16 ఏళ్ల బాలుడితో 27 ఏళ్ల ఉపాధ్యాయురాలి ప్రేమాయణం

మాతృ దేవోభవ, పితృ దేవోభవ, ఆచార్య దేవోభవ అన్నారు మన పెద్దలు. అంటే తల్లిదండ్రుల తర్వాత స్థానాన్ని ఉపాధ్యాయులకు అందిస్తూ వారి గొప్పతనాన్ని వివరించారు. అచ్చంగా అమ్మా, నాన్నల్లాగే పిల్లల్ని దండిస్తూ.. వారిన సరైన మార్గంలో పెడతారనే ఈ స్థానాన్ని కల్పించగా.. ఓ టీచరమ్మ ఆ విషయాన్ని మర్చిపోయింది. తనకంటే వయసులో 11 ఏళ్ల చిన్నవాడైన మైనర్ అబ్బాయితో ప్రేమాయణం సాగించింది. అది చాలదన్నట్లుగా తరగతి గదిలోనే అతడితో కలిసి తన కామ కోరికను తీర్చుకుంది. అయితే ఈ విషయం కాస్తా వెలుగులోకి రాగా.. పోలీసులు ఉపాధ్యాయురాలిని అరెస్ట్ చేశారు. ప్రస్తుతం ఆమెను కోర్టులో కూడా హాజరు పరచబోతున్నారు.

అమెరికాలోని ఫ్లోరిడా రాష్ట్రంలో గల రివర్ వ్యూ హైస్కూల్‌లో 27 ఏళ్ల బ్రూక్ ఆండర్సన్.. సైన్స్ టీచర్‌గా పని చేస్తోంది. అయితే అదే పాఠశాలలో చదివే 16 ఏళ్ల బాలుడిపై ఈమెకు ప్రేమ మొదలు అయింది. అతడు కూడా ఈమెపై ఆసక్తి కనబర్చగా.. ఇద్దరూ ప్రేమలో పడ్డారు. ముఖ్యంగా 2024 సెప్టెంబర్ నెల నుంచి వీరిద్దరి మధ్య మాటలు మొదలయ్యాయి. ఫోన్ల ద్వారానే చాలాకాలం ప్రేమాయణం సాగించిన వీరు ఏకంగా తరగతి గదిలోనే చాటుమాటుగా మాట్లాడుకోవడం, కలుసుకోవడం చేశారు. ఎవరూ లేని సమయంలో క్లాస్ రూంలోనే ముద్దులు, హగ్గులు పెట్టుకుంటూ రెచ్చిపోయారు.

 ఇది మాత్రమే చాలదన్నట్లుగా ఇటీవలే మరింతకు తెగించారు. క్లాస్ రూంనే బెడ్రూంగా మార్చుకుని తమ కోరికలు తీర్చుకున్నారు. అయితే పలువురు విద్యార్థులు ఈ విషయాన్ని గుర్తించి బడిలోని మరికొంత మంది ఉపాధ్యాయులకు సమాచారం ఇచ్చారు. దీంతో వారు కూడా వీరిద్దరినీ గమనించి.. ఇది నిజమేనని తెలుసుకున్నారు. ఆపై యాజమాన్యానికి చెప్పగా.. సదరు టీరమ్మను సస్పెండ్ చేస్తూనే.. ఆపై పోలీసులకు, బాలుడి తల్లిదండ్రులకు సమాచారం అందించారు. దీంతో రంగంలోకి దిగిన పోలీసులు.. మే 16వ తేదీన మైనర్ బాలుడితో టీచరమ్మ బ్రూక్ ఆండర్సన్ లైంగిక కార్యకలాపాలు జరిపిందని గుర్తించి ఆమెను అరెస్ట్ చేశారు. ఆపై కోర్టులో హాజరు పరిచారు. దీంతో ధర్మాసనం ఆమెకు 14 రోజుల రిమాండ్ విధించింది.

మరోవైపు బ్రూక్ ఆండర్సన్ బెయిల్ కోసం మంజూరు చేసుకోగా.. 60 వేల డాలర్ల పూచీకత్తుపై బెయిల్ మంజూరు చేశారు. అలాగే పోలీసులు ప్రస్తుతం ఈ కేసును దర్యాప్తు చేస్తున్నారు. మైనర్ బాలుడు సహా ఈమె ఫోన్‌లను పరిశీలిస్తున్నారు. వీరిద్దరూ వాట్సాప్ సహా ఇతర సోషల్ మీడియా ఖాతాల ద్వారా చేసుకున్న చాటింగ్‌ను చూస్తున్నారు. ఒకవేళ ఈమె తప్పు చేసినట్లు తేలితే.. 15 ఏళ్ల వరకు జైలు శిక్ష పడే అవకాశం ఉంది.