తెల్లజుట్టును నల్లగా మర్చుకొనేందుకు ఇలా చేయండి

తెల్ల జుట్టు కనిపించగానే చాలా మంది ఇంకేమంది వయసు పెరిగింది వచ్చేసిందనుకుంటారు. అయితే, కొంతమందికి మాత్రం చిన్నతనంలోనే ఈ సమస్య వస్తుంది. ఇంతకుముందులా వయసు ఎక్కువగా ఉన్నవారికే కాదు, చిన్న వయసు వారికి కూడా ఈ సమస్య వస్తుంది.

వయసు పెరగడం, ఒత్తిడి, నిద్రలేమి, కేర్ తీసుకోకపోవడం, ఇతర కారణాలన్నింటి వల్ల చాలా మందికి తెల్లజుట్టు వస్తుంది. ఇంతకుముందులా కాకుండా ఇప్పుడు చాలా చిన్నతనం నుంచే ఈ సమస్య వస్తుంది. తెల్లజుట్టుని దూరం చేయడానికి లేదా లేట్‌గా రావడానికి కొన్ని పరిష్కారాలు ఉన్నాయి. మరీ ముఖ్యంగా కొన్ని ఆయుర్వేద మార్గాలు సమస్యని చాలా వరకూ తగ్గిస్తాయని ఆయుర్వేద డాక్టర్ దీక్ష చెబుతున్నారు. ఆ మార్గాలు ఏంటంటే

ఉదయాన్నే సువర్ణ ప్రాణంతో

రోజూ ఉదయాన్నే 1 గ్రాము సువర్ణ ప్రాణంతో ప్రారంభించండి. ఇది 24 క్యారెట్ల బంగారం, నెయ్యి, తేనెతో తయారైన మిశ్రమం. దీనిని తీసుకోవడం వల్ల వృద్ధాప్యం లేట్‌గా వస్తుంది. మంట తగ్గుతుంది. ఇమ్యూనిటీ పెరుగుతుంది. దీంతోపాటు జుట్టు సమస్యలు కూడా దూరమవుతాయి. జీర్ణక్రియ, మొత్తం ఆరోగ్యం మెరుగ్గా మారుతుంది. దీనిని మీరు ఆన్‌లైన్‌లో కొనుక్కోవచ్చు.

ఉసిరి, భృంగరాజ్ మిశ్రమం

ఉసిరి, భృంగ్‌రాజ్, బ్రాహ్మి, కరివేపాకుల్ని పొడులను టీ స్పూన్ పరిమాణంలో తీసుకోని కలపండి. దీనిని నెయ్యితో సమాన పరిమాణంలో కలపండి. దీనిని రోజూ రాత్రి పడుకునే ముందు తీసుకోండి. దీని వల్ల కణ ఒత్తిడి తగ్గుతుంది. జుట్టు పెరుగుదల మెరుగ్గా ఉంటుంది. దీనిని తీసుకోవడం వల్ల వైట్ హెయిర్ ప్రాబ్లమ్ తగ్గుతుంది.

నస్య సాధన

ఉదయం బ్రష్ చేయగానే రెండు ముక్కు రంధ్రాల్లో 2 చుక్కల ఎ2 ఆవు నెయ్యి వేయండి. ఆయుర్వేదం ప్రకారం దీని వల్ల కూడా చాలా వరకూ తెల్లజుట్టు సమస్య తగ్గుతుంది. ఎ 2 ఆవునెయ్యి మనకి ఆయుర్వేద షాపూల్లో దొరుకుతుంది. అయితే, ఇవన్నీ ఫాలో అయ్యే ముందు ఆయుర్వేద నిపుణుల సలహా తప్పనిసరి.

నూనె

జుట్టు కుదుళ్లకి పోషణ అందించడానికి చంపి అంటే నూనె మసాజ్ బాగా హెల్ప్ చేస్తుంది. దీనికోసం బ్రాహ్మి, ఉసిరి, భృంగ్‌రాజ్, కొబ్బరినూనె, మందార, వేపాకులు, కరివేపాకు, మీకు నచ్చిన కూలింగ్ పదార్థాలున్న పదార్థాలతో నూనెని తయారుచేసి వాడొచ్చు. దీంతో జుట్టు కుదుళ్లని మసాజ్ చేయండి.

సల్ఫెట్ ఫ్రీ షాంపూ

సల్ఫెట్, పారాబెన్ ఉన్న వాటి బదులుగా మూలికా షాంపూని వాడండి. ఇవి మీకు ఆయుర్వేద షాపూల్లో దొరుకుతాయి. వీటి వల్ల జుట్టు సమస్యలు చాలా వరకూ తగ్గుతాయి. జుట్టు రాలడం, చిట్లిపోవడం, తెల్ల జుట్టు రావడం వంటివి కూడా ఉండవు.

తెల్లజుట్టుని తగ్గించే టిప్స్

వీటితో పాటు

డైట్‌లో తీపి, చేదు, ఆస్ట్రింజెంట్ కాంబినేషన్ ఉండేలా చూసుకోండి.

కరివేపాకు, నువ్వులు, ఉసిరి, కాకరకాయ, ఆవు నెయ్యి ఎక్కువగా తీసుకోండి.

నిద్ర ఎక్కువసేపు ఉండేలా చూసుకోండి. నిద్ర నాణ్యత ఎంత ఉంటే జుట్టు అంత ఆరోగ్యంగా ఉంటుంది.

ఎప్పుడు కూడా జుట్టుని రూమ్ టెంపరేచర్, గోరువెచ్చని నీటితో వాష్ చేయండి.

అనులోమ, విలోమ, భ్రమరీ ప్రాణాయామం ఉదయం, సాయంత్రం వేళలో 21 సార్లు చేయండి.

ఎన్ని రోజుల పాటు

ఇదే రొటీన్‌ని మీరు 6 నెలల పాటు ఫాలో అయితే తెల్ల జుట్టు సమస్య తగ్గడమే కాకుండా జుట్టు పెరుగుతుంది. జుట్టు సమస్యలు దూరమవుతాయి.

40 ఏళ్ల కంటే ఎక్కువగా ఉంటే

అయితే, 40 ఏళ్లు, అంతకంటే ఎక్కువ వయసు ఉన్నవారికి సహజంగానే తెల్లజుట్టు వస్తుంది. దానిని యాక్సెప్ట్ చేయాలి. దీనిని కంట్రోల్ చేయడానికి హానికరమైన పద్ధతులు వాడొచ్చు.