వైఎస్ వివేకా హత్యకేసులో దర్యాప్తు చెయ్యడానికి సిద్ధమంటున్న సీబీఐ
Andhra Pradesh Telugu | Suryaa Desk | Published : Wed, Sep 17, 2025, 01:42 PM
మాజీ మంత్రి, వైఎస్ వివేకానందరెడ్డి హత్య కేసులో తదుపరి దర్యాప్తు కొనసాగించేందుకు తాము సిద్ధంగా ఉన్నామని సీబీఐ స్పష్టం చేసింది. ఈ విషయంలో కోర్టు ఆదేశాల మేరకు నడుచుకుంటామని తెలిపింది. ఈ కేసులో తమ దర్యాప్తు ముగిసిందని సీబీఐ పేర్కొనగా... హత్యతో ముడిపడిన ఆర్థిక, ఇతర కీలక అంశాలపై మరింత దర్యాప్తు అవసరమని వివేకా కుమార్తె సునీత సుప్రీంకోర్టును ఆశ్రయించారు. అలాగే... ఈ కేసులో నిందితులు వైఎస్ అవినాశ్రెడ్డి, దేవిరెడ్డి శివశంకర్రెడ్డి, వైఎస్ భాస్కర్రెడ్డి, ఉదయ్కుమార్రెడ్డి సహా పలువురికిచ్చిన బెయిల్ను రద్దు చేయాలని కోరుతూ సునీతారెడ్డి, సీబీఐ దాఖలు చేసిన అన్ని పిటిషన్లపైనా మంగళవారం జస్టిస్ ఎంఎం సుందరేశ్, జస్టిస్ సతీశ్చంద్రశర్మతో కూడిన ధర్మాసనం విచారణ జరిపింది. సునీత తరఫున సీనియర్ న్యాయవాది సిద్ధార్థ్ లూథ్రా, సీబీఐ తరఫున అదనపు సొలిసిటర్ జనరల్ ఎస్వీ రాజు వాదనలు వినిపించారు.
|
|