు మారవచ్చు. ప్రాంతాలను బట్టి ట్యాక్సులు వేరు వేరుగా ఉంటాయి. దీంతో బంగారం ధరలు మారుతుంటాయి. కొనుగోలు చేసే ముందే తెలుసుకోవడం మంచిది.