చిన్న ట్రిక్స్‌తో నెలకు రూ. 10 వేలు ఆదా చేయొచ్చు

డబ్బు సంపాదించడం ఒక ఎత్తయితే.. దానిని పొదుపు చేయడం మరో ఎత్తు. చాలా మంది ఇదే చెబుతుంటారు. కానీ పొదుపు చేసినప్పుడే.. డబ్బు విలువ తెలుస్తుంది. ఇక్కడ మరీ ఎక్కువగా రాజీ పడకుండా కొన్ని చిట్కాలతో డబ్బులు నెల నెలా ఆదా చేసుకోవచ్చు. నెలా రూ. 10,000 ఆదా చేయడానికి కొన్ని తెలివైన మార్పులు చేసుకోవడం ద్వారా ఇలా చేయొచ్చని నిపుణులు చెబుతున్నారు. ముఖ్యంగా ఇంటి భోజనం, సబ్‌స్క్రిప్షన్‌లను తగ్గించడం, తెలివిగా ప్రయాణించడం, ఆటోమేటెడ్ సేవింగ్స్ వంటి మార్గాల ద్వారా డబ్బు ఆదా చేయొచ్చు.

ఆన్‌లైన్‌లో ఆహారం ఆర్డర్ చేయడం లేదా తరచుగా బయట తినడం వల్ల జేబుకు చిల్లు పడుతుంది. అందుకే మరీ ఎక్కువగా బయట తినకుండా వారానికి 5 రోజులు సాధారణంగా ఇంట్లో వండిన భోజనం తినడం ద్వారా నెలకు రూ. 2,000 నుంచి రూ. 3 వేల వరకు సులభంగా ఆదా చేయొచ్చు.

OTT ప్లాట్‌ఫారమ్‌ల నుంచి ప్రీమియం యాప్స్, జిమ్ మెంబర్‌షిప్‌ల వరకు, మనం ఉపయోగించని సేవలకు కూడా డబ్బులు చెల్లిస్తుంటాం. ఇక్కడ మనం వాటిని నిజంగా ఎంత వరకు ఉపయోగిస్తున్నాం అనేది ఆలోచించాలి. వీటిని సమీక్షించి వాడని వాటిని రద్దు చేసుకోవడం ముఖ్యం. ఈ ఖర్చులను తగ్గించడం ద్వారా మన జీవనశైలిని ప్రభావితం చేయకుండానే నెలకు రూ. 1,000 లేదా అంతకంటే ఎక్కువ ఆదా చేసుకోవచ్చు. సోలో క్యాబ్ రైడ్‌ల కంటే మెట్రోలు, బస్సులు లేదా కార్‌పూల్‌లను ఎంచుకోవడం ద్వారా, నెలవారీ ప్రయాణ ఖర్చులను రూ. 3,000 వరకు తగ్గించవచ్చు. జీతం వచ్చిన వెంటనే ఆటోమేటిక్ సిప్ లేదా రికరింగ్ డిపాజిట్‌ను ఏర్పాటు చేయడం ద్వారా, అనవసరమైన కొనుగోలు చేసే ముందు 24 గంటలు ఆలోచించడం ద్వారా మిగిలిన రూ. 3,000 లేదా అంతకంటే ఎక్కువ ఆదా చేయొచ్చు.

డబ్బు ఆదా చేయడం ద్వారా భవిష్యత్తులో ఉపయోగపడుతుంది. మలి వయసులో ఆర్థికంగా స్థిరంగా ఉండొచ్చు. డబ్బు ఆదా చేయడం ద్వారా మన కలలను నెరవేర్చుకోవచ్చు. ఇదొక మంచి అలవాటు. మన జీవితాన్ని మెరుగుపరుచుకోవచ్చు. మన కుటుంబానికి సహాయపడొచ్చు. డబ్బు ఆదా చేస్తూ సమాజానికి సహాయపడొచ్చు. డబ్బు ఆదా చేయడం ద్వారా దేశానికి సహాయపడొచ్చు. డబ్బు ఆదా చేయడం ఒక బాధ్యత. ఇదొక కర్తవ్యం.