రష్యా మహిళ కోసం బెంగళూరు వచ్చిన ప్రియుడు.

కర్ణాటక గోకర్ణలోని గుహలో తన ఇద్దరు పిల్లలతో కలిసి.. ఓ రష్యన్ మహిళ సహజీవనం చేస్తూ పోలీసులకు పట్టుబడిన విషయం అందరికీ తెలిసిందే. ముఖ్యంగా ఈ ఘటన బయటకు వచ్చిన తర్వాత ఆమె భర్తను కూడా అధికారులు గుర్తించారు. ఈ సందర్భంగానే తన కుమార్తెలు తనకు కావాలంటూ ఆయన షేర్డ్ కస్టడీ కూడా కోరారు. ఇదంతా మనకు తెలిసిందే కాగా.. తాజాగా ఆయన బెంగళూరు వచ్చారు. భార్యా, పిల్లలను కలిసేందుకు ప్రయత్నించారు. ఈ సందర్భంగానే మీడియాతో మాట్లాడుతూ.. విస్తుపోయే విషయాలు వెల్లడించారు. తామిద్దరూ ఇంకా పెళ్లి చేసుకోలేదని కాకపోతే సహజీవనం చేసినట్లు పేర్కొన్నారు. అప్పుడే తమకు ఇద్దరు పిల్లలు పుట్టారని చెప్పారు. మరి ఆ తర్వాత ఏం జరిగిందో తెలియాలంటే మీరు ఈ కథ చదివేయాల్సిందే.

38 ఏళ్ల వయసు కల్గిన డ్రోర్ గోల్డ్ స్టెనిన్.. ఇజ్రాయెల్ జాతీయుడు. అయితే ఉద్యోగ నిమిత్తం ఆయన గతంలో గోవాకు వచ్చారు. అప్పుడే ఆయనకు నీనా కుటీనాతో స్నేహం ఏర్పడింది. ముఖ్యంగా ఆమె రష్యాకు చెందిన యువతి కాగా.. అతడు పని చేసే కంపెనీలోనే ఉద్యోగం చేసేది. ఇలా కొన్ని నెలల పాటు స్నేహం సాగించిన వీళ్ల మధ్య బంధం పెరిగింది. దీంతో ఇద్దరూ కలిసి సహజీవనం చేయడం ప్రారంభించారు. ఈక్రమంలోనే వీరికి ఇద్దరు కుమార్తెలు పుట్టారు. వారే ప్రస్తుతం ఆమెతో గుహలో దొరికి ఆరేళ్ల ప్రేమా, నాలుగేళ్ల అమాలు. అయితే గతేడాదే డ్రోర్ గోల్డ్ స్టెనిన్ పనిపై ఇజ్రాయెల్ వెళ్లారు. ఆ తర్వాత కూడా తన ప్రియురాలికి తరచుగా ఫోన్ చేసేవారు.

అంతేకాకుండా వారికోసం నెలా నెలా 3.5 లక్షల రూపాయలు కూడా పంపించేవారు. ఇలా వీరి కాపురం హాయిగా సాగుతుండగా.. అనుకోకుండా ఒక రోజు నుంచి నీనా కుటీనా.. డ్రోర్ గోల్డ్ స్టెనిన్ ఫోన్ లేపడం మానేసింది. దీంతో స్నేహితులకు, తెలిసిన వాళ్లకు ఫోన్ చేయగా.. ఆమె గోవాలో కనిపించడం లేదని చెప్పారు. దీంతో భయపడిపోయిన డ్రోర్ గోల్డ్ స్టెనిన్.. పోలీసులకు ఫిర్యాదు చేశారు. అయినా వీరి ఆచూకీ లభించకపోవడంతో.. చాలా రోజుగా ప్రియురాలు, పిల్లల కోసం తల్లడిల్లిపోతున్నారు. అయితే ఇటీవలే కర్ణాటక పోలీసులకు నీనా కుటీనా.. తన ఇద్దరు కుమార్తెలతో గుహలో రహస్యంగా జీవిస్తూ దొరికిపోయింది. దీంతో పోలీసులు వారిని అదుపులోకి తీసుకుని ఓ ఆశ్రమంలో ఉంచారు.

ఇందుకు సంబంధించిన వార్తలు సోషల్ మీడియాలో తెగ వైరల్ కాగా.. ఆమె భర్త ఎవరో తెలుసుకునేందుకు కూడా అధికారులు ప్రయత్నాలు చేశారు. ఈక్రమంలోనే డ్రోర్ గోల్డ్ స్టెనిన్‌కు తన ప్రియురాలు నీనా కుటీనా ఆచూకీ లభ్యం అయింది. భార్య తనతో మాట్లాడేందుకు నిరాకరిస్తుండగా.. పిల్లల షేర్డ్ కస్టడీ కోరాడు. ముఖ్యంగా గురువారం రోజే ఆయన బెంగళూరుకు వచ్చేశారు. తన ప్రియురాలు నీనా కుటీనా, తన ఇద్దరు కుమార్తెలను కలిసేందుకు ప్రయత్నించారు. ఈ సందర్భంగానే మీడియాతో మాట్లాడుతూ ఈ కథంతా చెప్పారు.

అలాగే నీనా కుటీనా తనతో కలిసి ఉన్నప్పుడు కూడా ప్రకృతి మధ్యే తమ పిల్లలను పెంచాలని చెబుతుండేదని.. మొదటి నుంచి ఆమెకు అడవిలో జీవించాలని కలలు కనేదని వివరించారు. అందుకే ఆమె గుహలోకి వెళ్లి రహస్యంగా జీవించి ఉండొచ్చని చెప్పారు. మరి ప్రియురాలి ఈయన్ను కలిసి.. ఇతడితోనే వెళ్లిపోతుందా లేదా అనేది తెలియాలంటే మాత్రం ఇంకా కొన్ని రోజులు ఆగాల్సిందే.