పసిడి ధరలు భగ్గుమంటున్నాయి..భారీగా పెరిగిన బంగారం ధరలు..

బంగారం ధర భగ్గుమని మండింది. జూన్ 14వ తేదీ శనివారం బంగారం ధరలు ఇలా ఉన్నాయి. 24 క్యారెట్ల 10 గ్రాముల బంగారం ధర రూ. 1,02,630 పలికింది. 22 క్యారెట్ల 10 గ్రాముల బంగారం ధర రూ. 93,350 పలికింది. ఒక కేజీ వెండి ధర రూ. 1,09,185 పలికింది. బంగారం ధరలు గడచిన నాలుగు రోజులుగా భారీగా పెరుగుతూ వస్తున్నాయి. ప్రస్తుతం బంగారం ధర ఆల్ టైం రికార్డ్ స్థాయిని దాటి ముందుకు దూసుకెళ్తోంది. చరిత్రలో తొలిసారిగా బంగారం ధర ఒక లక్ష రూపాయలు దాటి మరో రెండు వేల రూపాయలు పెరిగింది. బంగారం ధరలు భారీగా పెరిగిన నేపథ్యంలో పసిడి ఆభరణాలు కొనుగోలు చేసేవారు గగ్గోలు పెడుతున్నారు అని చెప్పవచ్చు. చరిత్రలో ఎప్పుడు బంగారం ధర ఈ స్థాయిలో పెరగలేదు. గతంలో రెండు సార్లు బంగారం ధర లక్ష రూపాయలు దాటినప్పటికీ అంతకుమించి దూసుకెళ్లడం ఇదే తొలిసారి అని చెప్పవచ్చు. బంగారం ధరలు పెరగడానికి ప్రధానంగా అంతర్జాతీయ మార్కెట్లో ఉన్న పరిస్థితులే కారణమని చెప్పవచ్చు. అమెరికా ఫ్యూచర్స్ మార్కెట్లో ఒక ఔన్స్ (31.2 గ్రాములు) బంగారం ధర 3452 డాలర్లు దాటింది. ఇది కూడా బంగారం ధరలు పెరగడానికి ఒక కారణమని చెప్పవచ్చు. బంగారం ధరలు భారీగా పెరగడానికి ప్రధాన కారణం అమెరికా స్టాక్ మార్కెట్లో భారీగా నష్టపోవడమే ఒక కారణమని చెప్పవచ్చు. ముఖ్యంగా ఇరాన్ ఇజ్రాయిల్ మధ్య కొనసాగుతున్న యుద్ధ వాతావరణం కారణంగా స్టాక్ మార్కెట్లు భారీగా నష్టపోతున్నాయి. పశ్చిమాసియా దేశాల్లో ఈ యుద్ధ సంక్షోభం కారణంగా అటు క్రూడ్ ఆయిల్ ధరలు కూడా భారీగా పెరిగాయి. క్రూడ్ ఆయిల్ ధర దాదాపు 12 శాతం పెరిగింది. బంగారం ధరలు పెరగడానికి ఇది కూడా ఒక కారణం అని చెప్పవచ్చు. స్టాక్ మార్కెట్ భారీగా పతనమవుతున్న నేపథ్యంలో ఇన్వెస్టర్లు తమ పెట్టుబడులను సురక్షితంగా భావించే బంగారం వైపు తరలిస్తున్నారు. దీంతో బంగారానికి ఒకసారిగా డిమాండ్ పెరిగి పసిడి ధరలు భగ్గుమంటున్నాయి అని చెప్పవచ్చు. బంగారం ధరలు భారీగా పెరిగిన నేపథ్యంలో పసిడి ఆభరణాలు కొనుగోలు చేసేవారు చాలా జాగ్రత్తగా ఉండాలని నిపుణులు సూచన చేస్తున్నారు. ముఖ్యంగా బంగారం ధరలు ఆల్ టైం రికార్డ్ స్థాయిని దాటి ముందుకు దూసుకెళ్తున్నాయి ఈ నేపథ్యంలో బంగారు ఆభరణాలు కొనుగోలు చేయాలంటే చాలా జాగ్రత్తగా ఉండాలి ముఖ్యంగా నాణ్యత విషయంలో ఏమాత్రం రాజీపడిన మీరు పెద్ద మొత్తంలో డబ్బు నష్టపోయే అవకాశం ఉంది.