జుట్టు పొడుగ్గా కనిపించాలని తడిజుట్టుపైనే స్ట్రైటనర్ వాడుతున్నారా

జుట్టుని స్టైలింగ్ చేయడం చాలా మందికి ఇష్టం. అందులో స్ట్రెయిట్‌గా ఉంటే పొడుగ్గా జుట్టు కనిపిస్తుందని చాలా మంది స్ట్రెయిటనర్ వాడతారు. అయితే, దీనిని తడిజుట్టుపై వాడితే చాలా సమస్యలొస్తాయని చెబుతున్నారు హెయిర్ ఆర్టిస్ట్ అమిత్ ఠాకూర్.

జుట్టు పొడుగ్గా కనిపించాలని తడిజుట్టుపైనే స్ట్రైటనర్ వాడుతున్నారా, కొన్ని సమస్యలు తప్పవు, మరేం చేయాలంటే

ఏదైనా ఫంక్షన్ అయినా, పార్టీకైనా వెళ్లినప్పుడు హెయిర్ స్టైల్ కీ రోల్ పోషిస్తుంది.ప్రతీసారి ఒకే హెయిర్‌స్టైల్ అంటే బోర్ కొడుతుంది. అందుకే, రకరకాల హెయిర్ స్టైల్స్‌ని ట్రై చేస్తుంటారు నేటితరం అమ్మాయిలు. అందుకోసం ముందుగా జుట్టుని స్ట్రెయిట్‌ చేస్తారు. స్ట్రైయిట్ చేసినప్పుడు జుట్టు పొడుగ్గా కనిపిస్తుంది. దీంతో చాలా మంది అలానే స్టైల్ చేసి పార్టీ, ఫంక్షన్స్‌కి అటెండ్ అవుతారు. అయితే, ఇలా కనిపించేందుకు చాలా మంది స్ట్రెయిటనర్ వాడతారు. కానీ, దీనిని ప్రతీ ఒక్కరూ సరైన విధంగా వాడాలి. లేదంటే చాలా సమస్యలొస్తాయని చెబుతున్నారు హెయిర్ స్టైలిస్ట్ అమిత్ ఠాకూర్. ఇతను నీతా అంబానీ, ఆలియా భట్, కత్రినా కైఫ్ వంటి సెలబ్రిటీలకు హెయిర్ స్టైల్ చేసి తన వీడియోలను ఇన్‌స్టాలో షేర్ చేస్తారు. ఆయను చెప్పిన దాని ప్రకారం, రెగ్యులర్‌గా హెయిర్ స్ట్రెయిటనింగ్ చేసేవారు ఎలాంటి జాగ్రత్తలు తీసుకోవాలో తెలుసుకోండి.

బబుల్ హెయిర్ ఎఫెక్ట్

తడిజుట్టుపై స్ట్రైటనర్ వాడడం అస్సలు మంచిది కాదు. అలా చేస్తే జుట్టు లోపల ఉన్న నీరు బయటికి వెళ్లే దారిలేక జుట్టు లోపలే చిన్న రంధ్రాలను ఫామ్ చేస్తుంది. దీన్నే మనం బబుల్ హెయిర్ ఎఫెక్ట్ అంటారని ఠాకూర్ చెబుతున్నారు. దీని వల్ల జుట్టుపైనే మాత్రం కాదు, జుట్టు లోపల ఉండే ప్రోటీన్ నాశనం చేస్తుంది. దీంతో జుట్టు బలహీనమై రాలుతుంది.డ్రైగా మారుతుంది.

ఆరిన తర్వాత

తడిజుట్టుపై ఎప్పుడు కూడా జుట్టుపై స్ట్రెయిటనర్ వాడొద్దు. పూర్తిగా ఆరాకే జుట్టుపై స్ట్రెయిటనర్ వాడాలి. అప్పుడే ఎలాంటి సమస్యలు ఉండవు. జుట్టు రాలడం, బ్రేకేజ్ జరగదు. అది కూడా సహజంగానే ఆరబెట్టుకోవడం చాలా మంచిది.

హీట్ ప్రొటక్షన్

అలానే జుట్టుని హెయిర్ స్ట్రెయిటనింగ్ చేసే ముందు హీట్ ప్రొటెక్షన్ ప్రోడక్ట్స్ వాడడం మంచిది. సరైన కేర్ తీసుకుంటే మీరు జుట్టుని స్ట్రెయిట్‌గా మార్చడమే కాకుండా సహజంగానే బలంగా ఉంచుకోవచ్చని చెబుతున్నారు అమిత్ ఠాకూర్. అంతే కాకుండా జుట్టు డ్యామేజ్ కాకుండా, రాలకుండా చేస్తుంది.