ఈ ఫుడ్స్‌ తీసుకొంటే మీ బ్లడ్ ప్రెజర్ కంట్రోల్ అవుతుంది

హైపర్ టెన్షన్ కారణంగా రక్తనాళాల గోడలపై రక్తం నెట్టే శక్తి ఎక్కువగా ఉంటుంది. దీని కారణంగానే గుండె సమస్యలు, స్ట్రోక్, కిడ్నీ సమస్యలు వస్తాయి. ఈ ఒక్క ప్రాబ్లమ్ వల్ల ప్రాణాలకే ప్రమాదం. దీనిని నేచురల్‌గా తగ్గించుకోవాలంటే సరైన డైట్, ఎక్సర్‌సైజ్‌తో పాటు మెడిసిన్ తీసుకోవడంతో పాటు కొన్ని ఫుడ్స్ కూడా హెల్ప్ చేస్తాయని చెబుతున్నారు డాక్టర్ సౌరబ్ సేథి. అధిక రక్తపోటుని తగ్గించేందుకు నేచురల్‌గానే ఈ ఫుడ్స్ హెల్ప్ చేస్తాయని రెగ్యులర్‌గా తీసుకోవడం మంచిదని సూచిస్తున్నారు.

అల్లం

అల్లం మనం రోజూ వాడే పదార్థం. ఇందులోని కాల్షియం ఛానల్ బ్లాకర్‌గా పనిచేస్తుంది. ఇది రక్తనాళాలను సడలించడానికి, రక్తపోటుని తగ్గించేందుకు హెల్ప్ చేస్తుంది. రక్తపోటుని తగ్గించడం ద్వారా గుండె ఆరోగ్యం కూడా మెరుగ్గా మారుతుంది. దీనిని మీరు టీలు, ఫ్రైస్, కూరల్లో కూడా వాడొచ్చు. స్మూతీల్లో కలిపి కూడా తీసుకోవచ్చు. దీనిని మితంగా తీసుకోవడం మంచిది. లేదంటే జీర్ణ సమస్యలు వచ్చే అవకాశముంది.

దానిమ్మపండ్లు

​దానిమ్మ పండ్లలో యాంటీ ఆక్సిడెంట్స్ పుష్కలంగా ఉంటాయి. ముఖ్యంగా, పాలీఫెనాల్స్. ఇవి యాంజియోటెన్సిన్ కన్వర్టింగ్ ఎంజైమ్ లెవల్స్‌ని కంట్రోల్ చేయడం వల్ల రక్తపోటు తగ్గుతుందని అధ్యయనంలో తేలింది. దానిమ్మరసం తీసుకుంటే హై బ్లడ్ ప్రెజర్ తగ్గుతుంది. ఇందులోని గుణాలు గుండె ఆరోగ్యాన్ని కాపాడడతాయి. ముఖ్యంగా, దానిమ్మరసాన్ని తీసుకుంటే సిస్టోలిక్, డయాస్టొలిక్ రెండూ ఎఫెక్ట్ అవుతాయి.

బీట్‌రూట్

​బీట్‌రూట్ కూడా మరో బెస్ట్ ఫుడ్ అని చెప్పొచ్చు. ఇందులో ఆర్గానిక్ నైట్రేట్స్‌ని బాడీ నైట్రిక్ ఆక్సైడ్‌గా మారుస్తాయి. ఇవి రక్తనాళాలను విస్తరించి రక్తప్రవాహాన్ని మెరుగ్గాచేస్తాయి. బీట్‌రూట్‌ని నేరుగానే తినొచ్చు. లేదా సలాడ్, జ్యూస్, స్మూతీల్లో తీసుకోవచ్చు. రుచిగా తీసుకోవాలనుకుంటే బీట్‌రూట్ పౌడర్ కూడా బెస్ట్ ఆప్షన్.

అరటిపండ్లు

అరటిపండ్లు అందరికీ అందుబాటులో ఉండే ఈ పండ్లలో పొటాషియం, మినరల్స్ ఉంటాయి. వీటి వల్ల బ్లడ్ ప్రెజర్ రెగ్యులేట్ అవుతుందని చెబుతున్నారు. పొటాషియం కారణంగా బాడీలోని అధిక సోడియం కిడ్నీల ద్వారా బయటికి వెళ్తుంది. బీపి తగ్గేందుకు ఇది హెల్ప్ చేస్తుంది. దీనికోసం అరటిపండ్లని నేరుగా తినొచ్చు. లేదా ఓట్స్, స్మూతీస్ ఇలా ఎలా అయినా తీసుకోవచ్చు.

డార్క్ చాక్లెట్

ఈ పేరు వినగానే చాలా మందికి క్రేవింగ్స్ వస్తుంటాయి. డార్క్ చాక్లెట్ కాస్తా చేదుగా ఉన్నా చాలా మంది ఇష్టంగా తింటారు. ఇందులో మెగ్నీషియం, ఫ్లేవనాల్స్ ఎక్కువగా ఉంటాయి. ఇవి రక్తనాళాలని నైట్రిక్ ఆక్సైడ్‌ని ఉత్పత్తిని పెంచి బీపిని కంట్రోల్ చేస్తాయి. డార్క్ చాక్లెట్స్ వంటి ఫ్లేవనాల్స్ ఎక్కువగా ఉండే కోకో ప్రోడక్ట్స్ బీపిని కంట్రోల్ చేస్తాయని, కనీసం 70 శాతం కోకో కంటెంట్ ఉన్న డార్క్ చాక్లెట్‌ని తీసుకోవాలి. అయితే, అధిక మొత్తంలో మాత్రం తీసుకోవద్దు.