పవన్ కళ్యాణ్ ని అనుచిత వ్యాఖ్యలు చేశాడని వైసీపీ కార్యకర్త అరెస్ట్
Andhra Pradesh Telugu | Suryaa Desk | Published : Fri, Sep 12, 2025, 11:43 AM
కృష్ణాజిల్లా, మచిలీపట్నం మండలం సత్రంపాలెంలో ఉద్రిక్తత చోటు చేసుకుంది. ఆంధ్రప్రదేశ్ రాష్ట్ర ఉప ముఖ్యమంత్రి పవన్ కల్యాణ్పై వైసీపీ కార్యకర్త, ఆర్ఎంపీ వైద్యుడు గిరిధర్ రెండు రోజుల క్రితం ఓ యూట్యూబ్ ఛానల్లో అనుచిత వ్యాఖ్యలు చేశాడు. దీంతో జనసైనికులు ఆగ్రహంతో గిరిధర్ ఇంటి ముందు ఆందోళనకు దిగారు. ఈ క్రమంలో గిరిధర్పై పోలీసులకు ఫిర్యాదు చేసినా అరెస్ట్ చేయకపోవడంపై ఆగ్రహం వ్యక్తం చేశారు జనసైనికులు. తక్షణం గిరిధర్ను అరెస్ట్ చేయాలని డిమాండ్ చేస్తూ ఆర్ఎంపీ వైద్యుడి ఇంటి ముందు జనసైనికులు ధర్నాకు దిగారు. జనసైనికుల ఆగ్రహంతో మోకాళ్లపై నిలబడి క్షమాపణ చెప్పాడు ఆర్ఎంపీ వైద్యుడు గిరిధర్. ఈ విషయం తెలుసుకుని గ్రామానికి చేరుకున్నారు కృష్ణాజిల్లా పోలీసులు. ఇవాళ(శుక్రవారం) తెల్లవారుజామున 2 గంటలకు ఆర్ఎంపీ వైద్యుడు గిరిధర్ను అదుపులోకి తీసుకుని పోలీస్ స్టేషన్కు తరలించారు కృష్ణాజిల్లా పోలీసులు. గిరిధర్ను అదుపులోకి తీసుకోవడంతో జనసైనికులు ఆందోళన విరమించారు.
|
|