బట్టలపై పడ్డ ఇంక్ మరకలు తొలగించే ఇంటి చిట్కాలు

పిల్లల స్కూల్ డ్రెస్‌పై ఇంక్ మరకలు పడటం చాలా సాధారణం. కొన్నిసార్లు జేబులో ఉంచిన పెన్ను లీక్ అవుతుంది. మరి కొన్నిసార్లు ఆడుకునేటప్పుడు, బట్టలపై సిరా వ్యాపిస్తుంది. దీని కారణంగా స్కూల్ డ్రెస్ చెడిపోతుంది. ముఖ్యంగా తెల్లటి బట్టలపై ఉన్న సిరా మరక ఎబ్బెట్టుగా కనిపిస్తుంది. తెల్లటి బట్టలపై ఉన్న సిరా దూరం నుంచి స్పష్టంగా కనిపిస్తుంది. దీంతో, ఆ మరకలు వదిలించడానికి చాలా తిప్పలు పడాల్సి ఉంటుంది.

ఇంట్లో ఉన్న తల్లులు పిల్లల స్కూల్‌ డ్రెస్‌‌పై ఉన్న సిరా మరకల్ని ఎలా తొలగించాలో అని ఆందోళన పడతారు. పిల్లలు కూడా ఇంక్ మరకలు పడ్డ యూనిఫామ్ వేసుకోమంటే మొండి చేస్తారు. ఆ డ్రెస్ వేసుకుంటే స్నేహితులు వెక్కిరిస్తారని ఆసక్తి చూపరు. అయితే, ఇంట్లో దొరికే కొన్ని వస్తువుల సాయంతో స్కూల్ డ్రెస్‌పై పడ్డ ఇంక్ మరకల్ని సులభంగా తొలగించవచ్చు. స్కూల్ డ్రెస్ పాడవ్వకుండా సిరా మరకల్ని ఎలా తొలగించాలో ఇప్పుడు తెలుసుకుందాం.

బేకింగ్ సోడా

స్కూల్ డ్రెస్‌పై ఉన్న సిరా మరకల్ని క్లీన్ చేయడానికి ఇంట్లో ఉన్న బేకింగ్ సోడాను ఉపయోగించవచ్చు. ఇది ప్రభావవంతమైన క్లీనింగ్ ఏజెంట్. ఇది మరకల్ని తొలగించడంలో ప్రభావవంతంగా పనిచేస్తుంది. మరకను శుభ్రం చేయడానికి ముందుగా బేకింగ్ సోడాలో కొంత నీరు కలిపి మందపాటి పేస్ట్ తయారు చేసుకోండి. ఇప్పుడు ఈ పేస్టుని సిరా మరక ఉన్న భాగం అప్లై చేయండి. ఆ తర్వాత 15-20 నిమిషాలు అలాగే ఉంచండి. ఆ తర్వాత తేలికపాటి బ్రష్‌తో మరక ఉన్న ప్రాంతంపై రుద్దండి. ఆ తర్వాత శుభ్రమైన నీటితో క్లీన్ చేయండి. దీంతో, మరక తొలిగిపోతుంది.

నిమ్మరసం, ఉప్పు

మీరు నిమ్మరసం, ఉప్పుతో కూడా బట్టలపై ఉన్న సిరా మరకను సులభంగా శుభ్రం చేయవచ్చు. వాస్తవానికి, నిమ్మకాయలో సహజమైన బ్లీచింగ్ ఏజెంట్ ఉంటుంది. ఇది దానిని సులభంగా శుభ్రపరుస్తుంది. దీని కోసం, మొదట మరక ఉన్న భాగంపై నిమ్మరసం పోయాలి. దానిపై కొద్దిగా ఉప్పు చల్లి వదిలివేయండి. ఇప్పుడు దానిని సాధారణ నీటితో కడగాలి. ఇలా చేయడం వల్ల తెల్ల బట్టలపై పడ్డ ఇంక్ మరక తొలగిపోతుంది.

వైట్ వెనిగర్

తెల్లటి వెనిగర్ సాయంతో తెల్లటి స్కూల్ డ్రెస్ నుంచి సిరాను సులభంగా శుభ్రం చేయవచ్చు. వైట్ వెనిగర్ మంచి స్టెయిన్ రిమూవర్ ఏజెంట్. అంతేకాకుండా రసాయన రహితం అంటే ఏ రసాయనాలు ఉండవు. దీని కోసం, ఒక కప్పు వైట్ వెనిగర్‌లో కొంచెం నీరు కలపండి. ఇప్పుడు దానిలో ఇంక్ పడ్డ డ్రెస్సును కొంత సమయం నానబెట్టి, బ్రష్‌తో మరకను సున్నితంగా రుద్దండి. ఇది ఇంక్ మరకను తొలగించడమే కాకుండా, క్లాత్ దెబ్బతినకుండా కాపాడుతుంది.

టూత్‌పేస్ట్‌తో శుభ్రం చేయండి

బట్టల నుంచి సిరాను తొలగించడంలో టూత్‌పేస్ట్ కూడా చాలా ప్రభావవంతంగా ఉంటుంది. దీని కోసం, మీరు జెల్ లేకుండా తెల్లటి టూత్‌పేస్ట్‌ను కూడా ఉపయోగించవచ్చు. దీని కోసం, సిరా మరకపై టూత్‌పేస్ట్‌ను అప్లై చేసి 15 నిమిషాలు అలాగే ఉంచండి. ఇప్పుడు బ్రష్‌తో మరకను తేలికగా రుద్దండి. ఆ తర్వాత మంచి నీటితో మరకను వాష్ చేయండి.

ఆల్కహాల్ లేదా నెయిల్ పాలిష్ రిమూవర్

ఆల్కహాల్ లేదా నెయిల్ పాలిష్ రిమూవర్ కూడా మరకలను తొలగించడంలో చాలా ప్రభావవంతంగా ఉంటుంది. వీటితో ఇంక్ మరకలను కూడా సులభంగా శుభ్రం చేయవచ్చు. కాటన్ బాల్‌ను ఆల్కహాల్ లేదా నెయిల్ పాలిష్ రిమూవర్‌లో నానబెట్టండి. ఇప్పుడు దానిని మరకపై నొక్కి నెమ్మదిగా సిరాను రిమూవ్ చేయవచ్చు. ఆ తర్వాత నీటితో శుభ్రం చేయవచ్చు.

హ్యాండ్ శానిటైజర్‌

తెల్ల బట్టలపై పడ్డ ఇంక్ మరకల్ని హ్యాండ్ శానిటైజర్‌తో కూడా సులభంగా శుభ్రం చేయవచ్చు. హ్యాండ్ శానిటైజర్‌లో ఉన్న ఆల్కహాల్ సిరాను కరిగించడానికి పనిచేస్తుంది. ఇందుకోసం మరకపై కొద్దిగా హ్యాండ్ శానిటైజర్‌ను అప్లై చేసి కొన్ని నిమిషాలు అలాగే ఉంచండి. ఆ తర్వాత మరకపై తేలికగా బ్రష్ వాడండి. చివరగా మంచి నీటితో బట్టల్ని వాష్ చేసుకోవాలని నిపుణులు చెబుతున్నారు.