రెండు మల్టీ-డే మ్యాచ్ల కోసం ఇండియా-ఏ జట్టు ప్రకటన జట్టుకు కెప్టెన్గా శ్రేయస్ అయ్యర్
sports | Suryaa Desk | Published : Sat, Sep 06, 2025, 04:29 PM
భారత పర్యటనకు రానున్న ఆస్ట్రేలియా-ఏ జట్టుతో తలపడే ఇండియా-ఏ జట్టును భారత క్రికెట్ నియంత్రణ మండలి శనివారం ప్రకటించింది. రెండు మల్టీ-డే నాలుగు రోజుల మ్యాచ్ల కోసం 15 మంది సభ్యులతో కూడిన జట్టును సీనియర్ పురుషుల సెలక్షన్ కమిటీ ఎంపిక చేసింది. ఈ జట్టుకు సీనియర్ ఆటగాడు శ్రేయస్ అయ్యర్ కెప్టెన్గా వ్యవహరించనుండగా, వికెట్ కీపర్ ధ్రువ్ జురెల్ వైస్ కెప్టెన్గా బాధ్యతలు నిర్వర్తించనున్నాడు.ఆంధ్రప్రదేశ్కు చెందిన యువ ఆల్రౌండర్ నితీశ్ కుమార్ రెడ్డికి ఈ జట్టులో స్థానం లభించింది. అతనితో పాటు సాయి సుదర్శన్, దేవదత్ పడిక్కల్, ప్రసిధ్ కృష్ణ, ఖలీల్ అహ్మద్ వంటి ప్రముఖ ఆటగాళ్లు జట్టులో ఉన్నారు. వికెట్ కీపర్లుగా ధ్రువ్ జురెల్తో పాటు ఎన్. జగదీశన్ను కూడా సెలక్టర్లు ఎంపిక చేశారు.ఈ సిరీస్కు సంబంధించి బీసీసీఐ ఒక కీలకమైన విషయాన్ని వెల్లడించింది. భారత సీనియర్ జట్టు ఆటగాళ్లు కేఎల్ రాహుల్, మహమ్మద్ సిరాజ్ రెండో మల్టీ-డే మ్యాచ్కు ఇండియా-ఏ జట్టుతో కలవనున్నారు. తొలి మ్యాచ్ ముగిసిన తర్వాత జట్టులోని ఇద్దరు ఆటగాళ్ల స్థానంలో వీరిని చేర్చనున్నట్లు బీసీసీఐ గౌరవ కార్యదర్శి దేవజిత్ సైకియా ఒక ప్రకటనలో తెలిపారు.ఈ సిరీస్లోని రెండు మ్యాచ్లకు లఖ్నవూ ఆతిథ్యం ఇవ్వనుంది. తొలి మ్యాచ్ సెప్టెంబర్ 16 నుంచి 19 వరకు, రెండో మ్యాచ్ సెప్టెంబర్ 23 నుంచి 26 వరకు జరగనున్నాయి. ఈ మల్టీ-డే మ్యాచ్ల తర్వాత కాన్పూర్ వేదికగా సెప్టెంబర్ 30, అక్టోబర్ 3, 5 తేదీల్లో మూడు వన్డే మ్యాచ్లు కూడా జరగనున్నాయి.
|
|