కేంద్రం కొత్త స్కీమ్.. భారీగా ఉద్యోగాలు, ప్రోత్సాహకాలు

భారతదేశంలో ఉద్యోగాల కల్పనకు కేంద్ర ప్రభుత్వం పెద్ద ప్రోత్సాహాన్ని అందించింది. 'ఎంప్లాయ్‌మెంట్ లింక్డ్ ఇన్సెంటివ్ (ELI) స్కీంకు ఆమోదం తెలిపింది. ఈ పథకం ద్వారా యువతకు ఉద్యోగాలు లభిస్తాయి. దేశ ఆర్థిక వ్యవస్థ కూడా మెరుగుపడుతుంది. ప్రధానమంత్రి నరేంద్ర మోదీ అధ్యక్షతన జరిగిన సమావేశంలో ఈ నిర్ణయం తీసుకున్నారు. దీని కోసం ప్రభుత్వం రూ. 1.07 లక్షల కోట్లు కేటాయించింది. అంతేకాకుండా, పరిశోధన, అభివృద్ధి కోసం మరో పథకానికి కూడా ఆమోదం తెలిపారు. దీనికి రూ. 1 లక్ష కోట్లు కేటాయించారు. జాతీయ క్రీడా విధానం - 2025కు కూడా ఆమోదం లభించింది.

ప్రధానమంత్రి నరేంద్ర మోదీ అధ్యక్షతన మంగళవారం రోజు.. కేంద్ర మంత్రివర్గ సమావేశం జరిగింది. ఈ సమావేశంలోనే ELI పథకానికి ఆమోదం తెలిపారు. కేంద్ర మంత్రి అశ్విని వైష్ణవ్ ఈ విషయం గురించి ప్రకటన చేశారు. ఈ స్కీమ్ కోసం ప్రభుత్వం భారీగా నిధులు కేటాయించింది. మొత్తం రూ. 1.07 లక్షల కోట్లు కేటాయించినట్లు ఆయన తెలిపారు. ఈ పథకం ద్వారా దేశంలోని యువతకు, మధ్యతరగతి ప్రజలకు ఉద్యోగాలు వస్తాయని అన్నారు.

 రాశిఫలాలు 30 జూన్ 2025:ఈరోజు గ్రహణ యోగం వేళ తులా సహా ఈ 3 రాశులకు తీవ్రమైన సమస్యలు.. తస్మాత్ జాగ్రత్త!

రక్తం తక్కువగా ఉందని ఐరన్ ట్యాబ్లెట్స్ వేసుకుంటున్నారా, మందులు వాడకుండానే ఇప్పుడు చెప్పే ఫుడ్స్ తిని బ్లడ్‌ని పెంచుకోండి

ముఖంపై నల్లమచ్చలు తగ్గించి చర్మాన్ని బిగుతుగా చేసే డాక్టర్ చిట్కా, కొబ్బరి నూనెలో ఒక పదార్థం కలిపి రాస్తే ముడతలు మాయం

ఈఎల్ఐ పథకం అంటే ఏమిటి?

ఇది ప్రభుత్వం మద్దతుతో నడిచే కార్యక్రమం. దీని ముఖ్య లక్ష్యం.. దేశ ఆర్థిక వ్యవస్థలో కొత్త ఉద్యోగాలను సృష్టించడం. ముఖ్యంగా వ్యవస్థీకృత రంగంలో ఉద్యోగాలు పెంచడం దీని ఉద్దేశం. ఈ పథకంలో భాగంగా ప్రభుత్వం కొన్ని ముఖ్యమైన పనులు చేస్తుంది. మొదటిసారి ఉద్యోగం చేసేవారికి సహాయం చేస్తుంది. కొత్త ఉద్యోగాలు సృష్టించే యజమానులకు ప్రోత్సాహకాలు ఇస్తుంది. తయారీ రంగంలో ఉద్యోగాల కల్పనకు ఎక్కువ ప్రాధాన్యత ఇస్తుంది.

ఈ పథకం ద్వారా ఎవరు లాభం పొందుతారు?

ఈ స్కీమ్ ద్వారా రెండు రకాలుగా ప్రజలకు లాభం చేకూరుతుంది. మొదటిసారి ఉద్యోగం చేసేవారికి.. అలాగే ఉద్యోగాలు సృష్టించే యజమానులకు లాభం ఉంటుందని చెప్పొచ్చు. మొదటిసారి ఉద్యోగం చేసేవారికి ప్రభుత్వం ఒక నెల జీతం ఇస్తుంది. ఇది గరిష్టంగా రూ. 15,000 వరకు ఉంటుంది. ఇది వారికి ఆర్థికంగా చాలా సహాయపడుతుంది. కొత్త ఉద్యోగాలు సృష్టించినందుకు యజమానులకు ప్రభుత్వం ప్రోత్సాహకాలు ఇస్తుంది. ఈ ప్రోత్సాహకాలు 2 సంవత్సరాల పాటు ఉంటాయి. ఒకవేళ యజమాని తయారీ రంగంలో ఉంటే, ఈ ప్రోత్సాహకాలను ప్రభుత్వం మరో రెండు సంవత్సరాలు పొడిగిస్తుంది. అంటే మొత్తం నాలుగు సంవత్సరాల పాటు ప్రోత్సాహకాలు లభిస్తాయి.

ఈ పథకం వల్ల దేశంలో నిరుద్యోగం తగ్గుతుంది. అంతేకాకుండా, తయారీ రంగం కూడా బలపడుతుంది. దీని ద్వారా దేశ ఆర్థిక వ్యవస్థ అభివృద్ధి చెందుతుంది అని నిపుణులు చెబుతున్నారు.

కేబినెట్ ఇతర నిర్ణయాలు..

కేబినెట్ ఇతర నిర్ణయాలు కూడా తీసుకుంది. 'ఎంప్లాయ్‌మెంట్ లింక్డ్ ఇన్సెంటివ్' పథకంతో పాటు, కేంద్ర కేబినెట్ మరికొన్ని ముఖ్యమైన నిర్ణయాలు తీసుకుంది. కేంద్ర మంత్రి అశ్విని వైష్ణవ్ ఈ వివరాలను మీడియాకు తెలియజేశారు.

RDI స్కీమ్..: ఈ పథకం ద్వారా పరిశోధన, అభివృద్ధి రంగంలో ప్రైవేటు రంగాన్ని ప్రోత్సహిస్తారు. దీని కోసం రూ. 1 లక్ష కోట్లు కేటాయించారు. ప్రైవేట్ రంగం పెట్టుబడులు పెట్టడానికి తక్కువ వడ్డీకి రుణాలు ఇస్తారు.జాతీయ క్రీడా విధానం - 2025: దేశంలో క్రీడా సౌకర్యాలను పెంచడం, క్రీడాకారులను ప్రోత్సహించడం ఈ పథకం ముఖ్య ఉద్దేశం.

తమిళనాడు హైవే విస్తరణ: తమిళనాడులో పరమకుడి-రామనాథపురం హైవేను విస్తరించడానికి కూడా కేబినెట్ ఆమోదం తెలిపింది. దీని కోసం రూ. 1853 కోట్లు ఖర్చు చేస్తారు. ఇది 46.7 కిలోమీటర్ల పొడవైన రహదారి.