గిన్నెలు తోమే స్క్రబ్బర్‌ని, వాటర్ బాటిల్స్‌ని ఎన్నిరోజులకోసారి క్లీన్ చేయాలి

వర్షాకాలం వస్తోంది. ఈ టైమ్‌లో అలర్జీలు, ఫుడ్‌పాయిజన్ వంటి సమస్యలు ఎక్కువగా వస్తాయి. అలా రాకుండా ఉండాలంటే చాలా జాగ్రత్తలు తీసుకోవాలి. ముఖ్యంగా మనం కిచెన్‌లో వాడే కొన్ని వస్తువుల్ని ఎప్పటికప్పుడు క్లీన్ చేయాలి. లేదంటే ఆహారం తాలుకూ పదార్థాలు అందులోనే పేరుకుపోయి అవి సమస్యల్ని తీసుకొచ్చే అవకాశముంది. ఇందులో భాగంగా, వేటిని ఎలా క్లీన్ చేయాలో తెలుసుకోండి.

మిక్సీ, గ్రైండర్

​పచ్చళ్లు, పొడులు, చట్నీలు ఇలా ప్రతీ పదార్థాన్ని మెత్తగా చేయడానికి మనం మిక్సీ వాడతాం. వీటిని ఎప్పటికప్పుడు అంటే వాడిన ప్రతీసారి కూడా క్లీన్ చేయాలి. లేదంటే ఆహారం తాలుకూ వ్యర్థాలన్నీ అందులోనే ఉండిపోతాయి. దీని వల్ల మరోసారి వాడిన పదార్థానికి వీటి ఫ్లేవర్ రావడం, లేదంటే ఇందులో మరోసారి బ్లెండ్ చేసిన పదార్థాలు తినడం వల్ల ఫుడ్ పాయిజన్ వచ్చే అవకాశముంది.

కాఫీ పాట్

​చాలా మంది కాఫీని ఇష్టంగా తాగుతారు. దీనికోసం కాఫీ రెగ్యులర్‌గా తయారుచేయడానికి ఓ గిన్నెని వాడతారు. దీన్ని సరిగ్గా క్లీన్ చేయరు. కాఫీనే కదా అని అలా వదిలేస్తారు. మరోసారి అందులోనే కాఫీని పడతారు. కానీ, ఇలా చేయడం వల్ల మరోసారి కాఫీ చేసినప్పుడు టేస్ట్ సరిగా ఉండదు. పైగా అలా తాగకూడదు కూడా దీంతో హెల్త్ ప్రాబ్లమ్స్ వచ్చే అవకాశముంది.

మైక్రోవేవ్

మైక్రోవేవ్‌ని వాడినప్పుడల్లా క్లీన్ చేయడం కష్టమని చాలా మంది నిర్లక్ష్యం చేస్తారు. అయితే, వాడినప్పుడల్లా కాకపోయినా వారానికోసారైనా క్లీన్ చేయాలి. దీనిలో నేరుగా ఫుడ్ పెట్టకపోయినా, ఫుడ్ తాలుకా మాయిశ్చర్, ఫ్లేవర్స్ ఉండిపోతాయి. కాబట్టి, దీనిని వారానికోసారి చక్కగా క్లీన్ చేయండి.

కిచెన్‌లోని వస్తువుల్ని ఎన్నిరోజులకోసారి క్లీన్ చేయాలి

గిన్నెల్ని తోమే స్పాంజ్

గిన్నెల్ని రోజూ తోముతాం. కానీ, దానికోసం వాడే స్పాంజ్‌ని మాత్రం పెద్దగా పట్టించుకోం. దీంతో, వాటిలో వ్యాధికారక క్రిములు, వైరస్‌లు, బ్యాక్టీరియా వంటివి పెరిగిపోతాయి. వీటి ద్వారా మళ్లీ తోమిన గిన్నెలు సరిగా క్లీన్ కావు. కిచెన్‌లో ఈ బ్యాక్టీరియా పెరిగి మనకి హెల్త్ ప్రాబ్లమ్స్ రావడానికి కారణమవుతుంది. కాబట్టి, వాడిన ప్రతిసారి వాటిని చక్కగా క్లీన్ చేసి ఎండలో ఎండేలా చూడండి. దీంతో వాటిని మరోసారి వాడడానికి సిద్ధంగా ఉంటాయి.

వాటర్ బాటిల్స్

వాటర్ బాటిల్స్ అందరం నీరు తాగుతాం. కానీ, వాటిని వారానికో 10 రోజులకోసారి క్లీన్ చేస్తాం. కానీ, అలా కాకుండా వాటిని ఫిల్ చేసిన ప్రతీసారి క్లీన్ చేయడం మంచిదని చెబుతున్నారు ఎక్స్‌పర్ట్స్. లేదంటే నీరు ద్వారా క్రిములు మనలోకి వెళ్లే ప్రమాదముంది. కాబట్టి, ఓ సారి క్లీన్ చేసి నీరు ఫిల్ చేసి తాగడం బెటర్ అని చెబుతున్నారు.