పైల్స్ ఫిస్టులా ఉన్న వారు ఈ ఫుడ్స్ అసలు తీసుకోకూడదు

మలబద్ధకంతో ఇప్పటికే చాలా మంది ఇబ్బంది పడుతున్నారు. ఏది తిన్నా జీర్ణం కాక, సరిగ్గా మోషన్ అవక ఎన్నో అవస్థలకు గురి అవుతున్నారు. బయటకు చెప్పడానికి ఇబ్బంది పడుతూ సమస్యను పెంచుకుంటున్నారు. వీరి బాధ ఇలా ఉంటే. పైల్స్ వచ్చిన వారి బాధ మరోలా ఉంటుంది. ఎవరికైనా చెప్తే నవ్వుతారేమో, హేళన చేస్తారేమో అని గిల్టీగా ఫీల్ అవుతారు. కానీ..ఇలాంటి అనారోగ్యాలను అసలు నిర్లక్ష్యం చేయకూడదు. ఎంత జాగ్రత్తగా ఉంటే అంత మంచిదని చెబుతున్నారు వైద్యులు. ముఖ్యంగా పైల్స్, ఫిస్టులా లాంటి సమస్యలున్న వారు ఆహారం విషయంలో అప్రమత్తంగా ఉండాలని సూచిస్తున్నారు. కొన్ని రకాల ఫుడ్స్ కి వీళ్లు దూరంగా ఉంటేనే మంచిదని వారిస్తున్నారు. మరి పైల్స్, ఫిస్టులా ఉన్న వారు ఎలాంటి ఫుడ్స్ తినకూడదు. వేటికి దూరంగా ఉండాలో తెలుసుకుందామా.

ఆహారం జాగ్రత్తలు

​పైల్స్, ఫిస్టులా లాంటి సమస్యలున్న వారు ఆహారం విషయంలో చాలా జాగ్రత్తలు పాటించాలి. ఈ ఇబ్బందులు ఉన్న వారు ఏం తింటున్నారనే దాన్ని బట్టి సమస్య ఎంత తీవ్రంగా ఉంటుంది, ఎంత వరకూ తగ్గుతుంది అనేది చెప్పవచ్చు అంటున్నారు వైద్యులు. కొన్ని రకాల ఆహార పదార్థాలు మంచి చేస్తే ఇంకొన్ని మాత్రం సమస్యను ఇంకా పెంచుతాయి. ఇవి తిన్న వెంటనే పొట్టలో మంట పెరుగుతుంది. బాడీ ఇంతా ఇన్ ఫ్లమేషన్ ఎక్కువవుతుంది. వీటి వల్ల తిన్నది సరైన విధంగా జీర్ణం కాదు. దీని వల్ల మలబద్ధకం వస్తుంది. అప్పుడు పైల్స్, ఫిస్టులా సమస్యలు తగ్గడం ఇంకాస్త ఇబ్బందికరంగా మారుతుంది. డాక్టర్ చెప్పిన ఆ పదార్థాలేంటో వివరంగా చూద్దాం.

ఇవి తినకూడదు

మసాలాలు ఎక్కువగా ఉండే ఫుడ్ ఐటమ్స్ ని వీలైనంత వరకూ అవాయిడ్ చేయాలి. వీటి వల్ల జీర్ణ వ్యవస్థపై ఒత్తిడి పడుతంది. సరైన విధంగా ఆహారం జీర్ణం కాదు. ఇవి తినడం వల్ల పొట్టలో మంట వస్తుంది. దీంతో పాటు అరగకపోవడం వల్ల నొప్పి వచ్చే అవకాశం కూడా ఉంటుంది. ఇవి పిస్టులా, పైల్స్ సమస్యని ఇంకాస్త ఇబ్బందికరంగా మార్చుతాయి. ఇక వీటితో పాటు రెడ్ మీట్ అసలు తినకూడదు. ఇది అంత సులువుగా జీర్ణం కాదు.

అందుకు కారణం ఏంటంటే..ఇందులో ఫైబర్ చాలా తక్కువగా ఉంటుంది. దీని వల్ల మలబద్ధకం వచ్చే అవకాశముంటుంది. అందుకే వీలైనంత వరకూ వీటికి దూరంగా ఉండడమే మంచిది. ఇక వేపుళ్ల జోలికి కూడా అసలు పోకూడదు. ఇవి జీర్ణ ప్రక్రియపై ప్రభావం చూపిస్తాయి. మోషన్ ఫ్రీగా అవ్వడానికి వీలు లేకుండా చేస్తాయి. అందుకే వేపుళ్లను పూర్తిగా అవాయిడ్ చేయాలి.

