ఫిజికల్ సిమ్ వర్సెస్ ఇ-సిమ్.. రెండింటి మధ్య తేడా ఏంటి.. ఏది సురక్షితం

మొబైల్ వినియోగించాలంటే ఏదైనా టెలికాం నెట్‌వర్క్‌ సిమ్ కార్డు తీసుకోవాలి. యాక్టివ్ సిమ్ కార్డు ఉంటేనే ఫోన్ కాల్స్ చేసుకోవచ్చు. ఇంటర్నెట్ సౌకర్యం పొందవచ్చు. అదే మనకు జారీ అయిన సిమ్ కార్డు సైబర్ నేరగాళ్ల చేతిలో పడితో జీవితమే మారిపోవచ్చు. మన చుట్టూ జరిగే చాలా ఆన్‌లైన్ మోసాలు సిమ్ కార్డులతోనే లింక్ అయి ఉంటాయి. చూసేందుకు చిన్నగా ఉన్నా మోసగాళ్ల చేతిలో పడితే కొందరి తలరాతలే మారిపోతుంటాయి. కాబట్టి సిమ్ కార్డుల వినియోగంలో అప్రమత్తత అవసరం. ప్రస్తుతం ఫిజికల్ సిమ్ కార్డులతో పాటుగా ఇ-సిమ్ కార్డులూ అందుబాటులో ఉన్నాయి. మరి ఈ భౌతిక సిమ్ కార్డుకు, ఇ-సిమ్ కార్డుకు తేడా ఏంటి? భద్రతా విషయంలో రెండింటిలో ఏది సురక్షితం.

సబ్‌స్క్రైబర్ ఐడెంటిటీ మాడ్యుల్ సిమ్ కార్డుగా పిలుస్తాం. ఫోన్‌లో ఒకరితో సంభాషించేందుకు చిప్‌తో కూడిన ప్లాస్టిక్ కార్డు ఉండాలి. దీంట్లోనే నెట్‌వర్క్‌ ఉపయోగించేందుకు క్రెడిన్షియల్స్‌తో పాటు వ్యక్తుల వివరలూ అందులో ఉంటాయి. ఫీచర్ ఫోన్ నుంచి ఖరీదైన ఫోన్ల వరకు ఎందులోనైనా సిమ్ కార్డు ఉండాల్సిందే. అయితే, ప్రస్తుతం యాపిల్, గూగుల్ పిక్సెల్ వంటి కొన్ని ప్రీమియం ఫోన్లలో ఇ-సిమ్ సదుపాయం సైతం వస్తోంది. వీటిల్లో సిమ్ కార్డును వేయాల్సిన పని లేదు. ఫిజికల్ సిమ్ కార్డుకు డిజిటల్ వెర్షన్. దీన్ని స్మార్ట్ ఫోన్‌తో పాటు స్మార్ట్ వాచ్‌ల వంటి వాటిల్లోనూ ఉపయోగించవచ్చు.

 ఫిజికల్ సిమ్ కార్డును ఎప్పుడు కావాలంటే అప్పుడు వేరే ఫోన్‌లో వేసుకుని వాడుకోవచ్చు. అయితే, ఇ-సిమ్ కార్డులో అలా సాధ్యం కాదు. కానీ, ఎక్కువ సిమ్ కార్డులు వాడే వారు, తరుచూ విదేశాలకు వెళ్లే వారుక నెట్ వర్క్ మారేందుకు ఇ-సిమ్ కార్డు సులువు. ప్రతి సారీ సిమ్ కార్డు మార్చాల్సిన అవసరం ఉండదు. ఇ-వేస్టేజ్ తగ్గిపోతుంది. భౌతిక సిమ్ కార్డులను ఎవరైనా చోరీ చేయవచ్చు. లేదా పొగొట్టుకోవచ్చు. వీటిని ఈజీగా క్లోన్ చేయవచ్చు. సిమ్ స్వాప్ ద్వారానే చాలా వరకు సైబర్ మోసాలు జరుగుతాయి.

కానీ, ఇ-సిమ్ కార్డు విషయానికి వస్తే సింపుల్‌గా మార్చడం కుదరదు. మల్టీ ఫ్యాక్టర్ అథెంటికేషన్ ఉంటుంది. దీనిని హ్యాక్ చేయడం ఈజీ కాదని చెప్పాలి. భద్రతాపరంగా ఇ-సిమ్ కార్డులు మెరుగైనవిగా చెప్పవచ్చు. అయితే, పూర్తిగా సేఫ్ అని చెప్పలేం. ఇ-సిమ్ కార్డులు సాఫ్ట్‌వేర్, క్లౌడ్ సిస్టమ్ ఆధారంగా పని చేస్తాయి. మీ ఇ-మెయిల్ లేదా టెలికాం సంస్థ ఖాతా హ్యాక్ అయితే ఇ-సిమ్ కార్డులను ఇతర డివైజుల్లో వాడుకోవచ్చు. అకౌంట్ హ్యాక్ చేయకుండా పాస్ వర్డ్, 2 ఫ్యాక్టర్ అథంటికేషన్ తప్పనిసరిగా ఉంటుంది.