ఐబ్రోస్ తెల్లగా మారి ఇబ్బందిగా కనిపిస్తున్నాయా,,,ఇలా నల్లగా మార్చేసుకోండి

​ఐబ్రోస్ అనేవి ముఖంలో చాలా మార్పుని తీసుకొస్తాయి. మన ఫేస్‌ని అట్రాక్టివ్‌గా చేస్తాయి. అందుకే, సరైన ఐబ్రోస్ షేప్ కోసం వందలు, వేలైనా ఖర్చుపెడుతున్నారు. ఇది సరే. కానీ, చాలా మందికి చిన్న వయసులోనే జుట్టు నెరసినట్టుగా ఐబ్రోస్ కూడా తెల్లగా మారుతున్నాయి. దీనికి కారణాలు వయసు పెరగడం, పోషకాహార లోపం, కొన్ని రకాల వైద్య పరిస్థితులు, జన్యుపరమైన కారణాలు. ఇలాంటి కారణాల వల్లే ఐబ్రోస్ కూడా మొత్తం తెల్లగా మారుతున్నాయి. వీటికి చెక్ పెట్టేందుకు బయట మార్కెట్లో కొన్ని ప్రోడక్ట్స్ దొరుకుతున్నాయి. కానీ, ఇవన్నీ కూడా కెమికల్‌తో తయారైనవి. అలా కాకుండా నేచురల్‌గానే ఐబ్రోస్ తెల్లగా మారేందుకు ఇంట్లోని పదార్థాలను ఎలా వాడొచ్చో తెలుసుకోండి.

చార్‌కోల్ పౌడర్

చార్‌కోల్ పౌడర్ మనకి ఆన్‌లైన్ మార్కెట్లో ఈజీగా దొరుకుతుంది. అందానికి సంబంధించిన చాలా సమస్యల్ని దూరం చేయడంలో ఈ చార్‌కోల్ పౌడర్ బాగానే పనిచేస్తుంది. దీని కోసం ముందుగా అలోవెరా జెల్‌లో కొద్దిగా కోకోవా పౌడర్, విటమిన్ ఈ ఆయిల్ వేసి బాగా కలపాలి. ఈ పదార్థం మొత్తాన్ని బాగా కలిపి ఐబ్రోస్‌పై రాయండి. దీనిని 20 నిమిషాల పాటు అలానే ఉంచండి. ఆరిన తర్వాత మెల్లిగా క్లీన్ చేయండి. దీని వల్ల తెల్లని ఐబ్రోస్ కాస్తా నల్లగా కనిపిస్తాయి. ఇప్పుడు చెప్పేవన్నీ ఇంట్లోని పదార్థాలతోనే చేసినవి కాబట్టి ఎలాంటి సైడ్ ఎఫెక్ట్స్ ఉండవు.

ఉసిరి

​ఉసిరి జుట్టు ఆరోగ్యానికి, పెరుగుదలకి ఎంత మంచిదో ప్రత్యేకంగా చెప్పాల్సిన అవసరం లేదు. దీనిని వాడి మీరు ఐబ్రోస్‌ని నల్లగా మార్చుకోవచ్చు. ఓ గిన్నెలో ఓ స్పూన్ పరిమాణంలో ఉసిరిపొడిని తీసుకోండి. దానిని బాదం నూనెతో కలిపి పేస్టులా చేయండి. ఇలా తయారైన పేస్టుని కనుబొమ్మలపై రాసి కాసేపు వెయిట్ చేయండి. కొన్ని రోజుల తర్వాత శుభ్రమైన నీటితో క్లీన్ చేసుకోండి. రెగ్యులర్‌గా ఇలా చేస్తే త్వరలోనే మీ ఐబ్రోస్ నల్లగా మారతాయి.

కాఫీ పొడి

కాఫీ మరో అద్బుతమైన పదార్థం. ఐబ్రోస్ హెయిర్‌ని నల్లగా మార్చడంలో కాఫీ పౌడర్ హెల్ప్ చేస్తుంది. కాఫీ పౌడర్‌ని గోరువెచ్చని నీటిలో కలిపి చిక్కని పేస్టులా చేయాలి. దీనిని కనుబొమ్మలపై అప్లై చేసి 15 నిమిషాల తర్వాత క్లీన్ చేయండి. రెగ్యులర్‌గా చేస్తే సమస్య ఉండదు.

ఐషాడో, ఆముదంతో

ఆముదం కూడా అందాన్ని పెంచడంలో మరో ముఖ్య పదార్థం. దీనిని వాడడం వల్ల ఐబ్రోస్, ఐలాషెస్ ఒత్తుగా పెరుగుతాయి. ఇందులోని ఆముదం కనుబొమ్మల్ని బలంగా చేస్తాయి. నల్లగా కనిపించే ఓ ఐ షాడోని తీసుకోవాలి. అందులో కొద్దిగా ఆుదం కలపండి. మంచి క్రీమీ టెక్చర్ వచ్చేవరకూ కలపండి. దీనిని ఇయర్ బడ్, లేదా స్పూలీని వాడి ఐబ్రోస్‌పై రాయండి. దీనిని కాసేపు అలానే ఉంచండి. లేదంటే రాత్రంతా అలానే ఉంచండి. మెత్తని వస్త్రంతో దీనిని క్లీన్ చేసుకోండి.