ప్రతిరోజూ పళ్లు తోమకముందు ఈ ఒక్క అల్మండ్‌ తినండి… కొలెస్ట్రాల్‌ కంట్రోల్‌ బాగుంటుంది!

*కొలెస్ట్రాల్ ఎక్కువగా ఉందని బాధపడుతున్నారా?
అయితే ఉదయం పళ్లు తోముకునే ముందు కొన్ని నానబెట్టిన బాదంపప్పులు తినే అలవాటు వేసుకోండి. ఇది మీ ఆరోగ్యాన్ని మెరుగుపరిచే సాధారణమైన, కానీ ప్రభావవంతమైన మార్గం. బాదం ఆరోగ్యానికి మంచిదని చాలామందికి తెలిసిన విషయం. అయితే, వాటిని సరైన సమయంలో, సరైన విధంగా తీసుకుంటేనే పూర్తి లాభాలు పొందవచ్చు. పోషకాహార నిపుణులూ ఇదే అభిప్రాయాన్ని వ్యక్తం చేస్తున్నారు. ఉదయాన్నే ఖాళీ కడుపుతో నానబెట్టిన బాదం తినడం వల్ల అందులోని పోషకాలు శరీరానికి వేగంగా శోషితమవుతాయి.
*బాదం పప్పులను నానబెట్టి తినడం ఎందుకు అవసరం?
ఉదయం పళ్లు తోమకముందు నోటిలో ఉండే సహజమైన మంచి బ్యాక్టీరియా, నానబెట్టిన బాదం జీర్ణానికి సహాయపడతాయి. దీని ద్వారా బాదంలో ఉండే పోషకాలు శరీరానికి సమర్ధవంతంగా అందుతాయి. నిపుణుల సూచన ప్రకారం, రోజుకు సుమారు 20–30 గ్రాముల బాదం తినడం శ్రేయస్కరం.కొలెస్ట్రాల్ మరియు గుండె ఆరోగ్యంపై బాదం ప్రభావం బాదం పప్పుల్లో ఫైబర్, ప్రోటీన్, విటమిన్ E, మెగ్నీషియం వంటి ముఖ్యమైన పోషకాలు ఉంటాయి. ఇవి గుండె, మెదడు, కండరాల ఆరోగ్యాన్ని కాపాడడంలో సహాయపడతాయి. ముఖ్యంగా, బాదాల్లో ఉండే ఆరోగ్యకరమైన కొవ్వులు చెడు కొలెస్ట్రాల్ (LDL) స్థాయిని తగ్గించడంలో కీలక పాత్ర పోషిస్తాయి. ఫలితంగా గుండె సంబంధిత వ్యాధుల ప్రమాదం తగ్గుతుంది.బాదం పప్పుల్లో ఉండే మెగ్నీషియం రక్తపోటును నియంత్రించడంలో సహాయకారిగా పనిచేస్తుంది. అధిక బీపీ గుండెపోటుకు ప్రధాన కారణం కనుక, ప్రతిరోజూ బాదం తినడం వల్ల రక్తపోటు అదుపులో ఉంటుంది. అంతేకాక, బాదం బరువు తగ్గడంలో మరియు మధుమేహాన్ని నియంత్రించడంలో కూడా ఉపయోగపడుతుంది. ఇందులోని ప్రొటీన్, ఫైబర్ కడుపు నిండుగా ఉండేలా చేసి, తరచూ ఆకలి వేయకుండా చేస్తాయి. దీని వలన అధికంగా తినకుండా, బరువును నియంత్రించుకోవచ్చు.అలాగే, బాదం ఫైబర్ మోతాదుతో చక్కెర స్థాయిలను నిలకడగా ఉంచుతుంది. ఇది మధుమేహాన్ని నియంత్రించడంలో సహాయకారి. బాదాల్లో ఉండే యాంటీ ఆక్సిడెంట్లు శరీర కణాలను హాని నుంచి రక్షించడంతో పాటు, దీర్ఘకాలిక వ్యాధుల అవకాశాలను తగ్గిస్తాయి. అదికాక, చర్మం మరియు జుట్టు ఆరోగ్యాన్ని కూడా మెరుగుపరుస్తాయి.