బీర్ తాగే ప్రతి ఒక్కరూ తెలుసుకోవాల్సిన ఆరోగ్య భయాలు!

వీకెండ్ వచ్చిందంటే చాలా మంది స్నేహితులతో కలిసి బీర్ తాగడం ఓ అలవాటుగా మారింది. "సోషల్ డ్రింకింగ్" పేరిట యూత్‌లో బీర్‌కి డిమాండ్ బాగా పెరిగిపోయింది. కానీ నిపుణులు హెచ్చరిస్తున్న దాని ప్రకారం, తరచుగా బీర్ తీసుకోవడం ఆరోగ్యానికి గట్టిప్రతికూల ప్రభావాలు చూపుతుంది. కొన్ని క్షణాల రిలాక్సేషన్ కోసం తాగే ఈ పానీయం, దీర్ఘకాలికంగా శరీరానికి హానికరంగా మారుతుంది.
*లివర్‌కు ప్రమాదం : బీర్‌లో ఉండే ఆల్కహాల్ అధికంగా సేవించటం వల్ల లివర్‌లో కొవ్వు పేరుకుపోతుంది. దీని వల్ల ఫ్యాటీ లివర్, సిర్రోసిస్, ఆల్కహాలిక్ హెపటైటిస్‌ వంటి వ్యాధులు కలిగే అవకాశముంది. అంతేకాక, డీహైడ్రేషన్ కారణంగా తలనొప్పి, శరీర అలసట, కళ్ల తిరగడం వంటి సమస్యలు కూడా తలెత్తుతాయి. అలాగే గ్యాస్ట్రిక్ సమస్యలు, ఎసిడిటీ పెరిగే అవకాశమూ ఉంటుంది.
*బెల్లీ ఫ్యాట్ పెరుగుతుంది:బీర్‌లో ఉండే అధిక క్యాలొరీలు, కార్బోహైడ్రేట్లు శరీరంలో కొవ్వుగా మారి పొట్ట చుట్టూ పేరుకుపోతాయి. దీన్ని "బీర్ బెల్లీ" అంటారు. దీనివల్ల బరువు పెరగడం సహా మధుమేహం, హార్ట్ డిసీజెస్ వంటి అనారోగ్య సమస్యలు రావచ్చు.
*హార్మోన్ల అసమతుల్యత :బీర్ ఎక్కువగా తీసుకుంటే హార్మోన్ల సమతుల్యత దెబ్బతింటుంది. ముఖ్యంగా మహిళల్లో ఈస్ట్రోజన్ స్థాయిలు పెరిగి పీరియడ్స్ సమస్యలు, మూడ్ స్వింగ్స్ వంటి ఇబ్బందులు ఎదురవుతాయి. 35 ఏళ్లు దాటిన తర్వాత బోన్ డెన్సిటీ తగ్గే అవకాశమూ ఉంది.
*పురుషులపై ప్రతికూల ప్రభావం : బీర్ తాగడం వల్ల పురుషుల్లో టెస్టోస్టెరాన్ స్థాయి తగ్గిపోతుంది, ఈస్ట్రోజన్ పెరుగుతుంది. ఫలితంగా శారీరక శక్తి, సామర్థ్యం తగ్గి, లైంగిక ఆరోగ్యంపై ప్రతికూల ప్రభావం పడుతుంది.
*మానసిక ఆరోగ్యంపై ప్రభావం:అల్కహాల్ అధికంగా తీసుకుంటే మెదడుపై ప్రభావం పడుతుంది. మెమొరీ లోపాలు, కాగ్నిటివ్ సమస్యలు, విటమిన్ B1 లోపం వంటి సమస్యలు తలెత్తుతాయి. దీని వల్ల డిప్రెషన్, యాంగ్జైటీ పెరగడంతోపాటు, బీపీ, గుండె జబ్బులు, స్ట్రోక్, క్యాన్సర్ ప్రమాదం పెరుగుతుంది.
*మానేయడం వల్ల లాభాలే :బీర్ వంటి ఆల్కహాలిక్ డ్రింక్స్‌ను మానేయడం వల్ల ఆరోగ్యానికి అనేక ప్రయోజనాలు ఉంటాయి. ఉదాహరణకు, ఆరు నెలల్లో లివర్ ఆరోగ్యం తిరిగి సాధ్యమవుతుంది. శరీరంలో శక్తి స్థాయిలు పెరుగుతాయి, నిద్ర మెరుగవుతుంది, ఇమ్యూనిటీ కూడా బలపడుతుంది. అయితే ఒక్కసారిగా మానేయకుండా క్రమంగా తగ్గిస్తూ అవసరమైతే నిపుణుల సహాయం తీసుకోవడం మంచిది.