EPFO 3.0: ఏటీఎంల ద్వారా పీఎఫ్ డబ్బులు విత్‌డ్రా.. ఎప్పటి నుంచి ప్రారంభం?

EPFO 3.0: ఉద్యోగులకు గుడ్ న్యూస్! ఏటీఎంల ద్వారా పీఎఫ్ డబ్బులు ఉపసంహరించుకునే కొత్త సౌకర్యాన్ని త్వరలో ప్రవేశపెట్టబోతున్నారు. ప్రావిడెంట్ ఫండ్ ఖాతాలను మరింత సౌకర్యవంతంగా నిర్వహించడానికి ప్రభుత్వం EPFO 3.0 పేరుతో కొత్త విధానాలు తీసుకురానుంది.ఈ విధానాలు మొదటగా సెప్టెంబర్ 2025లో అమలు చేయాలని భావించారు, కానీ సాంకేతిక సమస్యల కారణంగా వాయిదా పడాయి. తాజా సమాచారం ప్రకారం, దీపావళి పండుగకు ముందు ఏటీఎంల ద్వారా పీఎఫ్ డబ్బులను ఉపసంహరించుకునే సౌకర్యం ఖాతాదారులకు అందుబాటులోకి తీసుకురావాలని ప్రభుత్వం యోచిస్తోంది. బ్యాంకుల లావాదేవీలను పోలి సరళమైన వ్యవస్థను అందించే దిశగా ఈ చర్యలు చేపడతామనిపేర్కొన్నారు.అక్టోబర్ 10, 11 తేదీల్లో కీలక సమావేశం 2025 అక్టోబర్ 10, 11 తేదీల్లో ఈపీఎఫ్ఓ కార్యనిర్వాహక కమిటీ సమావేశం జరగనుంది. దీనికి కేంద్ర కార్మిక, ఉపాధి శాఖ మంత్రి మన్సుఖ్ మాండవీయ అధ్యక్షత వహించనున్నారు. దీపావళి పండుగకు ముందు దాదాపు 8 కోట్ల మంది పీఎఫ్ సభ్యులకు సంబంధించిన కీలక నోటిఫికేషన్‌పై ఈ సమావేశంలో నిర్ణయాలు తీసుకోబోతున్నట్లు తెలుస్తోంది.ఈ సమావేశంలో EPFO 3.0 ప్రాజెక్ట్‌పై ముఖ్యమైన నిర్ణయాలు వెలువడనున్నాయి. ముఖ్యంగా ఏటీఎంల ద్వారా పీఎఫ్ డబ్బుల ఉపసంహరణ, UPI ద్వారా పీఎఫ్ నిధుల చెల్లింపులు వంటి బ్యాంకింగ్ సౌకర్యాలపై చర్చ జరుగనుంది. అదనంగా, నెలకు కనీస పెన్షన్ మొత్తాన్ని రూ. 1000 నుండి రూ. 1500 లేదా రూ. 2500 వరకు పెంచే ప్రణాళికపై కూడా చర్చకు ప్రాధాన్యత ఇవ్వనున్నారు.పీవీఎఫ్ ఉపసంహరణ మరింత సులభం అవుతుందివైద్య, విద్య, వివాహం, ఇల్లు కొనుగోలు వంటి కొన్ని నిర్దిష్ట కారణాల కోసం పీఎఫ్ ఖాతాదారులు ఇంటర్నెట్ ద్వారా రూ. 5 లక్షల వరకు విత్‌డ్రా చేసుకోవచ్చు. అయితే ఇప్పటి వరకు డబ్బులు చేతుల్లోకి రావడానికి కనీసం 2-3 రోజులు పడుతుండేవి. కొత్తగా ఏటీఎం సేవలు ప్రారంభమైతే, పీఎఫ్ డబ్బులు వెంటనే సులభంగా తీసుకోవచ్చు.కానీ, ఈ కొత్త సదుపాయం గురించి కొన్ని కార్మిక సంఘాలు ఆందోళన వ్యక్తం చేస్తున్నాయి. పీఎఫ్ అంటే ఉద్యోగులు పదవీ విరమణ సమయంలో లేదా అత్యవసర సందర్భాల్లో ఉపయోగించే పథకం కాబట్టి, ఏటీఎంల ద్వారా దీన్ని సులభంగా తీసుకునే అవకాశాన్ని కల్పిస్తే పథకం ఉద్దేశ్యం దెబ్బతినే అవకాశం ఉందని వారు అంటున్నారు.