భృంగారాజ్ రాస్తే జుట్టు రాలడం తగ్గి అమాంతం పెరుగుతుంది

జుట్టు రాలడాన్ని తగ్గించి జుట్టుని పెరిగేలా చేసేందుకు చాలా మంది రకరకాల మూలికలు, ఔషధాలను వాడతారు. ఇవి చాలా వరకూ రిజల్ట్‌ని ఇస్తాయి. అందులో ఒకటే భృంగరాజ్. నిజం చెప్పాలంటే దీనిని మూలికల రాజు అని కూడా అంటారు. దీనిని అప్లై చేయడం వల్ల చాలా వరకూ జుట్టు చక్కగా పెరుగడమే కాకుండా ఒత్తుగా మారుతుంది. అయితే, అది భృంగరాజ్‌ని సరిగ్గా వాడినప్పుడు మాత్రమే. అందుకోసం ఆయుర్వేద ఎక్స్‌పర్ట్ డాక్టర్ మనీషా మిశ్రా ఓ వీడియోని ఇన్‌స్టాగ్రామ్‌లో షేర్ చేశారు. ఇందులో భృంగరాజ్‌ని ఎలా వాడాలో తెలుసుకోండి.

భృంగరాజ్ ఆయిల్

భృంగరాజ్ ఆయిల్‌ని వారానికి 2 నుంచి 3 సార్లు తలకి అప్లై చేయాలి. 30 నిమిషాల నుండి 40 నిమిషాల పాటు ఉండాలి. లేదంటే పగటిపూట అప్లై చేయాలి. దీనిని రాత్రంతా అలానే ఉంచి మరుసటి రోజు మైల్డ్ షాంపూతో తలస్నానం చేయాలి. రెగ్యులర్‌గా చేస్తే మీకే తేడా తెలుస్తుంది.

భృంగరాజ్ ఆయిల్ ఎలా తయారుచేయాలి?

ముందుగా భృంగరాజ్ ఆకుల్ని బాగా కడిగి చిన్న ముక్కలుగా కడగాలి. తర్వాత ఎండలో ఎండబెట్టి పొడి చేయండి.

ఓ మందంగా ఉండే గిన్నెలో నూనె పోయాలి. మీకు నచ్చిన నూనె పోయాలి. దానిని తక్కువ మంటపై వేడి చేయండి.

నూనె వేడయ్యాక భృంగరాజ్ ఆకులు లేదా పొడిని వేసి 20 నుంచి 30 నిమిషాల పాటు మరిగించండి.

కాస్తా మరిగిన తర్వాత చల్లారనిచ్చి వడపోసి ఓ కంటెయినర్‌లో పోసి స్టోర్ చేయండి.

అంతే జుట్టు సమస్యల్ని దూరం చేసి పొడుగ్గా చేసే ఆయిల్ రెడీ అయినట్లే.

హెయిర్ మాస్క్

భృంగరాజ్‌ని మిక్సీ పట్టి రసం తీసుకోవాలి. దీనిని తలకి మాస్క్‌లా అప్లై చేయాలి. దీనిని జుట్టుకి అప్లై చేశాక 15 నుంచి 20 నిమిషాల పాటు ఉంచండి. తర్వాత క్లీన్ చేయండి. షాంపూ చేయొద్దు. ఒకవేళ చేయాలనుకున్నా మైల్డ్ షాంపూ వాడండి.

హెయిర్ మాస్క్

దీనికోసం భృంగరాజ్ ఆకుల్ని పొడిలా చేయాలి. 5 టీ స్పూన్ల పెరుగులో 3 టీ స్పూన్ల భృంగరాజ్‌ పొడిని కలపాలి. దీనిని జుట్టు కుదుళ్ళకి చివర్లకి అప్లై చేయాలి. అరగంట నుంచి 45 నిమిషాల పాటు ఉంచాలి. తర్వాత దీనిని క్లీన్ చేసుకోండి.

బెనిఫిట్స్

భృంగరాజ్‌ని వాడడం వల్ల జుట్టు బలంగా మారుతుంది.

భృంగరాజ్‌లో ఫ్లేవనాయిడ్స్ పుష్కలంగా ఉన్నాయి. వీటితో పాటు ఫైటో స్టెరాల్స్ ఉన్నాయి.

ఇవి రక్తప్రసరణని పెంచి జుట్టు కుదుళ్ళని బలంగా చేస్తాయి.

ఇందులోని యాంటీ ఆక్సిడెంట్స్ గ్రే హెయిర్ సమస్యని తగ్గిస్తాయి.

ఇన్ని లాభాలు ఉన్న భృంగరాజ్‌ని రెగ్యులర్‌గా వాడితే జుట్టు సమస్యలన్నీ తగ్గి చక్కగా పెరుగుతుంది.