డిచే ముందు ఇష్టమొచ్చినట్లుగా తింటే అసలే రిజల్ట్ ఉండదు

బరువు తగ్గించుకోవడానికి చాలా మంది వాకింగ్‌ని సెలక్ట్ చేసుకుంటారు. ఎందుకంటే ఇది ఇంట్లోనే ఏ టైమ్‌లో అయినా చేసే వర్కౌట్. ముఖ్యంగా, చాలా మంది ఉదయాన్నే నడవడం ఇష్టపడతారు. ఉదయాన్నే ఏదైనా వర్కౌట్ చేయాలని మార్నింగ్ వాకింగ్‌ని ప్రిఫర్ చేస్తారు. అయితే, అలాంటివారు తిని నడిస్తే రిజల్ట్ ఉంటుందా, తినాల్సి వస్తే ఏం తినాలి ఇలాంటి సందేహాలన్నీ ఉంటాయి. అలాంటి వారు ఇప్పుడు చెప్పినట్లుగా ఫుడ్ తీసుకుని నడిస్తే మంచి రిజల్ట్ ఉంటాయి. అవి ఏంటంటే

తినకుండా వద్దు

మార్నింగ్ వాకింగ్ వెళ్లేటప్పుడు ఏమైనా తినే వెళ్లాలి. రాత్రంతా ఏం తినకుండా ఉంటారు. కాబట్టి, మీలో ఎలాంటి ఎనర్జీ ఉండదు. దీంతో సరిగ్గా నడవలేరు. అలాంటప్పుడు మరీ బ్రేక్‌ఫాస్ట్ లాంటి హెవీ ఫుడ్ కాకుండా ఏదైనా కొద్దిగా పోషకాహారం తీసుకోవాలి. దీని వల్ల ఎనర్జీగా నడుస్తారు. దీనికోసం అరటిపండు, లేదా మరేదైనా పండు, గుప్పెడు నట్స్, సీడ్స్, ఓ కప్పు పాలు, వేరే ఇతర ఫుడ్స్ తీసుకోవాలి. దీంతో ఎక్కువగా ఎనర్జీగా నడవగలుగుతారు. మొత్తానికీ ఏదైనా తక్కువ క్వాటిటీలో ఫుడ్ తీసుకోవాలి.

మినీ మీల్స్

తిని నడిస్తేనే ఎక్కువసేపు నడవగలుగుతారు. కాబట్టి, తినడం మంచిది. అలా అని ఎక్కువగా తినకూడదు. ప్రోటీన్, కార్బోహైడ్రేట్స్ కాంబినేషన్ ఫుడ్ తీసుకోవాలి. అయితే, అందరి బాడీ ఒకేలా ఉండదు. పక్కవారికి సూట్ అయ్యే ఫుడ్ మనకి సూట్ అవ్వాలని లేదు. కాబట్టి, మీరు ఏది తింటే ఎనర్జీ, యాక్టివ్‌గా నడవగలుగుతున్నారో చూసి ఆ ఫుడ్ తీసుకోండి.

హైడ్రేషన్ కోసం

అదే విధంగా, నడిచే ముందు నీరు తాగడం, ఇతర డ్రింక్స్ తీసుకోవాలి. దీని వల్ల హైడ్రేట్‌గా ఉంటారు. సాధారణంగా నడిచేటప్పుడు చెమట పడుతుంది. దీంతో బాడీ డీహైడ్రేట్ అవుతుంది. అలా కాకుండా, ఉండాలంటే నీరు తాగడం మంచిది.

కార్బ్స్  బేస్డ్ స్నాక్స్

వర్కౌట్‌కి ముందు తినడానికి, ఈజీగా డైజెస్ట్ అయ్యే ఫుడ్ తీసుకోవాలి. కనీసం గంట, గంటన్నర ముందు వీటిని తీసుకోవచ్చు. దీనికోసం సగం అరటిపండు కొద్దిగా నట్ బటర్, నట్స్, బ్రెడ్ లో ఫ్యాట్ చీజ్, నట్ బటర్ మఫిన్స్, గ్రీక్ యోగర్ట్ వంటివి ఏవైనా తీసుకోవాలి. షుగర్ ఉన్నవారు ఎక్కువగా పంచదార ఉన్న ఫుడ్స్ తీసుకోవద్దు.

హెవీ మీల్స్ వద్దు

అదే విధంగా, వాకింగ్ చేసే ముందు హెవీ మీల్స్ అస్సలే చేయొద్దు. తిన్న తర్వాత చేద్దామని ఫుడ్ తీసుకుంటే కనీసం నాలుగు గంటలైనా ఆగి ఆ తర్వాత వాకింగ్ చేయాలి. లేదంటే మెల్లిగా నడవాలి. దీని వల్ల ీర్ణ సమస్యలు రావు. మీ బాడీ ఫ్యాట్స్, ప్రోటీన్స్‌ని జీర్న చేసుకోవడానికి సమయం తీసుకుంటుంది. కాబట్టి, కొద్దిపరిమాణంలో తినడం, ఎక్కువగా తిన్న వెంటనే నడవకపోవడం మంచిది. కాబట్టి, హెవీ మీల్స్‌ని అవాయిడ్ చేయండి. మొత్తంగా మెరుగైన రిజల్ట్స్ కోసం ఎక్కువగా తిని నడవొద్దు. ఇలాంటి కొన్ని జాగ్రత్తలు ఫాలో అయితేనే నడిచినప్పుడు రిజల్ట్ ఉంటుంది.