ధర రూ.20 మాత్రమే.. 100 షేర్లు కొంటే 50 షేర్లు ఉచితం

 స్మాల్ క్యాప్ కేటగిరి, ట్రేడింగ్ రంగానికి చెందిన చంద్ర ప్రభు ఇంటర్నేషనల్ లిమిటెడ్ కంపెనీ తమ షేర్ హోల్డర్లకు అదిరే శుభవార్త అందించింది. కంపెనీ బోర్డు ఆఫ్ డైరెక్టర్లు ఇటీవలే సమావేశమై బోనస్ షేర్లు జారీ చేసేందుకు ఆమోదం తెలుపారు. ఈ బోనస్ ఇష్యూ రికార్డ్ తేదీలోపు షేర్లు కొన్న వారికి అర్హత లభిస్తుంది. 2 షేర్లు కొన్న వారికి 1 షేరు ఉచితంగా బోనస్ రూపంలో లభిస్తుంది. మరోవైపు ఈ షేర్ గతవారం రోజుల్లో 10 శాతం లాభాన్ని అందించింది. చంద్ర ప్రభు ఇంటర్నేషనల్ లిమిటెడ్ అనేది ఒక పెన్నీ స్టాక్ .

కంపెనీ ఎక్స్చేంజ్ ఫైలింగ్ ప్రకారం.. చంద్ర ప్రభు ఇంటర్నేషనల్ కంపెనీ బోర్డు డైరెక్టర్స్ 1:2 రేషియోలో బోనస్ షేర్లు జారీ చేయడానికి ఆమోదం తెలుపారు. అంట రికార్డు తేదీ నాటికి రూ. 2 ఫేస్ వ్యాల్యూ ఉన్న 2 ఈక్విటీ షేర్లను డీమ్యాట్ అకౌంట్లో కలిగి ఉన్న వారికి రూ. 2 ఫేస్ వ్యాల్యూ ఉండే 1 ఈక్విటీ షేరును బోనస్ రూపంలో ఉచితంగా అందించేందుకు కంపెనీ డైరెక్టర్లు ఆమోదం తెలిపారు. ఈ బోనస్ షేర్ల జారీ రికార్డు తేదీని త్వరలోనే ప్రకటించనున్నట్లు కంపెనీ తెలిపింది. రికార్డు డేట్ లోపు ఎవరైతే షేర్లను తమ డీమ్యాట్ ఖాతాలో కలిగి ఉన్నట్లయితే వారికి ఈ బోనస్ షేర్లు అక్టోబర్ 7వ తేదీన పొందుతారని కంపెనీ తెలిపింది.

క్రితం రోజు స్టాక్ మార్కెట్ ట్రేడింగ్ సెషన్లో చంద్ర ప్రభు ఇంటర్నేషనల్ లిమిటెడ్ షేరు 0.096 శాతం లాభంతో రూ. 20.90 వద్ద ముగిసింది. ఈ షేరు 52 వారాల గరిష్ఠ రేటు రూ. 33.40, కనిష్ఠ ధర రూ. 15.88 వద్ద ఉన్నాయి. గత వారంలో ఈ షేరు ధర 10 శాతం లాభాన్ని అందించింది. గత నెల రోజుల్లో 6 శాతం పెరిగింది. గత ఆరు నెలల్లో 11 శాతం నష్టపోయింది. గత ఏడాదిలో 13 శాతం నష్టపోయింది. గత ఐదేళ్లలో 528 శాతం లాభాన్ని అందించి మల్టీబ్యాగర్ స్టాక్స్‌లో ఒకటిగా నిలిచింది. ప్రస్తుతం ఈ కంపెనీ మార్కెట్ విలువ రూ. 39 కోట్ల వద్ద ఉంది. ఈ కథనం సమాచారం కోసమే. ఎవరినీ పెట్టుబడులు పెట్టాలని ప్రోత్సహించేందుకు కాదు. స్టాక్ మార్కెట్లో హైరిస్క్ ఉంటుంది. సరైన అవగాహన లేకుండా ఇన్వెస్ట్ చేస్తే మొత్తం కోల్పోయే ప్రమాదం ఉంటుంది. నిపుణుల సలహాలు తీసుకుని ఇన్వెస్ట్ చేయాలి.