ఓనం స్పెషల్: 399 వంటకాలతో గ్రాండ్ సాద్య – గిన్నిస్లో స్థానమొక్కిన పచ్చదనం!
national | Suryaa Desk | Published : Tue, Aug 26, 2025, 11:46 PM
కేరళలో ఓనమ్ పండుగ వేళ మొదలైంది. పదిరోజుల పాటు జరిగే ఈ పండుగలో ఓనం సాద్య (Onam Sadya) పేరుతో వివిధ సంప్రదాయ వంటకాలు వండడం అనేది ప్రత్యేక ఆనవాయితీ.ఈ క్రమంలో, కేరళలోని ఇరింజలకుడలో ఉన్న క్రైస్ట్ కాలేజీ ఘనత సాధించింది. ఓనం సందర్భంగా ఏర్పాటు చేసిన 399 రకాల వంటకాలతో కూడిన సాద్య గిన్నిస్ బుక్ ఆఫ్ రికార్డ్స్లో చోటు సంపాదించింది. ఈ వినూత్న ప్రయత్నంలో 204 మంది విద్యార్థులు, 11 మంది అధ్యాపకులు భాగమయ్యారు.ఈ సాద్య కోసం విద్యార్థులను పది మంది చొప్పున బృందాలుగా విభజించి, ప్రతి బృందం ఒక ప్రత్యేక వంటకాన్ని సిద్ధం చేసింది. అనంతరం అన్ని వంటకాలను కాలేజీ క్యాంపస్కి తీసుకొచ్చి, అన్నం సహా మొత్తం 399 వంటకాలను అరిటాకులపై వడ్డించారు.ఈ భారీ విందులో 56 రకాల పాయసాలు, 83 రకాల తోరన్, 57 రకాల పచ్చళ్లు, 58 రకాల చమ్మతీలు, 19 రకాల వేయించిన కూరగాయలు, 64 రకాల స్వీట్లు, ఉప్పు, నెయ్యి, గింజల వంటకాలు తదితర రుచులు చోటు దక్కించుకున్నాయి.ఇదే కాలేజీ 2022లో ఆసియన్ బుక్ ఆఫ్ రికార్డ్స్లోనూ పేరు పొందింది. ఈసారి గిన్నిస్ బుక్ ఆఫ్ రికార్డ్స్ సాధించాలనే లక్ష్యంతో ప్రయత్నించి, విజయవంతమైనట్లు యాజమాన్యం వెల్లడించింది.
|
|