ట్రెండింగ్
రాష్ట్రంలో అన్ని రంగాలు అస్తవ్యస్తం చేసారు
Andhra Pradesh Telugu | Suryaa Desk | Published : Sat, Jul 12, 2025, 03:09 PM
కూటమి ప్రభుత్వం అధికారంలోకి వచ్చిన ఏడాదిలో రాష్ట్రంలో అన్ని రంగాలు అస్తవ్యస్తమయ్యాయని శాసనమండలి విపక్ష నేత, మాజీ మంత్రి బొత్స సత్యనారాయణ ఆగ్రహం వ్యక్తం చేశారు. ఏడాది కూటమి పాలనలో రాష్ట్రం అల్లకల్లోలం కాగా అరాచకర పాలన సాగుతోందని ఆయన మండిపడ్డారు. విశాఖపట్నం లోని తన క్యాంపు కార్యాలయంలో మీడియాతో మాట్లాడుతూ ఏ వర్గమూ ఈ పాలన పట్ల సంతృప్తిగా లేరని తేల్చి చెప్పారు. గత కొన్ని సంవత్సరాలుగా రైతులు సంపాదించుకున్న సంపద అంతా ఆవిరైపోవడంతో రైతులు తీవ్ర ఇబ్బందులు పడుతున్నారని స్పష్టం చేశారు. మాటలు తప్ప ప్రభుత్వం నుంచి వీసమెత్తు సాయం కూడా అన్నదాతలకు అందకపోగా, రైతులను అత్యంత అసభ్యకరంగా, హేళన చేస్తూ దండుపాళ్యం బ్యాచ్ అంటూ మాట్లాడడంపై బొత్స తీవ్ర ఆవేదన వ్యక్తం చేసారు.
|
|