మరి కొన్ని

ఈ లిస్ట్ లో మరి కొన్ని పదార్థాలు కూడా ఉన్నాయి. కఫైన్ ఎక్కువగా ఉండే డ్రింక్స్ అసలు తాగకూడదు. అంటే టీ, కాఫీ లాంటి వాటి జోలికి పోకూడదు. చాలా మందికి ఉదయం లేవగానే టీ లేదా కాఫీ పడితే కానీ రోజు మొదలు కాదు. కానీ..పైల్స్, ఫిస్టులా ఉన్న వారు ఈ అలవాటుని మానుకోవాలి. కఫైన్ కారణంగా బాడీ డీహైడ్రేట్ అవుతుంది. దీని వల్ల మోషన్ ఫ్రీగా అవ్వదు. ఇక ఆల్కహాల్ ని కూడా దూరం పెట్టక తప్పదు. ఇప్పటికే ఈ అలవాటు ఉన్న వారు వీలైనంత త్వరగా మానేయడం మంచిది. ​

ఆల్కహాల్ తోనూ ఇదే సమస్య. చాలా త్వరగా బాడీ డీహైడ్రేట్ అయిపోతుంది. దీని వల్ల గట్ హెల్త్ పాడైపోతుంది. బాడీలో ఇన్ ఫ్లమేషన్ పెరిగి రకరకాల సమస్యలు వస్తాయి. అందుకే పైల్స్ ఉన్న వారు మద్యానికి దూరంగా ఉండడం మంచిది. చిప్స్, బిస్కెట్స్ లాంటి ప్రాసెస్డ్ ఫుడ్స్ ని కూడా వీలైనంత వరకూ దూరం పెట్టాలి. వీటిలో ఫైబర్ తక్కువగా ఉండడం వల్ల జీర్ణశక్తి మందగిస్తుంది.

ఇవి కూడా తినకూడదు

వైట్ బ్రెడ్ పొరపాటున కూడా తినకూడదు. వీటిలో ఫైబర్ అసలు ఉండదు. ఫలితంగా మోషన్ ఫ్రీగా అవ్వకుండా ఇబ్బంది పడాల్సి వస్తుంది. పాల ఉత్పత్తులనూ పక్కన పెట్టాలి. అంటే..ఛీజ్, క్రీమ్స్, పనీర్ లాంటివి అసలు తినకూడదు. వీటి వల్ల గ్యాస్, కడుపు ఉబ్బరం లాంటి సమస్యలు తలెత్తుతాయి. ఇవి మలబద్ధకానికి దారి తీస్తాయి. ఇప్పటికే గట్ ఇష్యూస్ ఉన్న వారు వీలైనంత వరకూ ఈ మూడు పదార్థాలకు దూరంగా ఉండడం మంచిది.

పచ్చళ్ల జోలికి అసలు పోకూడదు. వీటిలో కారం, ఉప్పు విపరీతంగా ఉంటాయి. ఇవి తిన్న వెంటనే అన్న వాహికపై ప్రభావం పడుతుంది. విపరీతంగా నొప్పి వచ్చే అవకాశం ఉంటుంది. పైల్స్, ఫిస్టులా ఉన్న వారు తీవ్రంగా ఇబ్బంది పడాల్సి వస్తుంది. కార్బొనేటెడ్ డ్రింక్స్ అంటే..కూల్ డ్రింక్స్ ని పూర్తిగా అవాయిడ్ చేయాలి. మిల్క్ చాక్లెట్స్ తినడం కూడా మానేయాలి. ఫైబర్ తక్కువగా ఉండే ఈ చాక్లెట్స్ లో షుగర్ అధికంగా ఉంటుంది. ఇది గట్ హెల్త్ కి అసలు మంచిది కాదు.

అరటి పండ్లు 

పైల్స్ ఉన్న వారు అరటి పండ్లు తినకపోవడమే మంచిదని చెబుతున్నారు డాక్టర్లు. ముఖ్యంగా కాస్త పచ్చిగా ఉన్న అరటి పండ్లను అసలు తినకూడదు. ఇవి త్వరగా అరగవు. ఫలితంగా అజీర్తి, మలబద్ధకం లాంటివి వచ్చే అవకాశం ఉంటుంది. ఇప్పటికే మెడికేషన్ తీసుకుంటూ సమస్యను తగ్గించుకోవాలని ప్రయత్నిస్తున్న వారు ఇప్పుడు చెప్పిన ఈ ఆహారపు అలవాట్ల విషయంలోనూ జాగ్రత్తలు తీసుకోవాలి. జీర్ణ శక్తికి అవసరమైన ఫైబర్ ని అందించాలి. అదే సమయంలో బాడీ డీహైడ్రేట్ కాకుండా చూసుకోవాలి.