మలబద్ధకం, నిద్రలేమి, చర్మ సమస్యలకు ఒకే పండుతో పరిష్కారం

రకరకాల అనారోగ్యాలు వస్తున్నాయి. ఓ సమస్య నుంచి బయట పడేలోపు మరోటి వస్తోంది. దీనంతటికీ కారణం డైట్ విషయంలో అసలు జాగ్రత్తలు తీసుకోకపోవడం. రుచికరంగా ఉన్నాయి కదా అని ఏది పడితే అది తినడం వల్ల విపరీతంగా కొలెస్ట్రాల్ పెరుగుతోంది. దీని వల్ల గుండె జబ్బులు వస్తున్నాయి. లివర్, కిడ్నీల పని తీరుపైనా ప్రభావం పడుతోంది. చేతులారా ఆరోగ్యాన్ని పాడు చేసుకుంటున్నారు. రోజూ కూరగాయలతో పాటు పండ్లు తీసుకుంటే శరీరానికి కావాల్సిన పోషకాలు అందడంతో పాటు ఇమ్యూనిటీ కూడా పెరుగుతుంది. అయితే..పండ్లలో కొన్ని రకాల ఫ్రూట్స్ ఎన్నో సమస్యలకు చెక్ పెడతాయి. అలాంటి వాటిలో కివీ ఒకటి. ఒకప్పుడు వీటిని పెద్దగా పట్టించుకోలేదు. కానీ ఇప్పుడు చాలా మంది ఏరికోరి మరీ తింటున్నారు. అందులో ఉన్న న్యూట్రియెంట్స్ అలాంటివి మరి. మరి ఈ ఒక్క పండుతో ఏయే సమస్యలు తగ్గుతాయో తెలుసుకుందాం.

కివీ పండు

సమతుల ఆహారం. అంటే బ్యాలెన్స్ డ్ డైట్. ఈ టాపిక్ వచ్చిన ప్రతిసారీ తప్పకుండా అందరూ పండ్ల గురించి మాట్లాడుకుంటారు. సమతుల ఆహారంలో ఇవి అంత కీలకం. బాడీని హైడ్రేటెడ్ గా ఉంచడమే కాదు. కావాల్సిన న్యూట్రియెంట్స్ ని అందించడంలోనూ పండ్లు కీలక పాత్ర పోషిస్తాయి. అలాంటి పండ్లలో అతి ముఖ్యమైంది కివీ. పోషకాలకు ఇదో పవర్ హౌజ్ లాంటిది. ఇమ్యూనిటీని పెంచడంలో ఎంతో తోడ్పడుతుంది. సగటున ఓ 75 గ్రామల కివీ దాదాపు 42 కేలరీలు అందిస్తుంది. దీంతో పాటు 0.1 గ్రాముల ప్రొటీన్, పది గ్రాములకు పైగా కార్బొహైడ్రేట్స్, 0.4 గ్రాముల కొవ్వు ఉంటాయి. అంటే..ఫ్యాట్ చాలా తక్కువ. ఫైబర్, పొటాషియం, విటమిన్ సి పోషకాలు ఇందులో మెండుగా ఉంటాయి. రెండు కివీ పండ్లు తింటే చాలు. ఓ రోజులో మీకు కావాల్సినంత ఇమ్యూనిటీ అందుతుంది.

ఎన్నో ప్రయోజనాలు

కివీలో ఏమేం ఉన్నాయన్న లిస్ట్ ఇంకా అయిపోలేదు. ఈ పండ్లలో ఫైబర్ అధికంగా ఉంటుంది. దీంతో పాటు యాంటీ ఆక్సిడెంట్స్, విటమిన్ ఎ, విటమ్ ఇ ఉన్నాయి. శరీరానికి ఎంతో అవసరమైన విటమిన్ కె కూడా ఇందులో ఉంటుంది. ఇక ఎముకల ఆరోగ్యాన్ని కాపాడే క్యాల్షియం కివీలో పుష్కలంగా ఉంటుంది. మెగ్నీషియం కూడా ఎక్కువే. గ్లైసెమిక్ ఇండెక్స్ తక్కువగా ఉండే ఆహారం కావడం వల్ల బ్లడ్ షుగర్ లెవెల్స్ కూడా కంట్రోల్ లో ఉంటాయి. డయాబెటిస్ ఉన్న వారు రెగ్యులర్ గా కివీ తింటే రక్తంలో చక్కెర స్థాయి పెరగదు. షుగర్ సింప్టమ్స్ కూడా చాలా వరకూ తగ్గిపోతాయి. అయితే..ముఖ్యంగా మూడు సమస్యలను పరిష్కరించడంలో కివీ సూపర్ ఫుడ్ లా పని చేస్తుందని చెబుతున్నారు న్యూట్రిషనిస్ట్. మరి ఆ సమస్యలు ఏంటి. కివీ వల్ల అవి ఎలా తగ్గుతాయి. న్యూట్రిషనిస్ట్ చెప్పిన వివరాలు చూద్దాం.

