బ్యాంకులకు 9 రోజులు సెలవులు.. ఆపై శని, ఆది వారాలు

మీరు తరుచూ బ్యాంకుకు వెళ్తుంటారా? ఆర్థిక లావాదేవీలు నిర్వహించేందుకు బ్యాంకులకు వెళ్లే వారందరికీ బిగ్ అలర్ట్. మీరు మీ వ్యక్తిగత, వ్యాపార అవసరాల కోసం బ్యాంకులకు వెళ్తుంటే బ్యాంకుల పని వేళల గురించి కచ్చితంగా తెలుసుకోవాలి. ఎందుకంటే తీరా బ్యాంకు వద్దకు వెళ్లాక మూసి ఉంటే నిరాశ చెందాల్సి వస్తుంది. కొన్నిసార్లు అత్యవసర పనులు ఆగిపోయి ఇబ్బందులు తలెత్తుతుంటాయి. సాధారణంగా బ్యాంకులకు ఆది వారాలు, పండగల రోజుల్లో సెలవు ఉంటుంది. అయితే, రాష్ట్రాల వారీగా సెలవులు మారుతుంటాయి. స్థానిక పండుగలు ఒక్కో రాష్ట్రంలో ఒక్కో విధంగా ఉంటాయి.

రిజర్వ్ బ్యాంక్ ఆఫ్ ఇండియా సర్క్యూలర్ ప్రకారం వచ్చే ఆగస్టు, 2025 నెలలో బ్యాంకులకు భారీగా సెలవులు ఉన్నాయి. జాతీయ పండుగలు, రాష్ట్ర పండుగలతో పాటు రెండో, నాలుగో శనివారం, ఆదివారాలు బ్యాంకులు మూసి ఉంటాయి. అందుకే బ్యాంకుకు వెళ్లి పూర్తి చేయాల్సిన పనులు ఉండే వారు పని వేళలను బట్టి ప్లాన్ చేసుకోవడం చాలా అవసరం. ఈ క్రమంలో ఆగస్టు, 2025లో బ్యాంక్ సెలవుల జాబితా ఓసారి తెలుసుకుందాం.

ఆగస్టు 3వ తేదీ ఆదివారం: దేశ వ్యాప్తంగా బ్యాంకులకు సాధారణ సెలవు ఉంటుంది.

ఆగస్టు 8వ తేదీ శుక్రవారం: టెండాంగ్‌లో రమ్ ఫండ్ (సిక్కిం, ఒడిశా) ప్రాంతాల్లో బ్యాంకులకు సెలవు ఉంటుంది. ఈ రెండు రాష్ట్రాల్లో గిరిజన పండుగ జరుపుతారు.

ఆగస్టు 9వ తేదీ శనివారం: రక్షా బంధన్ వస్తోంది. సాధారణంగా హిమాచల్ ప్రదేశ్, ఉత్తర్ ప్రదేశ్, ఉత్తరాఖండ్, ఒడిశా, మధ్య ప్రదేశ్, గుజరాత్, రాజస్థాన్ వంటి రాష్ట్రాల్లో బ్యాంకులు మూసి ఉంటాయి. అయితే, రెండో శనివారం కావడంతో దేశవ్యాప్తంగా బ్యాంకులు మూసి ఉంటాయి.

ఆగస్టు 10వ తేదీ ఆదివారం: దేశవ్యాప్తంగాగా బ్యాంకులు మూసి ఉంటాయి.

ఆగస్టు 13వ తేదీ బుధవారం: దేశ భక్తి దివస్ సందర్భంగా మణిపూర్‌లో రాష్ట్ర స్థాయి పండుగ జరుపుతారు.

ఆగస్టు 15వ తేదీ శుక్రవారం: స్వాతంత్య్ర దినోత్సవం సందర్భంగా బ్యాంకులకు దేశవ్యాప్తంగా సెలవు ఉంటుంది.

ఆగస్టు 16వ తేదీ శనివారం: జన్మాష్టమి, పార్సీ నూతన సంవత్సరం కారణంగా గుజరాత్, మధ్య ప్రదేశ్, మిజోరాం, తమిళనాడు, చంఢీగడ్, సిక్కిం, తెలంగాణ, జమ్మూకశ్మీర్, రాజస్థాన్, బిహార్, ఛత్తీస్‌గఢ్, ఝార్ఘండ్, మేఘాలయ, ఏపీలో బ్యాంకులకు సెలవు ఉంటుంది.

ఆగస్టు 17వ తేదీ ఆదివారం: ఆదివారం సందర్భంగా బ్యాంకులకు దేశ వ్యాప్తంగా సాధారణ సెలవు ఉంటుంది.

ఆగస్టు 19వ తేదీ మంగళవారం: మహారాజా బీర్ బిక్రమ్ కిషోర్ మాణిక్య బహదూర్ జన్మదినం సందర్భంగా త్రిపురలో బ్యాంకులు మూసి ఉంటాయి.

ఆగస్టు 23వ తేదీ శనివారం: నెలలో వచ్చే నాలుగో శనివారం కారణంగా దేశవ్యాప్తంగా బ్యాంకులకు సెలవు

ఆగస్టు 24వ తేదీ ఆదివారం: దేశవ్యాప్తంగా బ్యాంకులకు సాధారణ సెలవు

ఆగస్టు 25వ తేదీ సోమవారం: శ్రీమంత శంకరదేవుని తిరుభావ తిథి కారణంగా అసోంలో బ్యాంకులకు సెలవు

ఆగస్టు 27వ తేదీ బుధవారం: గణేష్ చతుర్థి సందర్భంగా తెలంగాణ, ఆంధ్ర, కర్ణాటక, ఒడిశా, గుజరాత్, తమిళనాడు, గోవా, మహారాష్ట్ర ప్రాంతాల్లో బ్యాంకులకు సెలవు ఉంటుంది.

ఆగస్టు 28వ తేదీ గురువారం: నువాఖై, గణేష్ చతుర్థి సందర్భంగా ఒడిశా, గోవా ప్రాంతాల్లో సెలవు

ఆగస్టు 31వ తేదీ ఆదివారం: దేశవ్యాప్తంగా బ్యాంకులకు సెలవు ఉంటుంది.