మలబద్ధకం

ఎంత మంది ఈ సమస్యను ఎదుర్కొంటున్నారో లెక్కే లేదు. అనారోగ్యకరమైన ఆహారం తినడం, ఆ తరవాత ఇబ్బంది పడడం. ఇదే జరుగుతోంది. ఫైబర్ తక్కువగా ఉండే ఫుడ్ తినడం వల్లే మోషన్ ఫ్రీగా అవక ఇబ్బంది పడతారు. అయితే..ఈ సమస్యకు కివీ పరిష్కారం చూపుతుందని చెబుతున్నారు న్యూట్రిషనిస్ట్. ఎందుకంటే కివీలో పుష్కలంగా ఫైబర్ ఉంటుంది. ఫైబర్ ఎక్కువగా ఉండే ఆహార పదార్థాలు తినడం వల్ల మల విసర్జన సాఫీగా జరుగుతుంది. లేదంటే పేగులలోనే వ్యర్థాలు ఉండిపోతాయి. అయితే కివీలో ఫైబర్ ఉండడం వల్ల రోజూ ఒకటి లేదా రెండు పండ్లు తీసుకుంటే మలబద్ధకం తగ్గిపోతుంది. అంతే కాదు. బరువు తగ్గాలనుకునే వారు వీటిని తింటే చాలా త్వరగా ఫలితాలు చూడవచ్చు. పైగా ఇందులో కేలరీలు తక్కువ కాబట్టి రోజూ తిన్నా ఎలాంటి ఇబ్బందులు రావు.

నిద్రలేమి

అబ్బా..ఎంత సేపు ప్రయత్నించినా అసలు ఎందుకో రాత్రి నిద్ర పట్టలేదు. ఈ డైలాగ్ ఇప్పుడు కామన్ అయిపోయింది. నిద్రపట్టకపోతే అందుకు పరిష్కారం ఆలోచించుకోవాలి. కానీ చాలా మంది నిద్రపట్టకపోతే ఫోన్ స్క్రోల్ చేస్తూ రాత్రంతా గడిపేస్తారు. లేదా వెబ్ సిరీస్ లు చూస్తూ కూర్చుంటారు. దీని వల్ల సమస్య పెరుగుతుందే తప్ప అసలు తగ్గదు. అయితే..స్లీప్ క్వాలిటీ పెంచుకోవాలంటే కివీ తప్పనిసరిగా రోజువారీ డైట్ లో చేర్చుకోవాలని న్యూట్రిషనిస్ట్ సలహా ఇస్తున్నారు. కివీలో నిద్రకు అవసరమయ్యే సెరటానిన్ అధికంగా ఉంటుంది. దీంతో పాటు మెలటానిన్ కూడా ఉంటుంది. వీటి వల్ల స్లీప్ క్వాలిటీ పెరగడంతో పాటు ఎక్కువ సమయం నిద్రపోయేందుకు వీలవుతుంది. నిద్రలేమి సమస్య తీరితే బ్లడ్ ప్రెజర్, యాంగ్జిటీ కూడా తగ్గిపోతాయి. ఫలితంగా గుండె కూడా సేఫ్ గా ఉంటుంది. అంటే..కివీతో గుండె కూడా పదిలంగా ఉంటుందన్నమాట.

చర్మ సమస్యలు

కొంత మంది చర్మం చాలా త్వరగా పొడిగా మారిపోతుంది. దీని వల్ల తరచూ దురద, దద్దుర్లు లాంటి సమస్యలు వస్తుంటాయి. ఇక ముఖంపైన కూడా ముడతలు, మొటిమలు ఇబ్బంది పెడతాయి. అయితే..కివీలలో విటమిన్ సి అధికంగా ఉంటుంది. ఈ విటమిన్ చర్మ ఆరోగ్యానికి తోడ్పడతాయి. కేవలం ఈ విటమిన్ మాత్రమే కాదు. యాంటీ ఆక్సిడెంట్స్ కూడా పుష్కలంగా ఉంటాయి. ఇవి చర్మ కణాల్లో పేరుకుపోయిన టాక్సిన్స్ ని అంటే మురికిని బయటకు పంపేస్తాయి. ఫలితంగా చర్మం ఆరోగ్యవంతంగా ఉంటుంది. డార్క్ సర్కిల్స్ సమస్య కూడా తగ్గిపోతుంది. వృద్ధాప్య ఛాయను తగ్గించడంలోనూ కివీ ఎంతగానో ఉపయోగపడుతుంది.